قصة جبل - نورسين ( بالدارجة المغربية )

💛 الفصل 69💛

جبل نورسين الجزء 339 : شرقات شميسة معلنة على بزوغ يوم جديد ؛ على مائدة الفطور جالسة نورسين و عبد المالك و ياسمين كيفطرو و كيمدحو فجمال نورسين بعدما تسرح شعرها ...ياسمين : مشاء الله عليك لوك جديد جاك زوين بزاف الله يحفظكعبد المالك : رجعتي وحدة اخرى تاني نتوما العيالات كتسيفو سبحان الله العظيم كديرو دي ميزاجوغ خطااارنورسين ابتاسمت بخجل و قالت ...نورسين : شكراياسمين : ولدي جبل الا رجع محال يعرفكنورسين غير سمعات سمية جبل بدات تلون و هبطات على كأسها د العصير بتوتر ..عبد المالك: غايقول لينا شنو درتو لضيفة العزيزة هههياسمين : ساهلة غانقولو ليه كانقادوها باش الا ما تزوجتيش بيها دغيا غايطيروها ليك من يديكنورسين شداتها الكحة حتى حطات ياسمين يديها على ضهرها و نطقات بخوف ...ياسمين : غير بشوية عليك و ما نكدبش عليك ابنتي فين غايلقى ولدي بحالك زين و صواب و أدب من نهار شفتك دخلتي ليا لخاطري و قلت مع راسي هادي هي مراة ولديعبد المالك: خلي البنت تفطر و نتوما ديما موحلينها ليها و هي كتحشم مسكينة و لا عرفتي شنو يالاه معايا نخرجو نشمو الهوا انا و ياك الا بقيتي هنا مع ياسمين غا تخنقك و يجي جبل يتفاهم معانا هههوقف عبد المالك و ناضت حتى نورسين معاه باغا غير تهرب لحد الآن ما مثيقاش بلي جبل غايخطبها و مزال ما متقبلة هاد الحياة جديدة اللي كتعيشها بصفة عامة مزال كلشي جديد عليها ....وقف عبد المالك حداها و لاح يدو على كتفها عنقها جنب و خرجو من الفيلا كيتساراو فالخضورية حتى نطق عبد المالك ...عبد المالك : نورسين بنتي الله يرحمها كتشبه ليك بزاف فخباركنورسين علات عينيها فيه و جاوباتو بتساؤل ...نورسين : واش فوجهي ؟؟عبد المالك ضحك و حرك راسو بنفي و قال ...عبد المالك: لا بنتي ما كتشبهش ليك فوجهك بنتي كتشبه ليك فروحك حتى هي كانت بحالك حشومية بزاف و حنينة كتشبه ليك فحاجة وحدة فشكل اللي هي تبوكيلة ديال شعر هي واخا كان شعرها رطب كان عزيز عليها تبوكلو الله يرحمها و يوسع عليهانورسين : [ بابتسامة ] الله يرحمها و يوسع عليها كنظن جبل ما عمرو شافهاعبد المالك: لا كيشوفها غير فتصاور ماتت فاش ولداتونورسين : صعيب الواحد يكبر بلا امعبد المالك: جبل كبر بلا ام و بلا أبنورسين: [ بأسف ] كان يتيم مسكينعبد المالك: كبر يتيم واخا ربينها حنا و لكن داك الحنان ديالها عمرو يتعوض ديما كنحس بلي عندو داك نقص واخا ما كيبينش مصاب كن كان جبل كيهضر معانا و يخوي قلبو اغلبية ديال الوقت كيكمدها فقلبو و يسكت الحاجة الوحيدة اللي غاتعمر داك نقص اللي كيحس بيه هي مراتوعبد المالك توقف عن المشي و علات نورسين عويناتها فيه و كمل كلامو بحب ...عبد المالك: بغيتك نتي تكوني مراتو حيت نتي اللي قادرة تعطيه داك الحنان اللي هو مفتاقدو حنان الأمنورسين طرطقات عينيها فعبد المالك و فالبلاصة هبطات راسها كتحس بدنيا كضور بيها ما يمكنش كلهم كيشوفوها هي المراة المناسبة لجبل فحين جبل المعني بالأمر ما عمرو جبد معاها موضوع زواج جاها هادشي غريب كمل كلامو عبد المالك بهدوء كيحاول يدخل ليها فكرة زواج لراسها خاصة انهم عارفينها مكتئبة بسبب عائلتها ...عبد المالك: انا كنشوفك نتي هي البنت المناسبة ليه نتي تحرمتي من عائلتك و عارفة قيمة الحنان و اللمة ديال العائلة حيت فاقد شيئ ماشي هو اللي ما كيعطيهش بالعكس أ بنتي فاقد الشيئ هو اللي كيكون عارف معنى الحرمان و ما كيبغيش ناس اللي ضايرين بيه يعيشو هاد شعورنورسين هزات عويناتها شافت فعبد المالك و ابتاسمت ليه بخجل و جاوباتو بعد صمت دام لعدة ثواني ...نورسين : صراحة ما عرفتش باش نجاوبك و لكن الحاجة اللي غانقول ليك الموضوع ديال زواج هو موضوع مصيري فحياة الإنسان و ما عارفاش واش جبل موافق و لالا حيت انا بصراحة باش ما نكدبش عليك أ الحاج من ديما كنحلم نتزوج عن اقتناع من طرفين بجوج و كنآمن بزواج عن حب واخا صراحة عائلتي كانو باغيين يزوجوني زواج تقليدي لدرجة كن جا سعاي و بغاني يعطيوني ليه اصلن ما عندهمش مشكلابتاسمت بحزن و حط عبد المالك يدو المجعدة على خدها و جاوبها بحكمة ....عبد المالك : زواج تقليدي نسبة نجاحو اكبر من زواج عن حب حيت ابنتي الحب كيعمي و كيصمك ممكن أنك بقوة الحب لواحد الشخص ما تشوفيش عيوبو و واخا يقولو ليك ناس اللي قراب ليك بلي فلان خايب نتي غايبان ليك فعينيك نبي على وجه الأرض و لكن ما كتعرف بنادم حتى كتعاشرو و يتسد عليكم الباب و تلقاو راسكم تحت سقف واحد الله سبحانه و تعالى ما دكرش الحب فالقرآن دكر المودة و الرحمةنورسين ابتاسمت و جاوباتو بابتسامة ...نورسين : كاينة أ الحاجعبد المالك: نفهم من كلامك بلي قابلة تزوجي زواج تقليدي من جبل على سنة الله و رسوله ؟؟نورسين عضات على شنايفها و نزلات راسها بخجل ...عبد المالك:السكوت علامة رضا ههه