အခန်း (၁၁၃၃)(စာစဉ် ၈၁- အခန်း ၁၃)
“ဇန်ယွန်ဖေ့တို့၏ စိုးရိမ်ပူပန်မှု”
ဇန်ယွန်ဖေ့မှ -
“အနိုင်ရရှိတဲ့လူက သေခြင်းတရားနဲ့ သေဆုံးခြင်း ကို ဆုံးဖြတ်တယ်ဆိုတာ သဘာဝတရားကြီးရဲ့ ဥပဒေ သပဲ မဟုတ်လား၊ ငါတို့ ရေခဲလနန်းတော်က မင်းတို့ရဲ့ တိုက်ခိုက်မှုတွေကို စိတ်ရှည်ရှည်နဲ့ စောင့်နေပါ့မယ် မိန်းကလေးတို့ . . .”
ဇန်ယွန်ဖေ့မှာ ရေခဲလနန်းတော်၏ အရေးပါသော လူတစ်ဦးဖြစ်၍ မိန်းကလေးနှစ်ဦး၏ ခြိမ်းခြောက်မှုကို ခံရသောအခါ ထိုမိန်းကလေးများ မည်မျှကြောက်စရာ ကောင်းနေပါစေ သူ့ဂိုဏ်းကိုမူ သိက္ခာအကျမခံနိုင်ပေ။
ထို့ကြောင့် မယုတ်မလွန်ဖြင့်သာ ပြန်လည် ပြော လိုက်ခြင်းဖြစ်သည်။
သို့သော်လည်း စိတ်ထဲတွင်မူ သက်ပြင်းရှည်ကြီး ကိုသာ ချလိုက်မိသည်။
“ကျုပ်ပြောတာ နားထောင်ကြပါဦး . . .”
ရဲရှောင်မှ ပြုံးလျက် ပြောလိုက်သည်။
“အခြေအနေ တင်းမာတာထက်စာရင် ငြိမ်းချမ်းမှု က ပိုကောင်းပါတယ်၊ မိန်းကလေးတို့လည်း စိတ်ကို လျှော့ကြပါ၊ ဒီလိုအဆုံးမရှိတဲ့ တိုက်ပွဲတွေအကြောင်း ပြောနေမယ့်အစား အေးအေးဆေးဆေးပဲ စကားပြော ကြတာပေါ့ . . .”
“ကျုပ်ရဲ့ အမြင်မှာတော့ ရေခဲလနန်းတော်ဆိုတာ ကောင်းမွန်တဲ့ ဂိုဏ်းတစ်ခုပါ၊ ရန်ငြိုးရန်စတွေကို ဖယ် ထုတ်လိုက်တာက နှစ်ဖက်လုံး အထိနာတာထက်စာ ရင် ပိုကောင်းမယ် ထင်ပါတယ် . . .”
ရဲရှောင် ထိုသို့ပြောလိုက်သောအခါ လူတိုင်း အံ့ဩ သွားကြပြီး မည်သူမှ စကားဆက်မပြောကြတော့ချေ။
(သူစိတ်လွတ်သွားပြီလား၊ သူက ဘဝင် လေဟပ် နေတာများလား၊ ဒါမှမဟုတ် ကိုယ့်ကိုယ်ကိုယ် သေ ကြောင်းကြံနေတာများလား . . .)
(ဒီလိုအချိန်မျိုးမှာ အခုလို စကားလုံးတွေကို ဘယ် လိုများ ပြောဝံ့ရတာလဲ၊ သူတို့တွေက ကောင်မလေး တွေရဲ့ အချစ်ဆုံးအစ်ကိုကို သတ်ခဲ့ကြတာလေ၊ အဲဒါ ကို ဘယ်လိုလုပ် ရန်ငြိုးတွေ မရှိဘဲ နေနိုင်မှာလဲ . . .)
YOU ARE READING
မိုးကောင်းကင်အောက်မှကလဲ့စား (အတွဲ ၅) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
