အလှလေးရှောင်မန် (Beauty and the Beast) Book 1

အခန်း (၂၇)

အခန်း (၂၇) : ပိုင်ဆိုင်မှုရှိသော အဆင့်အတန်း

ဂူမန်မန်၏ အကြံပြုချက်က အဲလ်ဗစ်ကို သွေးဆောင်ဖျားယောင်းနေသည်ဟု ဆိုလို့ရသည်။

အဲလ်ဗစ် နားရွက်ဖျားက ပန်းရောင်သမ်းလာပြီး ဂူမန်မန်ကို မကြည့်မိစေရန်အလို့ဌာ ခေါင်းကိုတစ်ဖက်စောင်းလိုက်ပြီး တည်တည်ငြိမ်ငြိမ်အသံနှင့်ပြောလိုက်သည် "တကယ်လို့ မင်းက ငါရဲ့ အကူဖြစ်လာရင် နောက်ထပ်....ထွက်မသွားတော့ဘူးမလား....."

နောက်စက္ကန့်မှာ ဂူမန်မန်က သူမခါင်းကို သေချာစွာငြိမ့်ပြလိုက်ပြီး "ရှင်သာ ကျွန်မကို ကာကွယ်ပေးမယ်ဆိုရင် ရှင့်ဘေးကနေ ခြေတစ်လှမ်းမှ ထွက်မသွားတော့ဘူး ဘယ်မှမသွားတော့ဘူး"

အဓိပ္ပါယ်မရှိသည့် စကား.......... ဒီကမ္ဘာက အရမ်းအန္တရာယ်များလွန်းပြီး ထွက်ပြေးပြီးနောက်ပိုင်း ဘယ်အချိန်အစားခံရမလဲဆိုတာ ဘယ်သူသိမှာလဲ..... မသိသည့် နတ်ဆိုးမကောင်းဆိုးဝါးတွေထက်စာလျှင် အဲလ်ဗစ်ဆီ အစားခံရသည်က ပိုကောင်းဦးမည်။ အနည်းဆုံးတော့ သူကရုပ်ချောပြီး ကြည့်ကောင်းပေသည်။

ကွန်ဖြူးရှပ်က တစ်ချိန်ကပြောခဲ့ဖူးသည် : ကြည့်ကောင်းတဲ့လူတွေစားတဲ့နည်းလမ်းက လုံးဝကြည့်မဆိုးဘူး......

(အပေါင်းအပါတို့ရေ....... ကွန်ဖြူးရှပ်ရဲ့ ခေါင်းတလားကို ကျွန်မကိုကူပြီး ဖိပေးထားကြပါ့လား ......မဟုတ်ရင် အဲကနေ ထွက်လာပြီး ကျွန်မကို သေသည်အထိ လည်ပင်းညှစ်မှာ စိုးရိမ်လို့ပါ)

'ကျွန်မ ရှင့်ဘေးက ခြေတစ်လှမ်းမှ ထွက်မသွားဘူး'ဆိုတဲ့ စကားခုနှစ်လုံးက အဲလ်ဗစ်ရဲ့နှလုံးသားကို အပိုင်ချုပ်သွားလေသည်။ ထိုအခိုက်အတန့်မှာ ထိန်းချပ်မှုကင်းမဲ့စွာ ခုန်ပေါက်နေတဲ့ နှလုံးသားက စက္ကန့်အနည်းငယ်ရပ်တန့်သွားခဲ့သည်။

အဲလ်ဗစ်သည် အခုထိ 'အကူ'ဆိုတဲ့ စကားအဓိပ္ပါယ်ကိုနားမလည်သေးပေမဲ့ ပါတနာနှင့်အတူတူဟု သတ်မှတ်ထားခဲ့သည်။ ဒါမှမဟုတ်ရင် ဖြစ်နိုင်တာက နတ်ဘုရားနှင့် သတင်းစကားအမှာြကားသူတို့ကြား ဆက်သွယ်ဖို့ ဘာသာစကားတစ်ခုဖြစ်နိုင်သည်။ ထို့ကြောင့် သူနားမလည်နိုင်ခြင်းဖြစ်သည်။