قصة جبل - نورسين ( بالدارجة المغربية )

💛 الفصل 12💛

الفصل 1: جبل نورسين الجزء 35:نورسين غير سمعات كلامو حيدات يديها على وجهها و مزال الشهقة د البكا فصوتها بلا ما تحس و لا تشعر قبطات فيديه الدافية و شافت فعينيه بعينيها الحومر بالبكا ...نورسين: عفاك أ خويا الا ما ديني بطوموبيلتك الا درتي فيا هاد الخير عمري نساه ليكجبل حس بداتو تنملات عليه بالشدة اللي دارت ليه صرط ديك كلمة خويا بجغيمة الما و ابتاسم ليها و حرك راسو بالايجاب و قال ...جبل: دموعك غاليين تعلمي ما تطيحيهمش على رخيصناض وقف و دخل لدارو باش يجيب السوارت و الوراق ديال طوموبيل و هي بقات غير ساهية و كتحمد الله اللي لقاتو بعدا يفكها واخا ما عندهاش معاه المهم غاينفعها فشي حاجة واخا مواعدة راسها انها ما تعداش معاه الحدود فالكلام ...ماهي الا ثواني حتى خرج جبل بالسوارت فيدو و الوراق حتى هما ديال اللوطو سد الباب ديال دار و التافت شاف فيها لقاها مزال جالسة فالدرجة و عينيها منفوخين بالبكا تفكر بلي فيها ليغيكل و خطر عليها البرودة ...جبل: نورسين نوضي من الدرجة راك مريضةنورسين كانت ساهية حتى قفزها رفعات عينيها شافت فيه و ناضت من الارض بسرعة و وجهها غايطرطق بقوة الحشمة حيت فهماتو شنو قصد ...جبل: البارح قالت ليا طبيبة نوصيك تبعدي من اي حاجة باردة فالبيريود ديالك هاكا غاتهلكي صحتك و احتمال يرجع ليك الحريقهو كيهضر و هي حانية راسها غاتموت بقوة الحشمة و شادة فالصاك ديالها و مزيرة عليه بمجرد ما سالا كلامو هزات عينيها فيه...نورسين: راه غانتعطلو انا غانسبقكجبل عرفها حشمات منو عض على شنايفو و شحال كتحمقو بداك الحشمة لي فيها كتسطيه و كتجننو عليها كيبان ليه غير يطير عليها بشي بوسة لدوك الحنيكات ...جبل: [تنهد] اوكيالله غاتحط رجليها فالدرجة باش تسبقو و هو يعيط ليها بصوتو اللي زعزعها من لداخل نبرة ديال صوتو زوينة بحالو حرشة و حنينة فنفس الوقت ...جبل: نورسينالتافتت لعندو و هو يقرب ليها حتى ما بقا كيفصلو عليها غير بضع سنتيميترات و نظراتو فشكل حسات بقلبها تزعزع فهاد اللحظة و كينبض بقوة هي براسها ما عارفاش علاش ربما اشارات الحب اللي كيرسلهم جبل ليها من خلال عينيه ياك كيقولك القلب على القلب نطقات بتوتر و يديها كتزير على الصاك اللي حاطة فكتافها ...نورسين: نعام أ خويااما جبل اااخ من جبل ترفع و هو كيشوف فعينيها اللي كينسيوه هو شكون كيتمعن فيهم بحب كبيير سنين وهو محروم من شوفتهم كيحس براسو كيف شي عطشان باغي غير يروي حلقو بالما غير هو الفرق جبل قلبو اللي عاش سنين من الجفاف و هاد القرب هو بمثابة ارتواء لقلبو الضعيف اللي كيتسنى غير امتى يطفي شوقو منها ... ديما كيراودو احساس غريب وهي قريبة منو ديما كيقولو عقلو يديها يهربها ما يشوفها حد يبقاو فمكان فيه غير هوما بزوج هو بوحدو اللي حاس بقيمة الجوهرة نادرة اللي قدامو هو بوحدو اللي كيشوف الجمال الخفي وراء دوك النظارات و الملابس البشعة ووراء وجهها شاحب اللي ما فيه حتى قطرة ميكاب ما كدبوش اللي قالو اللي غادي يبغيك غادي يبغي روحك قبل من شكلك..نورسين بقات مجمدة فبلاصتها حبس عليها الهواء مسكينة حيت تبارك الله جبل جثة ضخمة ما عرفاتش لاش بغاها بقات فقط كتشوف فيه حتى مد ليها السوارت و الوراق ديال طوموبيل اللي حاطهم فبزطام خاص بالوراق ...جبل: ممكن تشديهمشداتهم من عندو و هي ما فاهماش لاش عطاهم ليها حتى بان ليها تحنى على ركابيه طرطقات عينيها فيه ما فهماتش لاش دار هاد الحركة حتى بانلها كيربط فالسيور ديال سبردلتيها سيدة بحال ضربتيها بتصرفيقة ما صدقاتش عينيها غمضاتهم و عاودت حلاتهم كتأكد واش عينيها ضببو و لا راه كتشوف مزيان واش بصح راجل بلحيتو و بشلغامو يهبط و يعقد ليها السيور ديال سبرديلتها واش بصح صاحب اكبر اوطيل فشمال افريقيا كيربط السيور ديالها كان بامكانو يقولها ربطي سيورك و لكن علاش فضل يحني هو بطولو بعرضو بقامتو و يعقدهم ليها بنفسو ؟! ما دخلاتش ليها لراسها زادت حشمات منو واش هاد السيد ضريف حتى لهاد الدرجة واش هاد سيد ضريف لدرجة انه فضل انه يحني هو و ما تحنيش هي احتراما ليها واش كاين شي رجل بفكر عربي غايدير هاد التصرف ؟! و هادشي إن دل على شيئ فكيدل على ان جبل كيحترم المرأة لدرجة ما يخليهاش تحني راس بأي شكل من الأشكال كيدل على رقي ديالو فتعامل مع جنس حواء ...جبل ناض وقف و شاف فيها مع ابتسامة زوينة ديما مزينة ملامحو المبشورين خدا من عندها السوارت و الوراق من يديها و هي مزالها كتشوف فيه مصدومة من تصرف ديالو ...جبل : بقاي تردي البال باش ما تطيحيش ماشي ديما كانكون معاك باش نفكك