#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_67
🌸#Mîss_Rõssįlã🌸
#قيصر_يحكي:
🌸منعرفش قداش مر وقت وأنا هوني ..بصح آخر شي متذكرو وقت صاحت منياار ..تلفت وقتها بصح كان فات الفووت وخرت برشا..دخلت في شاحنة...بصح حسيت بوجيعة كبيرة في ساقيا كأنهم تقطعو ..وجوجمة السيارات ..بوليسية ...عباد...بعدها ماحسيت بشي ..تسكرت عينيا وماعدت حاسة على شي..واليوم نلقى روحي بين اربع حيووط ..برشا خيوط معلقة في صدري..وسيروم بايدي..عرفت اني في مشفى ..نزعت ماسك اكسجين ..لنو تخنقت...حاولت نقووم ..بصح مقدرتش ..مقدرتش نحرك رجلياا..عصبت برشا..حاولت نمد ايدي لتابل لجنبي بصح مقدرتش ...حاولت وحاولت اما مقردتش...علاه مش قادر نحرك رجليا ...علاه مش حاسس بيهم ...اكيد من مخدر ولا أدوية...بديت نصيح باعلى صوتي:
أنا: وينكم...دكتور...دكتوور...عاوني...ياجمااعة..
دخلو عليا بالوقت ومن بينهم بابا اللي عينيه فسرت وقالت برشا كلاام ..عمري لاريتو بالحالة هذي ..وجهو تاعب وعينيه محوقة زرقااء...ضعاف على آخر مرة ريتو فيها..
قطع عليا طبيب الهم ** وقت تكلم :
هو: حمد لله على سلامتك ..اما علاه تحركت من بلاصتك
أنا: رح نسألك وانت جاوبني بصراحة من غير ماتخبي عليا حاجة..
خزرو الكل في بعضهم..ودخلو بعضهم أكثر شي اللي خلاني نعصب ونخرج من سينتي وصحت فيهم بعصب:
أنا: ****نحكي معااك ،ونظن سؤالي واضح علاه تخزرو في بعضكم يا****..
هو: هدي روحك مسيو قيصر ...رح نجاوب على سؤالك اما لازمك تبقى هادي..
بابا: قيصر ولدي مش باهيلك العصب..جرحك مزالو جديد علاه الصياح هذا ...راك تضر في رووحك..
هو: تعديت عملية خطيرة برشا واصابة كانت على مستوى اعصاب رجليك وتضررت فقرة من فقرات نخاعك الشوكي عملنا اللي علينا أما ..(سكت وهبط راسو)
أنا: أما شنوا ...كمل نسمع فيك..
هو: مش رح نخبي عليك ...للأسف انت وليت مشلول..يعني متقدرش تمشي على رجليك...
على آخر كلمة ...خزرت لبابا نلقى دمعة من عينو غفلتو وطاحت على خدو تحرق..طرشت وقت وحسيت روحي في وسط دوامة كبيرة وغير كلام الطبيب يتعاود في وذني..**انت وليت مشلول**..يعني رجليا خانوني معادش نمشي معادش ناقف ...صحت بأعلى صوتي آااااااااه ، وبقيت نضرب في رجليا بكل مااعطاني من قوة ،لا لا لا .....تلفت لبابا ...
أنا: انتو تكذبو ...لا مايمكنش ...ورح نثبتلكم اني رح ناقف على رجليا ...هما مستحيل يخونوني ...مستحيل تسمع فيا...
بابا: قيصر ولدي ...متعملش في روحك هك ...والله حرقتني عليك عيش ولدي هدي روحك اكيد فما حل مش هكا دكتوور ..اعملو حاجة متبقاوش واقفين.
مش نسمع فيهم ..حاولت نقوم على رجليا مش حاسس بشي هما خانوني ...خانوني غدرو بيا ضربت وضربت صحت وعيطت وبقيت نضرب فيهم بالواحد ..صعيب برشا بين ليلة وضحاها تلقى روحك مشلول ورجليك خانوك معادش تمشي مرة أخرى ..صبحت عاجز وانت الي عمرك مااحتجت حد ...دارت بيك الدنيا ورح تحتاج اللي يمدلك تشرب اللي يخرجك اللي يحملك ...عمري لاتخيلت انو يجي نهاروتتكسر شوكتي ونولي ضعيف هكا...بكيت بحرقة كيف عمري بكيت أول مرة طيح دموعي تجري على خدي تحرق أما ماتجي شي قدام نار قلبي اللي ڨادية داخلي ...اليوم عرفت معنى العجز والضعف وأنا اللي طول عمري راسي لسماء ومانعبر حد ...ماحسيت غير بابرة نغرزت في ايدي ...هما مفكرين رح تهديني أما شنوا اللي رح يطفي ناري ويهدي وجيعتي ...شكون رح يحس بيا ..بقيت نخزر لبابا اللي حاط ايدو على فمو يكتم في شهقااتو...ايه اليوم منصف الغامدي طاح جبروتو وقوتو في المااء ويبكي على خاطري أنا ...بصح منعرفش اذا شفقة ولا حب ..اذا ضعف ولاخوف...بقيت نتمم بين شفافي ..
(مستحيل نكون عاجز..انا مش مشلول..مش مشلوول ..ولازم كلكم تفهموها...أنا قيصر الغامدي مش ضعيف ومش رح نعيش عاجز...لا مستحيل...مس...تحيل...مي..مكن...ش..) ..حتى غفيت وماحسيت بشي ..تغمضت عينيا بصح قلبي مزالو فايق ويبكي دم مش دموع ...
هو: مع الوقت رح يتقبل حالتو ..
بابا: بصح دكتور فما أمل أنو يمشي مرة أخرى...قلي ...على اسم مشفى...ولا دكتور ...رح ناخذو وين ماتحب مهم ولدي يرجع كيف قبل امانك...امانك عاوني ..اعطيني امل واحد ..
هو: اكيدبالارادة قوية والعزيمة رح نتخطو كل شي ..هو فما عملية بصح نسبة نجاحها 40٪..
بابا: بصح فما أمل ؟؟
هو: أملنا هو ربي العالمين احنا جيست سبب ..ارتاح سي المنصف وبعدها رح نتناقشو في وضعو الصحي لنو العملية مش وقتها توا ...
بابا: ب...با..باهي ..مهم يرجعلي ولدي ..
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
