Mapanagutang Prodyuser
Ako at ikaw ay pwedeng maging prodyuser:
Isang mapanagutang prodyuser
Na ginagawang mabuti ang gawain
At naninindigan sa tungkulin,
Tungkuling piniling gawin.
Ang prodyuser ay may displina
At marunong din makisama.
Hindi nakikipagtaasan sa iba
Dahil siya’y nagpapakumbaba.
Mapanuri’t maingat sa mga ginagawa.
Sa paglikha ng produkto,
Ang prodyuser ay matalino.
Importanteng bagay ang inuuna;
Mga bagay na kailangan sa paggawa,
Paggawa ng produktong kaaya-aya.
Sa prodyuser galing ang mga produkto:
Mga maayos na produkto
Na siyang ibabahagi sa publiko.
Mga produktong maganda ang kalidad
Na ibebenta sa presyong kayang bilhin ng lahat.
Ang tagagawa ay napapagod din.
Mahalaga man ang bawat oras sa kanyang paggawa,
Nangangailangan din siya ng pahinga.
Sana’y ating pansinin ang kanyang pagsisikap
At siya’y ating parangalan.
BINABASA MO ANG
Tula sa Papel
PoesiaMga tulang may magkakaibang tema at paksa na likha ng malikot na isipan, sa papel ito'y nakasulat na. Ang buhay ay puno ng pagsubok. Hayaan na ang realidad at pantasya ay magsama sa mga piyesang hinabi ng may-akda.
