كل ضربة في جسمي حسيتها كيفاش كانت ريان داوي فيا كانت كل ضربة نقول هادي لي توجع فيهم كامل ما جات تخلص ملقري دارتلي السيروم ودوا تاع الوجاع بصح مزلت نتوجع سيرتو من وجهي وخشمي كي كملت قاتلي جوليا وش صرى حتى دارلك هكا اصيل مستحيل يدير هكدا إلا إذا كانت حكاية كبيرة . مقدرتش نهدر فمي ثقيل ومنفخ قاتلي معليش كوراج شدة وتفوت ياك دوك نروح نفهم من عندو المهم انتي تهللي في روحك . ناضت خرجت ، تصدقوا الحاجة لي حيرتني أنهم كامل غضتهم ولا معاباليش كانوا كامل معايا قاعدين الشمبرة . في وجوهم حيرة وحزن بيسك موحال أصلا واحد يشوف وجهي ومايحيرش فيه بصح الحزن واني غايضتهم حالتي وحسوا بيا . هادي لي بقيت حايرة فيها نطق خالي الصغير لي هو بابات ريمة قالي جوليا بنتي ياك راكي معندكش وجاع درك ولا نديك للسبيطار قولي . بسيف ما حركت راسي بلالا . وقيل حتى ريمة نساوها من الشي لي دارو فيا اصيل . كي غفيت خرجوا بقات معايا غير اسمهان ، كي فطنت كانت الغدوة العشرة تاع الصباح لقيت ريمة قاعدة جنبي ورأسها مبوندي كامل بالفاصمة وجها صفرة غير شفتها هبطت دمعتي ريمة بالاك هيا لي كانت معايا بنيتها من اول نهار نهار مدورت وجها عليا ولا قالت عليا كلمة . من شافتني نضت قدمت عندي قاتلي جوليا لباس راكي تشوفي فيا ، طرطقت بالبكا مكنتش علابالي بلي راح يدير فيك هكا سينو والله ما نهدر هو قالي ما نديرلها والوا وراني خايف عليها على هادي حكيتلوا والله جوليا وقتلوا هيا مدزتنيش أنا طحت وحدي . بلعت ريقي ونطقت بسيف قتلها علابالي ،المهم اسمحيلي . قاتلي علاه نسمحلك ياك أنا طحت وحدي انتي كنتي حابة تحكميني وانا طحت وحدي . مديتلها يدي قتلها عاونيني نقعد جات عاونتني وقعدت قدامي عنقتني قاتلي كلشي يفوت جوليا رانا كامل معاك . تفتح الباب شفتوا دخل غير شفتوا لصقت فيها اكثر خفت منو يزيد يضربني . لحقوا مسلم قالوا اصيل اخرج اخطي طفلة راك حاب تقتلها ولا واش قالوا مدخلش روحك راح نهدر معاها ما راح نديرلها والوا . قالوا معليش كي تبرا واهدر معاها شوف مع وجها كيفاش زعما راح تقدر تهدر معاك في الحالة هادي اخرج وكي تبرا تهدر معاها كيما تحب . ماجاوبوش وجاي مقدم عندي وقفلوا مسلم بيناتنا قالوا اصيل يزينا صاي روح كي دير عقلك في راسك وارواح . قالوا مسلم بعد انت معلابالك بوالوا خليني نهدر معاها . زاد جا خالي الصغير وقفلوا قالوا اخرج اصيل اخطي الطفلة يزيك من الحقرة ياك نهار ما هدرت معاك ولا وقفت بيناتكم بصح بزاف هادي حقرة وظلم تضربها هكدا تستقوى عليها حتى ريمة قاتلكً بلي طاحت وحدها حتى إذا دزتها أنا نحاسبها انت معندك حتى دخل . عيط عليهم يا ربكم أنا راني نحقر فيها علابالكم بيها شا راهي دير اهدرو علابالكم شا لقيت عندها ولالا . ودار عند مسلم قالوا وانت لي راك تحل في ## فمك وتقولي خوها وندير كلشي علجالها علابالك شا لقيت عندها ولالا ولا راك غير تهدر كان جيت خوها صح وخايف عليها راك عسيتها ، قالوا مسلم وش راك تقول وش لقيت عندها . قالوا الطفلة تدروقي تضرب في البيضة وانتمً واحد فيكم معلابالو بيها كان تموت واحد ما راه سامع .سكتوا كامل يشوفوا معايا مشوكيين قالوا انطق درك جاي تحاسب فيا وين كنت انت كي كانت تشري فيها وتضرب اهدر طفلة من لي بعدت أنا ضاعت ودرك خايفين عليها مني . دار شاف معايا مسلم قالي صح وش راه يهدر جوليا ،بقيت غير غير معنقة ريمة مخبية وجهي في صدرها حبيت ندخل تحت الأرض علاه هدر قدامهم . قدم عندي مسلم جبدني من عندها بسيف قالي اهدري جوليا متهبلينيش صح وش راه يقول .خالي من كان واقف قعد حط رأسوا بين يديه نسا خوالنا كيف كيف فضحني بيسك من سمعوه يعيط طلعوا لشمبرتي . بقيت ساكتة قدم اصيل قالي شوفي اهدري كلشي درك خيرلك من كنتي تجيبي فيها ومن وقتاش وكيفاش . أنا حكمتها غير سكات بيسك مكنتش متخلية راح يصرى هكدا تشوفو كمية الخزي والحشمة لي حكمتني في هاد دقيقة تمنيت ندخل تحت للأرض ولا نموت منتحطش في هاد الموقف . قالي يا ### تهدري علاه راكي ساكتة اهدري متوسوسينيش اكثر جوليا . حكمني من شعري المشكلة كامل خلاوه واحد ما حب يمنعوا أنوا يضربني بيسك درك عرفوا سبب وعطاوه الحق ولا راهم مصدومين ومش مستوعبين الحكاية ، إنوا عايشة معاهم وحدة مدمنة . جات اسمهان تبعد فيه قاتلوا خلاص اصيل أنا نقولك كلشي خلاص بعد عليها . طلقني يشوف معاها قالي انتي علابالك بيها ؟؟؟ قتلها اسمهان متهدريش . عيطت عليا قالتلي خلاص جوليا خليني نهدر لوقتاش راح تخبي حتى تموتي مراكيش تشوفي في روحك وين وصلتي ولحاللة لي راكي فيها بسباب التخبية تاعك . جبدها اصيل من شعرها قالها يا الكلبة علابالك بيها ومقولتيش اهدري شوفي تقولي كلشي ولا نطلع بروحك هنا . قاتلوا شفت نهار لي تخطفت فيه هذاك عليلو هو لي خطفها كان يخرج معاها كي كنا نسكنو في دارنا لقديمة ومن بعد. متفاهموش وتسيباراو كان ديما يمدلها الدراهم ولي كادو وكي قاتلوا منحبكش ومنيش راح نكمل معاك حقد عليها وكي جينا سكننا هنا هدر معايا قالي شوفيلي نهار تكون تقرى فيه نروحلها للجامعة نهدر معاها باه ترجعلي دراهمي ونخوفها ولا نحاولها شوي باه ترجعلي قتلوا أنا درك متقدرش بيسك كنت انت اصيل ديما معاها. ومتكونش خلاص وحدها وخفت منها تحكيلك . كي رحت انت لصحرا قتلوا وين تقرى وعلى شحال الساعة تخرج . هنا حبست تبكي . وهو غير يشوف معايا قاتلوا مكانش علابالي بلي راح يخطفها في ليلة هذيك عيطلي قالي راهي عندي وراني درتلها لادروق راح نرجعها مدمنة وكيما الكلبة عندي وراني مصورها عريانة وانتي كون تهدري كلمة ولا تجبديني نفضحكم في زوج . من هذاك النهار وهو كل مرة تروحوا لدارنا لقديمة يمدلهاً الدوا وهيا كانت تخلصوا من دراهمك روح شوفهم تلقاهم ناقصين من بعد كي كثر عليها كانت راح تحكيلك كلشي بصح فاقت بيها يماك قاتلها متحكي لحتى واحد انتي تحملي مسؤولية وحدك وراحت تلاقاتوا معاها قاتلوا ارواح أخطبها واديها وواحد ما يسمع بلي صرا . أنا شفت اصيل مقلق واصيل فرحان واصيل زعفان وشارب ، بصح اصيل تاع هاد دقيقة مشفتوش منقدرش نوصفهولكم يعني في هادي كانت عندها الحق يماه كي قاتلوا متحكيلوش . دار شاف مع يماه ومع اسمهان قالهم كي شفتوني روحت أنا وبعدت عليها لقيتوا وحدها تحاميتو عليها كامل وغدرتوها شفتوها صغيرة درتوها لعبة بيناتكم لي يجي يزيد يغرقها شاف مع يماه قالها قبل ما نروح وصيتك عليها ولالا قولتيلي روح ولدي متهني نحطها في عينيا حتى ترجع ولالا ولي تصرى نقولهالك بصح معليش. انتم حسابكم من بعد . وجا خارج حكماتوا يماه راح تهدر سكتها قالها من ليوم ما راكي يما ما راني ولدك . وكمل خرج . والباقي غير قاعدين يشوفو مشوكيين قالي مسلم علاه ما جيتيش حكيتيلي ولا مراكيش حاطتنا رجال طحاحنة حنا حتى تخلي واحد يدير فيك وش يحب ويتمسح بيك ويضيعلك حياتك . قاتلوا يماه روح مسلم الحقوا علابالي ليوم يدير جريمة الحقو أنا ميمتك متخليهش يدمر حياتو . قالها وش من ميمة ، ربي يسامحك برك وجا خارج .
