قصة جبل - نورسين ( بالدارجة المغربية )

💛 الفصل 114💛

جبل نورسين الجزء 608 :نورسين شداتها الهيستيرية ديال ضحك من كلام ربيع و قالت ....نورسين: هههههه وانتا اللي كطنز عليا عارفاهمتطبيقات فتيليفون ما يصحابلكش راني جاية من ورا الشمس ولكن ما عنديش ما كنعرفش كيفاش نخدمهومربيع : حتى نخرجوا و نصاوبليك واحد على الاقل غير الانستغرام باش تديريلي followنورسين : اوكي هاهي الاستادة داخلة ما نعرفت علاش باينة فيها مسيميمةربيع: واسدي دابا حلقك خلينا نتبعوا فخاطرنادخلات استادة الموسيقى اللي كانت امرأة شارفة شوية و لابسة كسيوة فالازرق حد الركبة و طالقة شعرها و دايرة نضيضرات مربعين و نطقات بصرامة ....- اول حصة عندي معاكم كل واحد ينوض يقدم نفسو و الالة الموسيقية اللي جاب معاه باش نوريكم طريقة اللي كنشتغالو بيها مع كل واحدنورسين حنات على ودن ربيع و قالت بهدوء...نورسين: ويلي على شوهتي وانا ما عنديش الالة باش نتعلمربيع: اوا صافي دابا تجري عليك من القاعة حيت اللي ما جاب معاه والو كيخرج حتى يرجع الحصة اللي موراها فيدو الالة اللي غادي يلعب عليها هدا راه قانون ديال المدرسةنورسين سكتات كتشوف فالطلبة اللي معاها كيقدمو فنفسهم و الالة ديالهم حتى حنات نورسين على ودن ربيع و قالت بمزاح ....نورسين: كن غير شريتي ليا بندير معاكربيع ابتاسم و جاوبها بمزاح ....ربيع: بغيتيه بتقبة ولا بلا تقبةنورسين ما حسات براسها حتى طلقات الضحكة بصوت مرتفع الشيئ اللي خلا القسم كولو يتلفت عندها و منهم أستادة الموسيقى اللي تقدمات عندها بخطوات بطيئة حتى وقفات بجانبها و نطقات- أش هاد الحالة أ آنسة شوية د الهدوء من فضلك*كطلع فيها و تهبط* شفت يديك خاويين فين الآلة اللي غادي تلعبي عليها ؟؟؟نورسين صرطات ريقها بصعوبة و قالت بخجل ....نورسين: نسيتها أمدامأستادة الموسيقى قالت بصرامة ...- وشنو جاية كديري هنا خرجي حتى لحصة الماجية ودخلينورسين جاوباتها بلباقة ....نورسين: بغيت نبقا أمدام ما عندي فين نمشي وحتى راجلي مازال ما غايجي مورايا و طريق هنا خاويةاستادة الموسيقى بقات كتشوف فيها مدة عدة ثواني و قالت فالاخير ....- بامكانك دخلي عند أستاد أنور لحصة ديالو و فاش يجي الوقت بامكانك تخرجي من بين القوانين اللي كاينين فهاد المعهد ما تقدريش تبقاي فحصة الموسيقى بلا آلة موسيقيةناضت نورسين من مكانها هزات صاكها و خرجات ما زادتش معاها الهضرة سدات الباب و قالت بغير نفس مقلدة أستادة الموسيقى ...نورسين: ما يمكنلكش تبقاي فحصة الموسيقى بلا آلة موسيقيةعطات صبع لباب و قالت مكملة كلامها ...نورسين: ها فيك تفوووو اش هاد القوانين د الخرا انا راجلي كيحط عليا مليون باش تجريو عليا الله ينزل عليكم اللعنة صبا صبا أصلن ديك عود ند ما حاملانيش حسيت بيها والله حتى حسيتسمعات شي حد حنحن من موراها الشيئ اللي خلا عينيها يتاسعو بصدمة خوفا من انه يكون سمع حوارها مع نفسها التافتت ببطئ و هي تلمح الاستاد أنور واقف كيضحك من هدرتها و واضح أنه سمعها حيت قال بهدوء....انور: نورسين كتهضري غير بوحدك واش حماقيتي؟؟؟نورسين ابتاسمت ليه و قالت بخجل ...نورسين: احم موسيو انور صباح الخيرأنور: صباح النور مالك واقفة حدا الباب ؟؟؟نورسين عوجات فمها و حكات مؤخرة شعرها و نطقات بعفوية ....نورسين: والو غير جرات عليا الاستادة قالت ليا ما جبتيش معاك الالة الموسيقية ديالك خرجي برا علياانور: داكشي علاش تقلقتينورسين حركات راسها بالايجاب و قالت....نورسين: وادابا طريق هنا خاوية و مايصلاحليش نبقا فزنقة داك نهار تبعني احمق و فاش قلتها ليها قالت ليا سيري عند موسيو انور دخلي للحصة ديالوانور دار يدو فجيبو و ساهي فيها و كيبتاسم على كلامها و قال ....انور: انا براسي ما غاديش نقري قاعتي مسدودةنورسين ضربات جبهتها بيديها و قالت بهدوء ....نورسين: عارفة راسي منحوسة وما عندي زهر دابا شنو نبقا براأنور بقا ساكت كيشوف فيها حتى نطق ...انور: إلا بغيتي نمشيو لشي كافي وفاش توصل الوقيتة د الخروج نجيبك اش بان ليكنورسين بقات ساكتة كتفكر مدة فالاخير حركات راسها بالايجاب و قالت....نورسين: فكرة زوينة شكرا احسن ما نبقا واقفة براانور مد يدو فالفضاء و قال بابتسامة بريئة ....أنور : تفضلي