အခန်း (၁၂၁၉)(စာစဉ် ၈၈- အပိုင်း ၁)
“ဖန်သားနန်းတော်”
ခန်းမထဲရှိ လူများမှာ အလင်းတန်းနှင့် အသားကျ နေကြသည့် ပုံမျိုးပါပင်။
ထို့ကြောင့် ဦးညွှတ်အရိုအသေပြုလိုက်ရင်း-
“မိဖုရားကို နှုတ်ဆက်ပါတယ် . . .”
ထိပ်ဆုံး၌ ထိုင်နေသော ခရမ်းရောင်ဝတ်ရုံဝတ်လူ မှာ အလိုမကျဟန်ဖြင့် အမျိုးသမီးအား ကြည့်လိုက် ရင်း -
“မိဖုရား အခုငါတို့က အရေးကြီးတဲ့ အစည်းအဝေး လုပ်နေတာ ဘာလို့ ရုတ်တရက်ကြီး ဝင်လာရတာလဲ၊ ပြောစရာရှိ အစည်းအဝေးပြီးမှ ပြောလို့မရဘူးလား”
သို့သော် အမျိုးသမီးမှာ စိုးရိမ်နေသည့်ဟန်ဖြင့် -
“အားလုံး မတ်တပ်ရပ်ကြပါ . . .”
“ဒါကအရေးပေါ်ကိစ္စပဲ ကျွန်မ ဘုရင်မင်းမြတ်ကို အခုပြောမှကို ဖြစ်မှာမလို့ပါ၊ ကျွန်မရဲ့ အပြုအမူတွေ အတွက် တောင်းပန်ပါတယ် . . .”
ပြောပြောဆိုဆိုဖြင့် အမျိုးသမီးမှာ ခရမ်းရောင် ဝတ်ရုံဝတ် လူရှိရာသို့ ခြေလှမ်းကျဲကြီးများဖြင့် သွား လိုက်၏။
ထို့ကြောင့် လူများမှာ မိဖုရားအားကြည့်ရင်း အံ့ဩ နေမိကြလေသည်။
(ဘယ်လိုဖြစ်တာလဲ . . .)
(မိဖုရားက အမြဲတမ်း တည်ငြိမ်တဲ့လူပါ၊ ဒါပေမယ့် ဘာလို့ အခုလို ပုံစံမျိုး ဖြစ်နေရတာလဲ . . .)
ခရမ်းရောင် ဝတ်ရုံဝတ် လူမှ မျက်မှောင်ကြုတ် လျက် -
“ဘာကိစ္စမလို့ ဒီလောက်ထိ အရေးကြီးနေရတာ လဲ . . .”
မိဖုရားလည်း စိုးရိမ်နေသည့် ဟန်ဖြင့် -
“မီးတောက်က မြင့်တက်လာပြီ၊ ကျွန်မစိတ်ထဲမှာ ခံစားနေရတယ် ကြည့်ရတာ ယွဲ့အာက နိုးထလာပြီနဲ့ တူတယ် . . .”
“ဘာ မင်းဘာပြောလိုက်တာလဲ . . .”
ခရမ်းရောင်ဝတ်ရုံနှင့် လူမှာ အံ့ဩလွန်း၍ ထိုင်နေ ရာမှ ချက်ချင်းပင် မတ်တပ်ထရပ်လိုက်မိသည်။
ထိုလူမှာ အရပ် ၆ ပေခန့်ရှိ၍ ခန္ဓာကိုယ် ကြံ့ခိုင် သော လူတစ်ဦးလည်း ဖြစ်သည်။
YOU ARE READING
မိုးကောင်းကင်အောက်မှကလဲ့စား (အတွဲ ၅) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
