Naliligaw
Ako ba talaga ito?
Nawawala ako sa mundong ito
na puno ng kasinungalingan.
Nais kong mahanap ang katotohanan.
Nasaan na ang liwanag?
Bakit wala akong nakikita?
Inaasam ko ang kapayapaan
sa mundo kong magulo.
May tutulong kaya sa akin
para makalayo sa mundong ito?
May makakaintindi ba sa akin
at maniniwala sa aking kwento?
Patuloy akong naliligaw ng landas,
‘di ko alam kung saan papatungo.
Laging napapadpad sa lugar na
‘di ko mabatid kung kabilang ba ako.
- January 21, 2021
Galit
Ginagawa ko ang lahat,
mapigilan lang itong galit ko
kahit na para akong pinapatay.
Hinahayaan ko na lang ito.
Wala bang nakakapansin
sa kirot na aking nadarama?
Kinamumuhian ba nila ako
kaya ‘di nila makitang nahihirapan ako?
Gusto kong manakit ng tao
pero hindi ko magawa.
Gusto kong magsisigaw-sigaw
pero tila ako’y nawawalan ng boses.
Nasasaktan ko na ang sarili ko
dahil sa galit na aking nadarama
na napapalitan na lang ng luha.
Galit ako pero luha ko ang nananalo.
BINABASA MO ANG
Tula sa Papel
PoezieMga tulang may magkakaibang tema at paksa na likha ng malikot na isipan, sa papel ito'y nakasulat na. Ang buhay ay puno ng pagsubok. Hayaan na ang realidad at pantasya ay magsama sa mga piyesang hinabi ng may-akda.
