كرونيك💕 " حب تحت رحمة التقاليد " 💕

75

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_75
🌸#Mîss_Rõssįlã🌸
#قيصر_يحكي:
اليوم استوعبت حالتي..اني وليت عاجز مانسوى شي..اتفه حاجة لازم نعملها اني نتكل على حد ..وليت بحاجة شفقة الناس ..هذوما خانوني ..نضرب في رجليا بقوة مش حاسسهم بيهم ولا توجعت من ضربي لروحي كأنهم ماتو.. علاه ..علاه ..غدرتوني ..مش رح نرجع نمشي ..مش رح نوقف مرة أخرى...يمكن هذا جزاء كل شي عملتو من شر..جاء وقت الحسااب ..كل دمعة وكل قطرة دم سفكتها وكنت سببها اليووم راني نخلص في حقها بالدوبل..تبسمت بوجيعة وبقهرة...وبمرارة غصتي واحلة في حلقي..مش رح نبكي لني وعدت أمي معادش نبكي ..لازمني نكفر على غلطاتي..ونمسح النقطة السوداء اللي عتمت حياتي ونحي الحقد والكره من قلبي لني ماحصدت ولا شي غير أني بعدت على أهلي وكنت رح نخسر أختي لعرفتها في آخر لحظة وأنا كنت طايح فيها حبك درباني وبابا ماعمل ولا شي وقتها ...شكاان يستنى حتى نقتل براءة أختي ونقضي عليها بالحيااة ...قدااش ناقم عليه ومش حاب نرى خليقتو ..حتى مش مستعد نسمع تبريراتو ونعرف موقفو من اللي صاار ولا حااب نعرف أصل الحكااية ..اللي يهمني جوري وأني نطلب السمااح من كل حد ظلمتو وغلطت في حقو..وأولهم منيار اللي قهرتها برشا..فقت على سرحتي وقت دخل عليا ممرض..حامل أدوية معااه ..سألتو :
أنا: شنوا هذوما؟؟
هو: مسيو صار وقت أدويتك ..
أنا : باهي أعطيني..(خذيتهم من عندهم ..وشربتهم الكل،وبعدها سألتو)..وقت عملت حادث كانت معايا بنت..مزالها عايشه مش هكا ..طمني عليها(نسأل فيه بعينيا مش حاب نخسرها...يمكن هذا وين فااق ضميري ويأنب فيا وصوتو لداخلي هبلني ورح يخرجني من سينتي..)
هو: اطمن مسيو حالتها مستقرة توا..أما للأسف المدام
وهبط راسو.
أنا: شبيها ...انطق حل **فمك..
فتح فمو مستغرب لني قلت كلاام طايح وخسرت في الهدرة...
هو: للأسف خسرت البيبي...واضطرينا نستأصلو الرحم متاعها ...هذا اللي صار..
أنا: ماسمعتش مليح...عاود شقلت.. قصدك...هي...
حطيت ايدي في فمي وعضيت عليها بسنيا ..دموعي تحجرت في عينيا.. آه قداشني كلب ومانسوااش حتى ولدي مافلتش مني.. أنا مارحمت حتى حد ...حتى جنين صغير في بطن أمو ماسلمش من شري...ضربت بقوة على راسي...وبقيت نضرب...حاول يهديني أما دفعتو بعيد عليا..وخزرتلو بعينين مدمعة حمراء جمر...وحكيت معااه نرص على سنيا: وينها نحب نراها...وجيت رح نقووم ناسي اني وليت عاجز مزالني نخمم اني كيف قبل ...ضربت الطاولة الي جنبي بعصب جبت كل شي عالارض..وفكيت ابرة السيروم بقوة من ايدي..وتلفت ليه..
أنا: شبيك تخزرلي...عاوني نحب نشوفها...تفهم فيا نحب نراها...لازمني نروحلها...لازمني..
هو: باهي مسيو...باهي...باهي...استنى لحظة رح نعاونك من غير ماتقلق روحك...
وخرج من عندي يجري بزربة ...خوفو واضح على ملامح وجهو...فاتت ثواني كأنها ساعات عليا...حتى دخل عليا معاه كرسي متحرك..ضحكت على جنب بتمسخير...والله لاتوقعت توصل حالتي لهنا ..كان جاء حد وقالي رح تقعد على هذا كرسي كنت خسرت عليه رصاصة في نص راسو أما الحقيقة مرة ولازمنا نرجعو للواقع ونقبلو بكل شي محتم علينا..عاوني قعدت وخذاني لوين بيتها ..فتحلي الباب وعملتلو براسي بش يروح ويخلينا بوحدنا..بقيت ندرج بهذاك الكرسي حتى وصلت بحذى سريرها..عاطيتني بظهرها ...وصوت شهقاتها معبي البيت..حطيت ايدي على كتفها وحمحمت نحاول نلقى الحروف بش نبدى ..أصلا وينو وجه اللي رح نقابلها بيه ..متوقعتش يلين قلبي جيهتها ..منعرفش احساس جديد تملكني وسيطر على مشاعري...وخلى قلبي اللي طول عمرو حجرة وناس الكل كانت تقول عليا من غير قلب..ياترى الصخرة اللي في نص صدري تفتت وخلت قلبي يدق من جديد ويرى بصيص الأمل ..اليوم رح نفتح صفحة جديدة  ونسطرها بايديا ونخلي حروفها خالية من العادات والتقاليد اللي سيطرت عليا من صغرتي وحرمتني من كل شي وخلت قلبي أكحل خالي من الإحساس ..لداخلو معبي حقد وكره...بصح من غير منيار مرح نعمل شي..هي رح تعاوني بش نعالجو جروحنا ونتغيرو على خاطر بعضنا يكفينا حقد وكره يكفينا ظلم اللي معشش في قلوبنا..أنا كنت ناسي أنو فما نهاية لكل شي ...حتى ظلمي رح يجيه نهاار ويوفى..وهذا اللي رح يصير رح نتحاسب على كل شي هو تحققت العدالة الإلآهية ومزالت العدالة متاع الدولة رح تتحقق على قريب مسألة وقت نحل كل شي ونصحح اغلاطي وبعدها رح نسلم رووحي😰..
#يتبع
#Mî_Rõ