အခန်း (၁၂၈၇)(စာစဉ် ၉၂- အပိုင်း ၁၃)
“ကံကြမ္မာ ဥပဒေသ ကိုးရက်”
ဝုဖက ရဲရှောင်၏နာမည်အစစ်အမှန်ကို ဇန်ယွန်ဖေ့ တို့ ရှေ့၌ ပြောလိုက်သည့်တိုင် ရဲရှောင်မှာမူ တည်တည် ငြိမ်ငြိမ်ဖြင့်သာ ရှိနေသည်။
ယခုအချိန်တွင် ဝုဖတစ်ယောက်တည်းကိုသာ သူ မြင်တော့၍ ကျန်အရာများကို အာရုံမစိုက်တော့ခြင်း ဖြစ်သည်။
ဝုဖက ယခုနယ်ပယ်တွင် သူရင်ဆိုင်ရမည့် အကြီး မားဆုံးသော ရန်သူလည်း ဖြစ်နေသည်။
သခင်ကြီးဘိုင်နှင့် အခြားလူများမှာ အင်အားကြီး သော ရန်သူများဖြစ်ကြသည့်တိုင် ယခုနယ်ပယ်မှ လူ များ မဟုတ်ကြပေ။
ထို့ကြောင့် ချင်းရန်နယ်ပယ်၌ ရဲရှောင် ရင်ဆိုင်ရ မည့် အစွမ်းထက်ဆုံး လူမှာ ဝုဖသာလျှင် ရှိ၏။
ရဲရှောင်အဖို့ အထက်နယ်ပယ်သို့ တက်လိုလျှင် ယခုနယ်ပယ်ရှိ အစွမ်းထက်ဆုံး ပညာရှင်ကို ယှဉ်ပြိုင် တိုက်ခိုက်ပြီး သွားမှသာ ပိုသင့်တော်လိမ့်မည်။
ယခုအခါ မရည်ရွယ်ပါဘဲ နှစ်ဦးသားမှာ မျက်နှာ ချင်းဆိုင် တိုက်ခိုက်ရတော့မည် ဖြစ်သည်။
ရဲရှောင်အနေဖြင့်လည်း တိုက်ပွဲကို ရှောင်တိမ်းနေ လိမ့်မည် မဟုတ်၊ ထိပ်တိုက်ရင်ဆိုင်ပစ်မည်သာ။
“ရှောင်ဧကရာဇ်တဲ့လား . . .”
ဝုဖ၏ စကားကြောင့် ဇန်ယွန်ဖေ့နှင့် ဇုဂျူရှန်တို့ နှစ်ဦးလုံး ရဲရှောင်အား အထိတ်တလန့်ဖြင့် လှမ်းကြည့် လိုက်ကြသည်။
သူတို့အနေဖြင့် မယုံနိုင် ဖြစ်နေသည့်တိုင် လက်ခံရ တော့ပေမည်။
ဝုဖက အကြောင်းမဲ့ ပြောနေခြင်း မဟုတ်နိုင်သလို၊ ရဲရှောင်ကလည်း ငြင်းဆန်ခြင်းမရှိ၊ ငြိမ်သက်နေသည်။
ထို့အတူ မိန်းကလေးနှစ်ဦးမှာလည်း အံ့ဩမှုမပြ၊ တည်တည်ငြိမ်ငြိမ် ရှိနေသည်ကို တွေ့လိုက်ရသည်။
ထို့ကြောင့် ဇန်ယွန်ဖေ့တို့လည်း လက်မခံချင်သည့် တိုင် လက်ခံလိုက်ကြရတော့သည်။
(ယွဲ့ရှောင်နဲ့ ယွဲ့ဟန်တို့က ရဲရှောင်ရဲ့ သရုပ်အမှန် ကို သိပြီးသားပါလား . . .)
YOU ARE READING
မိုးကောင်းကင်အောက်မှကလဲ့စား (အတွဲ ၅) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
