قصة جبل - نورسين ( بالدارجة المغربية )

💛 الفصل 29💛

جبل نورسين الجزء 121:سلمى : اييه الحب صعيب و الربطة زغبية [شافت فيه ] أجي نتا بعدا سنين و نتا معاه ما تعلمتيش تجلمانيت غير شويةيعقوب : من نيتك أ بنت العبد عاودو ليك عليا سميتي جبل الابراهيمي انا غير يعقوب ما عندك ما تصوري مني داك الفشوش اللي باغاني ندير ليك غير بلا ما تحلمي بيهسلمى : ياك لمك أ يعقوب ياك أ الكيدار [خبطاتو لكتفو ] كتقمعني ياك أ نص عقل انا نيت حمااارة اللي دايرة فيك عقلي و كنتسنى من واحد بحالك رومانسيةيعقوب : [ كيضحك ] كلها و شنو هزات ليه مغرفتو و نتي طيحاتك فيعقوب ما عندك ما ديري مكتاب الله كيتصرف حمدي الله و شكريه كاين اللي ما لاقيش راجل لدوا نتي بعدا ها ربي جاب ليك راجل و سيد رجال و حرش و هبيل و تايبغيك و يموت على جدك [ هز يديها باسها و رجع شاف فيها ] وا ها حنا باسنا ليك يديك باش ما تقوليش يعقوب خضر و ما تايعرفش لرومانسيةسلمى : بقات رومانسية غير مشتتة يالاه كمل خيرك و هبط حل ليا البابيعقوب : لا نتي أثرو عليك درامات التركية أ سميتك راه ما سميتيش مهند بغيتي تنزلي راه عندك يدك المهم انا نازلحل الباب و نزل و خلاها كتفقص غير هي و راسها ؛ حلات الباب و لحقات عليه حتى وقفو على جبل اللي باين فيه واخد راحتو مع نورسين فالهضرة حتى تسلطو عليهم كي الباطل ...يعقوب : وا غبورات أ با جبلجبل غير سمع صوتو غمض عينو و عاود حلهم و التافت شاف فيه ...جبل : يالاه دخلو [ أشار ليعقوب بصبعو ] و نتا زيد قدامييعقوب ضحك و زاد قدامو مزادهاش معاه بينما تبعاتو نورسين اللي حشات يديها فدراع سلمى و جبل توخر من مور نورسين داير يديه فجيبو و حاضيها كيفما العادة نورسين بقات غير حالة فمها فهاد الريسطورون اللي كتبان فخمة بزاف فكراتها فالاوطيل ديال جبل ريسطورون كبيرة و زوينة دايرة بالزاج و الارضية خشبية دخلو لداخل و بان لنورسين بزاف د ناس كايكلو فيها باين القضية مروجة و لكن اللي الفت انتباهها واحد الديكور زوين ديايرينو فالريسطورون اللي هو عبارة عن شجرة اصطناعية فيها اوراق فلون الوردي عجبها الديكور ديالها بزااف ..جا واحد السيد بلباس رسمي بمجرد ما لمح جبل صافحو باليد و جر ليهم الكراسى جلسو فيهم و كيرحب بيهم بزااف نورسين بقات غير مصدومة من كمية الترحيب اللي دار ليهم هاد سيد تقول كايعرفهم جلسات و بان ليها جبل واقف بينما مشا داك سيد بحالاتو ....يعقوب : شفتك واقف علينا نتا ما غاتغداشجبل : غانطيب بيدينورسين : [طرطقات عينيها فيه] علاش غاطيب بيدك ؟؟جبل : [بابتسامة ] كيعجبني نوجد ماكلتي راسي شنو تبغيو تاكلو [ شاف فسلمى و يعقوب ]سلمى : أنا يا خويا تشهيت السوشي اللي كديرو هنا خطير كايسالي معايايعقوب : انا غير صلاد مع كأس د العصير براكة عليا شبعانجبل شاف فنورسين اللي كانت غير ساكتة و كتبتاسم ...جبل : نورسين نتي غانصوب ليك بدوقي واخا ؟؟نورسين حركات راسها بالايجاب ما لقات ما تقول ...نورسين : واخاجبل : كتيقي فدوقي ياك ؟؟ و لا تبغي بدوقكنورسين : بحال بحال اللي درتيه هو هداكجبل : غير ثيقي بيا ديما غانختار ليك أحسن حاجة؛ عندنا منك غير وحدة لقى عليها هاد الجملة و غادر بينما هي بقات ساهية فكلامو ديما كيختار كلماتو بعناية كيختارقو قلبها واخا رافضة تدخل الاعجاب لراسها و انما الدوام كيثقب الرخام راه اليوم و غدا هدا و اي بنت محرومة من الحب غاتبدا تسمع كلمات جميلة من شي راجل بالخصوص اللي كيعطيوها قيمة واخا تكون رافضة فكرة الاعجاب بيه و لكن غايبدا يعجبها بلا ما تحس و هادشي اللي تايوقع لنورسين مع جبل.....