Walang bagay o taong perpekto,
Dahil sa bawat araw lahat tayo'y natututo,
Lahat tayo makakarating sa panibagong yugto,
Yugto kung saan makakatagpo tayo ng ginto.
Ginto na hindi isang materyal na bagay,
Na kasiyahan pa rin sa 'yo ang ibinibigay,
Mga kaibigan at pamilya sa iyong buhay,
Na nagbibigay kulay sa buhay mong lumbay.
Hindi lahat ng tao ikaw ay magugustuhan,
Hindi lahat ng tao ikaw ay maiintindihan,
Magtiwala lamang sa iyong sariling kakayahan,
Dahil tiyak na iyon ay may mapupuntahan.
Lahat tayo ay may tinataglay na kayamanan,
Ang mga aral sa buhay na ating natututunan,
Pamilya, kaibigan at edukasyon ang ating mga yaman,
Na hindi makukuha at mapapalitan ninuman.
Isa ako sa mga nabihag ng kanyang mga kuwento,
Iisa lang ang tangi kong makokomento,
Mga nais nitong iparating ay naramdaman ko,
Basta sa isang "Maxinejiji" ay humahanga ako.
BINABASA MO ANG
DEDICATED POEMS FOR MAXINEJIJI STORIES
PoésieDedicated kong tula para sa mga stories ni Miss Maxine Lat. Ang ilang mga tulang nakapaloob ay spoiler mismo sa istorya. He's into Her Poser The Wishful Thinker Maglaway ka man sa akin M (Project M) 2nd album Highest Rank in He's into her # 7 0...
