Samahan
Unang taon ng samahan,
puro laro ang libangan.
Laging nagkakatuwaan
sa lahat ng kalokohan.
Ngunit lahat ay nagbago,
samahan nati’y naglaho.
Tuluyan ngang nagkalayo
ang ating mga prinsipyo.
Di na magkaintindihan
kaya ‘di na nagpansinan.
Hanggang dito na talaga?
Di ba pwedeng ayusin na?
Aking mga kaibigan,
sayang ang ating samahan.
Ako’y iiwan n’yo na ba?
Iiwan na ngang mag-isa.
Samahan nati’y wasak na.
Di na nga mabubuo pa
dahil mag-isa na ako
at pinagmamasdan kayo.
Masayang nagkwekwentuhan
at malakas ang tawanan.
Iyan ang bagong samahan
na hindi ako kabilang.
BINABASA MO ANG
Tula sa Papel
PuisiMga tulang may magkakaibang tema at paksa na likha ng malikot na isipan, sa papel ito'y nakasulat na. Ang buhay ay puno ng pagsubok. Hayaan na ang realidad at pantasya ay magsama sa mga piyesang hinabi ng may-akda.
