Khael Moon: Ang Prinsipe ng mga Aswang: The Last Season ✔💯

Chapter 06

°°°°°°°°°°

THIRD PERSON'S POV

Ilang sandali pa bago sumapit ang bagong taon

"Teka lang apo," ani niya sa kanya,"Iwanan muna kita rito, papasok lang ako sa loob ng bahay dahil sinusumpong na naman ako ng aking rayuma," malumanay na sambit nito sa kanya

Tumango siya bilang pagsang ayon sa kanya, sinundan niya lang ng tingin habang papasok sa kanilang kubo

Sumulyap siya sa kanyang lumang orasang pambisig, alas onse y media na ng mga sandaling iyon, treinta minutos nalang at magbabago na ang taon na puno ng pasakit

Nagpasya siyng maglakad lakad muna, nagbabalik tanaw sa mga kagimbal gimbal na pangyayari na naganap sa kanilang lugar

Hanggang ngayon ay palaisipan pa rin sa kanya ang sunod sunod na pagkamatay ng mga dayo sa kanilang lugar

Madalas sa mga iyon ay wakwak ang tiyan at wala ng lamang loob

Natatakot tuloy siya, dahil gaya nila ay isa din siyang dayo, kahit na dito na siya lumaki, pero miminsan lang makauwi kapag bakasyon

Tumagal siya sa Lungsod para mag aral at halos doon na niya inilagi ang kanyang kabinataan, umuuwi lamang siya sa Sitio dahil wala ngang kasama ang kanyang Lolo

Matanda na ito at may kahinaan na, kailangan soya nito sa mga ganitong panahon at may okasyon

Ayon sa pinuno ng kanilang lugar ay mababangis na hayop lamang daw ang may gawa sa sunod sunod na pagkalagas ng mga dayuhang napapapadpad sa kanila

Natigilan siya sa kanyang pag iisip ng may madinig siyang ungol na tila galing sa isang mabangis na hayop

Doon niya lang napagtanto na napapadpad na pala siya mga kakahuyan

Doon siya dinala ng kanyang mga paa habang lumilipad ang kanyang isip habang naglalakad

Palakas na ng palakas ang mga ungol ng mga sandaling iyon na sinabayan pa ng mga nakaririnding pag alulong ng mga aso

Huminga siya ng malalim, pinilit naman niyang pakalmahin ang kanyang sarili upang matalo ang takot na unti unting kumakain sa kanyang sistema

Pero nabigo siya, dahil lalong lumakas ang pagtibok ng kanyang puso, parang tinatambol ang kanyang dibdib, lalo na ng maaninag niya ang isang kakaibang anino

Dahan dahan siyang bumaling sa kanyang likuran, napasigaw nalang siyang bigla dahil sa kanyang nakitang nilalang na may pangil

Mayroon iyong matutulis na mga kuko, kulubot ang maputlang balat, habang namumula naman ang mga nanlilisik na mga mata

Dali dali siyang tumakbo, baon ang matinding takot, nariyang nadapa siya at nagpagulong gulong sa mababang parte ng lupa

Dinig pa niya ang mga yabag nito, alam niyang hindi ito tumitigil sa paghabol sa kanya

Lalo lamang siyang nabahala ng ilang sandali pa ay dumating ang mga lumilipad na mga nilalang na iyon na nasa himapapawid

Tumingala siya at gayun na lamang ang kanyang pagkabigla at pagkasindak ng makita ang mga iyon na kalahati lamang ang bahagi ng katawan

May mga itim at malalaking pakpak ang mga iyon, habang nakalawit ang mga mahahabang bituka sa tiyan ng mga iyon

Nagpatuloy lang siya sa pagtakbo, ngayon ay alam na niya kung bakit marami ang patayang nagaganap sa kanilang Sitio, mga aswang pala ang lahat ng nakatira dito at palagi silang handang pumatay ng mga kagaya niyang dayo sa lugar na ito