Manunula(t)
Isa kang magiting na manunula(t),
pluma’t tinta ang iyong sandata.
Maubusan man ng tinta ang iyong pluma,
ika’y sumusubok pa rin na magsulat.
Hanga sa iyo ang mga mambabasa
dahil akda mo’y maayos ang pagkakagawa
at ito’y kinapupulutan ng mga aral
na mas mahalaga pa sa materyal na kayamanan.
Maranasan mang husgahan ng iba
at hindi masuportahan ng karamihan.
Manunula(t), magpatuloy ka lang!
Gawin itong inspirasyon sa paghabi pa ng mga akda.
Minsan panalo ka, minsan naman ay talo
ngunit hindi ibig sabihin na talunan ka na.
Marami pang ibang pagkakataon
kaya patuloy lang sa laban kasama Siya.
Manunula(t), ika’y isang mambabasa rin.
Tunay na opinyon galing sa iyo
ay nagbibigay saya sa mga kagaya mo.
Iyo sanang ibigay ito nang buong puso.
Sa pagsusulat, hindi mo ito ginagawa para sa iba.
Gawin mo ito para mismo sa iyong sarili
upang mas matamasa mo ang sayang dulot nito
at nang sa gayon ay mas malibang ka rito.
Kung ika’y napapagod na,
ika’y magpahinga na muna.
Gugulin mo ang oras mo sa ibang bagay
na mas makakatulong sa iyong pagpapahinga.
Magaling ka, mahusay ka!
Iyan sana ang iyong paniwalaan.
Hanga ako sa iyo, manunula(t)
kaya sana magpatuloy ka pa sa pagsusulat!
BINABASA MO ANG
Tula sa Papel
PoetryMga tulang may magkakaibang tema at paksa na likha ng malikot na isipan, sa papel ito'y nakasulat na. Ang buhay ay puno ng pagsubok. Hayaan na ang realidad at pantasya ay magsama sa mga piyesang hinabi ng may-akda.
