قصة جبل - نورسين ( بالدارجة المغربية )

💛 الفصل السابع💛

الفصل1: جبل نورسين جزء 19:رجعات تكات و حسات بدموع غايهبطو ليها بقوة الحشمة و بدات كتفركل من فوق السرير حتى دخلاتواحد البنت مع الماكلة فشاريو ...نورسين تقدات فالجلسة حيت بانت ليها البنت جايبة ليها الماكلة و كتبتاسم حتى وقفات على راسها ...البنت :هاك ا لالة الا بغيتي شي حاجة قوليهالينورسين: انا براسي بحالي بحالكم اختي انا براسي سخفت فقت لقيت راسي هنا ما عرفت باش تبليتالبنت : [ بابتسامة ] انتي ماشي بحالنا موسيو جبل كيوصي عليك ويعاود وجابلك طبيبة حيت سخفتي و كان مخلوع عليك بزاافنورسين: كيفاش طبيبة ؟!البنت:انا براسي ماعرفتش اختي المهم جات طبيبة هادشي اللي قالولي البنات لوخرين لي شافوكنورسين : ماعرفتيش شكون اللي بدلي حوايجي ؟؟البنت: كانت واحد البنت سميتها فائزة واقيلا هي اللي بدلاتليكنورسين: اختي الله يرحملك الوالدين الا ما عيطيلي عليها بغيت نعرف شنو وقعليالبنت: واخاخرجات البنت من عندها وناضت نورسين بشوية عليها حتى وقفات و دورات عينيها على الجناح اللي هي فيه كان جنااااح وشمن جنااح لا من ديكورات لا من الارضية الرخامية و حتى من الالوان كانو بناتيين مفتوحين كأن جبل اختار الجناح اللي غايحط فيه نورسين بعناية ما داتهاش فالماكلة اللي جابت ليها البنت حيت باغا غير تعرف شنو وقع ..نورسين: مشاء الله هدا قصر ماشي شومبر و الله حتى هاد شومبر اكبر من عمارتنا كلها [ابتاسمت ] سبحان الله كلها و كيفاش مكتب ليه يعيش اهم شي هي القناعة خلاتها فاطمة لابس على اللي ما يموتاستكشفات نورسين الجناح كامل ووقفات حدا واحد المراية كانت بشكل طولي كتبين الجسم كامل من الراس حتى لرجلين عاد انتابهت لكسوة اللي كانت لابسة ...نورسين: الله على كسيوة شحال كتحمقكانت لابسة واحد الكسوة طويلة بالكمام فالاسود وفيها مجموعة من الورود عجباتها بزاف خاصة انسانة بحال نورسين شحال هادي ما جات شي كسوة مسكدة فوق كتافها ...تحل الباب ودخلات فائزة كانت ملامحها عادية سمراء وكتقطر بالماكياج ولابسة الزي الموحد بالاوطيل وكتمضغ المسكة من شكلها باينة شريرةفائزة : شنو بغيتيني اختي كاين شي مشكل ؟؟نورسين قفزها صوتها و التافتت شافت فيهانورسين: نتي هي فائزة ؟؟؟فائزة: اييه أختي انا هي خاسرة اش حب الخاطر قالو ليا عيطتي ليانورسين ما عجباتهش طريقة باش كتهضر ...نورسين : قالو ليا نتي اللي بدلتي ليا حيت سخفت و ما عرفتش شنو وقع ليا واش ممكن تقولي ليا شنو وقع ؟؟؟فائزة طلقاتها بضحكة عالمية و دارت نفاخة كبيرة بالمسكة و طرطقاتها دايرة يديها فجنبها و تكات على الحيط كتطلع فيها و تهبطفائزة : فقيهك صحيح اختي جيتي مورانا وبغيتي تاكلي عشانا عندمن كتكتبي نعتيه ليا لعل و عسى يطير ليا هاد العكسنورسين:كيفاشفائزة : دايرة فيها نية ما كتفهميش أختي نتوما اللي صادقة ليكم خلاوها ماليها الله يعطينا زهر الخايبات ما علينا نشرحوليك بالخشيبات انتي سخفتي حدا لاسانسور ومن زهرك شدك سي جبل سعداتك يا ختي ما كرهناش حتى حنا نسخفوا و نطيحوا فيدو جابوك لهاد السويت الخاااص وعيطولي نبدلك حوايجك جاتك حق الشهر وخرجاتلك و مع الصاية بيضا كان باين الدمنورسين دابا زادت تأكدات بلي شاف الدم غمضات عينيها بقوة الفقصة و الحشمة و الخجل خاصة من شخص بحال جبل آخر حاجة تمناها هي يوقع ليها هاد البلان حداه ....فائزة : إوا و من بعد دوشتليك و بدلتليك حوايجك وجابلك سي جبل طبيبة و كان خااايف عليك تقوليك مراتو شوية و يطيح حداك داروليك مهدئ ومن بعد بقا معاك فالبيت هادا ماكان اوا اختي اش غادي نقولك[هزات كفوفها لسما ] ياربي بغيت غير من زهر هاد البنتكملات فائزة كلامها و خرجات اما نورسين ما بقاتش كتسمع شنو كتقول بالها بقا غير مع جبل اللي شاف دم فحوايجها شداتها البكية ...نورسين : راجل شاف الدم عندي فالصاية الله يا سيدي ربي كيف غادي ندير نشوف فكمارتو وهو عايش معانا فنفس العمارة مانعرفت شحال فالساعة [بانو ليها نظاظرها محطوطين فوق الكوافوز مشات كطير لبسات هم ] خاصني نمشي لدار دابا الله نوصل أميمتي على نهار نعاودو لحفار قبريخرجات من السويت ومشات للمكان فين بدلت حوايجها هزات صاكها و شافت فتيليفونها لقات الحال مشى ما بغاتش تحيد الكسوة عجباتها بزاااف هزات الحوايج ديالها و دارتهم فصاك اللي عطاتها صوفيا و خرجات من الاوطيل لقات طاكسي حدا الباب ركبات ومشات بحالتها لدارهم....