كرونيك💕 " حب تحت رحمة التقاليد " 💕

23

#حب_تحت_رحمة_التقاليد💏🔫🔥
#الحلقة_23
#Mîss_Rõssįlã
بعد ماخرج من عندها...راح لغرفة...دخل حيلو مهدود...وقف قدام المراية...كان منهار كليا..يخزر لروحو ...وجهو تاعب وعيون حمر جمر...كبس بونيتو ودخلها في المرايا...تكسرت..وراحت كلها قطع صغيرة...إيدو تنزف ووجيعتها ماجي شي قدام وجيعتو ونار الشاعلة في قلبو...مشى خطوات ..ودم يشرشر من يدو...رمى روحو على فرش...وغم على راسو ...يحاول يرقد...أما من وين يجيه نوم...وهو واحل في مصيبة...بعد طرح من تخمام...وتفكير راح في نوم عميق...ماحس على شي.....
____________________________________________
#بعد_ساعاتMîss_Rõssįlã
بدات الشمس تشرق ..تعلن في بداية نهار جديد...يمكن أسعد..ويمكن حزين...تسللت أشعتها مابين خيوط الستائر متاع غرفتو ...قلقتو وحرمت من النوم...بدى يتململ..فتح عيون جهرو ضوء الشمس...فاق ...فتح عيونو...راسو يوجع..حتى هو البارح كثرلها من شراب...قعد يتفرج في سقف..ويخمم انو اليوم ...مصيري..يايلقى حل ياأختو تموت...قام أما تفجع وقت القى الفرش معبي دم...ولكن رجعلو شاهد العقل وتذكر الي صار...ودخل للحمام....عبى البانو للفم..نحى حوايجو الكل ودخل فيه..الماء كان بارد وهو مش شالق بشي...أصلآ مش قاعد يحس بشي بخلآف الوجيعة لي في قلبو..غطس في البانو وبدى يصيح بأقوى ماعندو ..فماش مايبرد النار الي فيه....بعد درج خرج لآف منشفة على وسطو...وينشف في شعرو...راح قدام دريسنغ يختار شنوا يلبس...اختار كل شي في اللون الأسود كيف حياتو...شوميز وكوستيم و صباط...كلهم في لون الظلآم...ونزل لتحت...يلقى أمو وبوه...على طاولة الفطور..كل واحد فيهم...سارح بتفكيرو..فيق من سرحتهم وقت تكلم (صباح الخير عليكم..وباس أمو من جبينها ..ونادى على فاطمة تجيبلو..كاس قهوة مرة...يفيق بيها..)..جابتهالو..ترشف منها رشفتين..وجا خارج..قاطعو صوت أمو تاعب..(جاسر وليدي كول حاجة..)...ماعندي نفس للماكلة..ايا بصحتكم..وخرج من القصر...لقى أشرف يستنى فيه.صبح عليه.وركبو في السيارة...وجهة غير معروفة...يخزر من بلآر هايم وسارح في همو..قاطع صوت أشرف وقت تكلم...(آغا..من البارح وأنا نخمم....في الموضوع...ونظن لقيت الحل ....قاطعو بصوت ملهوف (شبي سماك..ماحكيتش من الصباح...احكي بلآ مقدمات...أعصابي انحرقت من التفكير..وتخمام)

أشرف:باهي آغا...صحيح في عاداتنا وقت تغلط بنت...لآزم تنقتل...ولكن فما حل آخر...وقليل من العشاير تعترف فيه...
جاسر:تي أنطق يا زمر ...حرقتلي أعصابي
أشرف: لآزم تعمل تبادل...يعني مراد يتزوج آنسة شهد...وإنت تتزوج بأخت مراد...في نفس اليوم تكتبو صداقكم...وهكا تمنع سفك الدم..
جاسر:إنت أكثر واحد تعرف إني ضد فكرة الزواج ..وتكوين عايلة...مش رح نقبل وأكيد فما حل أكيد فما
أشرف:آغا..هذا الحل الوحيد وانت معندكش خيار ياتوافق...ياتقتل أختك...ولآ سي الطاهر رح يخلي قيصر يقتلها...وإنت تعرف ينفذ فيها الحكم من غير مايفكر ولآ يرفلو جفن...#Mîss_Rõssįlã
جاسر: سرح...وبعدها تكلم "معاك حق..ولآزمني نقبل من غير تخمام...هيا خلينا نروحو عند مراد..لآزمني نحكي معاه...وبعدها نرجع للقصر نعلمهم بقراري..
أشرف : باهي آغا.
وزاد في الفيتاس ...ديراكسيو لدار مراد...
____________________________________________
جهز في الفطور ..ودندن في غنيتها(ع موت معك الموت...بمشي ع عمياني....ع موت معك ع الموت ...وين ماحبك وداني...)...قاطعتها أمها وقت تكلمت ( واه..جوري بنتي ...صبحت فرحانة..تغني...الله يدومها بنيتي..وباستها من خدها بوسة مرصوصة تعبر على المعزة والحب..
جوري:صباح الورد ياحنينة..تعرفني نحب نغني وقت نكون نقضي...
خديجة: نعرف ياروحي..روح فيق مراد خليه يجي يفطر
جوري: فيقتو قبل...خليتو يعمل في دوش..
قطع كلآمهم...دقديق ع الباب...خزرو في بعصهم باستغراب وحيرة...
خديجة:شكون هذا الي جاي على صبحة ربي
مراد:صباح الخير أمي ..خليني أنا نروح نشوف شكون
خديجة:باهي وليدي..
راح يفتح في الباب...وقت فتح لقاه في وجه...وخر خطوتين لورى ...من دهشة وصدمة...جا يتكلم قطع عليه وقت تكلم بكل هدوء..
أشرف:عندك خمس دقايق في يدك...ادخل البس..والحقني للسيارة.آغا جاسر .يستنى فيك... واشارلو للسيارة .. وعطاه ظرف متاع رسالة...هذي بعثتها آنسة شهد...آخر عمري رديتوني مرسال بينكم...خبيها لآ يشوفها آغا...والله يعلق مشنقتنا اثنيناتنا...وغمزو...
مراد: ب..باهي...
سكر الباب ودخل...جاتو جوري تجري وسألتو (شكون ع الباب)...جاوبها (جاسر آغا)..ووجه مايتفسرش..مزالو مصدوم...مادام جا بحد ذاتو للدار...أكيد شي خايب...رح يصرا...واليوم نهايتو...
جوري: طلعلها الغاز...وردت خصلة من شعرها ورى وذنها(فازة تعملها وقت تتغشش ولآ تتوتر)جا سبع نتاع الغامدي خليني نخرج نوريه كيفاه يخلي كلرايحة تخرج...أما وقفها مراد وقت كبس على زندها..ورجعها قدامو وتكلم(جوري عيش أختي أهدى ..هو جاء على خاطري..ارجعي افطري وروحي تقراي...لآزمني نفض حكايتنا اليوم...ونوعدك وقت ترجعي تلقايني هنا في الدار ...وباسها من راسها..وتوجه لغرفة...راح لدريسنغ ...اختار تيشرت في أسود ومعاه سروال في نفس اللون ..ولبس سبادري متاعو..قعد فوق الفرش وفتح رسالة يقرى فيها ( مراد حبيبي...روحي...عشقي...وكل شي حلو في حياتي...مش نادمة لأني حبيتك..وسلمتك كل شي...أما فما شي خبيتو عليك...ومن حقك تعرفو...أنا حبلة....وفما قطعة منك...في أحشائي...ثمرة حبنا ياروحي...هو أنيسي في وحدتي. وانت بعيد عليا....نحبك.ياروحي...ونفنى في عشقك...)...طاحت دموعو...دموع فرحة مخلطة...بوجيعة...ضحك ...ضحكة تعبر على الي فرحتو...بحبيبتو...الي مسلمتش فيه..بعد. كل شي جرالها...تكلم في سرو (نوعدك نحميكم...ورح نجتمعو في أقرب فوق)...رجع رسالة..للخزانة....ورفد تلفون...وخرج...ركب بحذاهم في السيارة...وقلع أشرف مخلي العجاج وراه....وصلو لبلآصة العادة...تلة تطل على البحر...كانو يتلقاو فيها ديما...نزلو.. ..تقدم جاسر بخطوات... وعطاه بالظهر..وتكلم...بهدوء عكس الغضب واعصار الي في داخلو (مش رح نقتلك ولآ نسفك الدم ونلوث إيدي بدمك المسخ يا عشيري...وتبسم بوجيعة...اليوم طلبتك على خاطر أختي...رح نزوجكم...أما بشرط...جوري أختك...أنا نزوجها...وهكا تفض الحكاية...وتلفتلو غمزو وتبسم...وحده بوحدة عشيري)
تفاجأ مراد بكلآمو الي وقع عليه كيف الصاعقة...ركابيه فشلو...وايديه ولآت ترجف...وتكلم (جاسر نعرف غلطت أما جوري معندها حتى ذنب مدخلهاش في حكاية...خليها على جنب...خلينا نفضو حكاية هنا..اقتلني وخوذ بتارك...ورتح روحك من كل شي...)
رد عليه بعصب (أنا شذنبي آه...شعملتلكم حتى جازوني بهذا العملة...حكاية مش رح تخلآص وقت نقتلك...لأنو بابا طلب دم شهد...طلب إني نقتل أختي بيدي...وإذا صرا التبادل رح ينتهي كل شي...وأختك. أمانة في رقبتي..رح نحميها ونصونها...رح نحطها تحت جناحي)...
مراد : خليني نخمم ونشاورها وبعدها نخبرك
ضحك عليه بتمقعير وتكلم (علآه وقت حبيت أختي شاورتني...وقت طعتني سألتني...وقت خنتني ...سألت جاسر شنوا موقف من هذا ) رح نعتبرك موافق...وماتناقشنيش...والعرس جمعة جايه ...حضر روحك...وخلي أختك تضل رايضة...وتوجه للسيارة ...وركب ......وقلع أشرف...مخليينو وراهم...مهدود ومكسور طاح على ركايبو وتركز بايديه على الأرض..وبدي يصيح ودموع نازله شلآل...تقهر وتكسر...عمرو لآ توقع يصير هذا الكل... يبكي بحرقة على روحو وعلى أختو الي ظلمها معاه...شنوا رح يكون راي جوري في هذا الكل رح توافق..ولا رح يكون ليها كلآم ثااني
___________________________________________
تعاليق داااااخل الريبوند.....اعطوني رايكم وتوقعاتكم في أحداث جايين ...#Mîss_Rõssįlã