كرونيك💕 " حب تحت رحمة التقاليد " 💕

10

#حب_تحت_رحمة_التقاليد🔥🔫💏
#الحلقة_10،
هو شلق بيا وطلب إني ننساه، وننسى اني حبيتو بحجة أنا بنت الباشا هو ولد البواب...ضغطت عليه وبرشا مرات رميت روحي عليه، ديما كنت خانقتو،حتى فد مني،،، ومرة حاولت نقتل روحي أما هو منعني، وقتلو كانك تحبني رد بالك تخليني ،ولا رح نشنق روحي...وهو وافق نكون على علآقة..ومن وقتها واحنا مع بعض..أمي والله نحبو بعضنا،وهو عمرو لآغلط معايا، تعرفي يخاف عليا حتى من روحو، ديما واقف جنبي، وساندني،ووقت نحتاجو نلقاه بجنبي،،أمي هذا عشقو(وحطت يدها على قلبها)، هذا يدق كان ليه هو،حاولت برشا مرات نبعد وننساه، أما ماقدرتش، افهمني أمانك ياأمي وماتتغشش عليا، كنت رح نخبرك أما خفت انك ماتفهمنيش،خفت برشا ،ونهار لي ديما كنت نهرب منو ،هاهو لحق...عاوني ياأمي، ماتخليش بابا يقتلو،*(واتفلقت بالبكاء) ....-_-: ...عنقتها أمها وبقاو يبكو اثنينهم...تعرف بنتها غلطت أما قلب أم لحمة يحن،وكيفاش مايحن وهذي بنتها تفديها بروحا كان  نجمت...تبكي بحرقة على بنتها،قلبها جمر عليها بصح سرعان ما لملمت روحها وحمحمت وتكلمت**تعرف ياشهد،وقت جيتي لدنيا،فرحتي كانت كبيرة، كنت نستنى فيك بثانية،وقتاش تجي ونفرح بيك،،حبيت نعوض صغرتي وحرماني فيك، حبيتك تعيش غير لي عشتو، واجهت بوك على خاطرك وقت خليتك تقرى ،كبرت ، وسهرت الليالي ، ..حبيتك تحقق حلمي وتكون طبيبة، تعاون الناس، حبيتك تفرحني،هذا جزائي وحق تعبي، عمري لا توقعت تعمل عملة توطي راسي بيها، انت غرست سكينة في قلبي، كسرتني وهديت حيل بوك بعملتك...أما رغم لي صار، مستحيل نخليهم يضروك ولا يمسو شعرة منك، ...هذا مش معنى إني سامحتك، أما قلبي مايطاوعنيش نقسى عليك..الله غالب..ضلك في غرفتك ورد بالك تخرج منها حتى يجي جاسر،فاهمة(بملآمح كلها جدية)...أول مرة ترى أمها هك،وتعاملها بهذي طريقة، ولكن تعرف روحا غلطت ولآزمها تخلص، وهذي بداية ولي جاي أعظم...
___،___________________________________________
آرائكم وتوقعاتكم في ريبوند عسلآتي😘😘
#Mîss_Røssįlã