كرونيك💕 " حب تحت رحمة التقاليد " 💕

25

#حب_تحت_رحمة_التقاليد💏🔥🔫
#الحلقة_25
#Mîss_Rõssįlã
يفتح في عينيه بسيف...يحس في بدنو مدقدق تقول واكل طريحة...يدور في عينيه على البيت ...نسى جملة شصار البارح...هذي مش بيتو...تلفت على جنب ...يلقاها بحذاه...شطر بدنها عريان...راقدة بحذاه...مش حاسة على شي...شعرها طايح على وجها.....راسو يوجع..ورايح يطرشق من الوجيعة...قام من حذاها...لبس السروال متاعو...ودخل لبيت البانو...فتح الماء عليه...متركز بيديه على الحيط...مخلي الماء يطيح عليه.....بعد درج كمل...وخرج لآف منشفة على وسطو ...وينشف في شعرو...لقاها فاقت وتلبس في حوايجها...جبد فلوس من بورتفي متاعو...ورماهملها على كوافوس "وجهك منحبش نشوف بعد اليوم، وليلة مبارح تنساها،وتمسحها من بالك"...وحمل حوايجو...ورجع للبيت البانو...دخل وطربق الباب وراه......خذات الفلوس وخرجت من البيت ع ساكت...بعد درج خرج مالقاهاش...تبسم بسخرية ....ووقف قدام المراية...يعدل في شوميزو...تلفونو ينوقز....رد(ألو...إيه...مسافة طريق ونكون فما)...سكر الخط...ورفد مفاتحو...وخرج.......
__________________________
#بعد_ساعة
واقف في نصف المخزن متاعو...وسيقاارو في فمو. وعينو على السلعة..يراقب في رجالو ...الي يدخلو في سلعة...ويصيح عليهم...يسرعو... جاه واحد من رجالو يجري (آغا قيصر...آغا)
قيصر:شبي سماك تصيح...
رجل:آغا...فما مشكل
قيصر:جاوبو بعصب...شنوا هذا المشكل تكلم لنباصي على جدك اليوم
رجل: فما نقص في السلعة...كمية ناقصة
قيصر:صاح فيه خلآه يترعب ..شنواقلت....وشدو من الفاست متاعو....أنا عندي...شغلة مهمة...ووقت ترجع...نلقى السلعة...كاملة..وصاح فيه...مفهوم...ودبر راسك...ولآ والله...ندفنك وأنت حي....الجن الأزرق مايعرفش...بلآصتك
رجل: ب...باهي آغا..
خرج من المخزن...ركب في سيارة....وراح عجاجة...لقصر العايلة....بعد مدة من القيادة...وصل...دخل...لقى...مرت عمو....في ساحة..قاعدة..سلم عليها.
قيصر:صباح الخير...أمي نجية...حوالك لباس..
نجية:أهلآ وليدي...لباس...حمد لله ع كل شي...وجها عابس وتاعب...يعبر على قهرتها ووجيعتها...
قيصر:عمي وينو...؟؟
نجية:في مكتبو كيف العادة...(جاوبتو...ويدها على قلبها...الي يدق بسرعة...مرعوبة وخايفة على بنتها...)...راحت تجري لغرفتها ...اتصلت في جاسر...تخبرو إنو قيصر ...عندهم..
راح متوجه لمكتب عمو...وراحت روحها معاه
قاعد...وحاط كتاب كيف عادتو...اماراح متوجه لمكتب عمو...وراحت روحها معاه
قاعد...وحاط كتاب كيف عادتو...اما عقلو مش معاه جملة...رح يطرشق من جوجمة التفكير الي نخرت مخو...قطع سرحتو...صوت دقديق على الباب...حمحم وتكلم بصوت الجهوري :أدخل
قيصر:صباح الخير ...عمي...(مد إيدو سلم عليه...وقعد مقابلو ...)
سي الطاهر: خبارك ...صاير كيف الهلآل..ماتبينش...جملة
قيصر:تعرف الخدمة آخذة كل وقتي...مظغوط عمي..
سي الطاهر:ربي يعينك....أما خير ماجابك ..سألو باستغراب ...يستنى فيه يجاوب
قيصر:سمعت بالي صاير...وعرفت أنو جاسر رفض ينفذ الحكم...تفجع الطاهر لا يكون الخبر إنتشر وصار شرفهم مضحكة للي يسوا ومايسواش...وصارو حديث على لسان كل الناس...وتكلم برعب ظاهر من عينيه
الطاهر: وإنت شكون قلك ياقيصر؟!؟!
قيصر:عمي جاسر حكالي..وطمن متخافش سركم في بير عليه الأمان.. شرفكم شرفي ...والي يمسكم يمسني...
_رخى عينيه وغصة في حلقو واحلة ونار شاعلة في قلبو،تخنق فيه وكابسه على النفس متاعو...وكمل قيصر كلآمو مستغل حالة عمو النفسية ..
قيصر: من بعد إذنك عمي إذا موافق ...أنا جاهز نفذ قرارك ونقتل شهد (قالها وفي قلبو حاب يجنح من الفرحة)...وانت تعرف شنوا رح يصير وقت تعرف العشيرة، نحن طول عمرنا راسنا مرفوع ...شامخ وناس تحلف بريوسنا، وشهد بهذي العملة، عفست على عاداتنا وتقاليدنا الي طول عمرنا...محافظين عليها..وفديتوها بدمكم..الى روى هذي الأرض...
غزرلو بوجيعة كبيرة في قلبو،حاسو يساوم فيه على حياة بنتو، تلفت يخزر لصورة بنتو المحطوطة فوق المكتب، الي تضحك بوجها ملآئكي...مشاعرو داخلة بعضها، وعذاب الضمير خانقو ، من 10 سنين يلآحق فيه...بعد صراع كبير مع نفسو...تكلم ..بعدما نخرلو قيصر مخو ...ووسوسلو كالشيطان...
الطاهر: إيه موافق ...المهم يتنظف شرفنا ويتمسح العار...قبل لآ تسمع العشيرة ...وننفضحو قدام العباد..
قيصر : متفقين وابتسم ابتسامة كلها خبث..إذا تحب من توا نعملها ..أنا حاضر😃
سي الطاهر: باهي خلينا نقوم...ننهو كل شي...مالآزمش نأجلو موضوع أكثر من هك...
قامو إثنين خرجو من مكتب متوجهين للغرفة شهد...وقفهم صوت جاسر ...وقت صاح وهو عند باب القصر...يرد في نفس ...كشاكشو طالعين...ووجهو مكبوس من العصب..
جاسر:وقفوا
سي الطاهر: رد بالك توقف في وجهي هذا المرة
جاسر : مش رح نسمحلك تسمها ...على جثتي...
سي الطاهر: صاح فيه بعصب ..جاسر قراري واخذيتو وأنت مادخلش روحك...
قيصر: جاسر أهدى...لآزم نفذو فيها الحكم ونضفو عارنا
جاسر : صاح فيه...بلع فمك أنت ...ووقت نحكي أنا أنت تسكت...متنساش أني آغا العشيرة...كلمتي هي المسموعة...وتلفت لبوه...أنا لقيت الحل المناسب...رح يصير التبادل..
سي الطاهر: شنوا(قالها ببهتة واستعجاب)..مش رح نسمح بهذا الشيء...
جاسر: أخذيت قراري...وكلمتي قلتها...وأي حد فيكم ...يعصي أوامري...رح يكون ليا كلآم آخر معاه..
جاتو أمو تجري ...(صحيح الي سمعتو ..جاسر ولدي...مش رح تقتل أختك...عرفت أنو مش رح تخيبني...تبوس فيه...وعنقتو...تشكر فيه..)..#Mîss_Rõssįlã
جاسر:سبق ووعدتك أمي ...وكلمتي نفذتها بحذافيرها..
نجية:عيشك وليدي...وراحت تجري تبشر في شهد..
جاسر :يحكي مع قيصر ..ويرص على سنيه..(سبق وحذرتك...أنو أموري وخصوصياتي خط أحمر..ماتدخلش فيهم..أما أنت ركبت راسك...وديما تدخل...شتحب تثبت...أحكي ...مش وقتو نتعارك معاك توا...من بعد نتحاسب أنا وياك.....اقلب منظرك من وجهي..يحكي ويرص على سنيه..يروح ويجي...رح يطرشق من عصبية..
سي الطاهر:مش وقت عركم توا ..أحكي العرس إيمت...رح نوافق أما بشرط... نحب بنتي تسكن عندي...مش رح نسمح تسكن في هذيك الخربة.....مع هذاك السكير..
جاسر :العرس الجمعة الجاية...يكون بعلمك ..وأمور سكنة ماعندي دخل فيها ..هما يقررو وين يحبو يقعدو....
خرج من عندهم عجاجة.. والعصب يهز فيه...رح يطرشق من العصبية...على تهنتيلة...الي خذاها...ركب في سيارة... وطار بيها...يسوق ويضرب على الفولون...ويتوعد ويتحلف في جاسر...(أشفى على هذا النهار...ياجاسر ..ٱلآ ماندمك على تهنتيلة اليوم...أنا قيصر تطردني وتذلني...ورحمة أمي تحت التراب...إلآ ماندمك..رح يجي يوم تتمنى فيه نرحمك...رح نذلك كيفما ذليتني.استنى عليا.عينيه حمر جمر تقدح نار..غضب وحقد عاميه...عروق ايديه ورقبتو باينين.....)...وصل للمخزن ...وبدى يصيح في رجالو.. يحب يفرغ غشو ...كل شي جاء في طريقو رجعو شقف....جاه إيدو اليمين يجري...ساسو أعلى من راسو...
قيصر: وقت نعيطلك تجي وتخلي كل شي من يدك....ونظن لقيت السلعة...الناقصة..مش هكا وغمزو..😉😈
رجل :لآ...لآ ..آغا..مالقيتهاش....والله ماعندي دخل...
قيصر:من غير مايتكلم ويتعب روحو ...جبد السلآح من خصرو...وقوص عليه بين عيونو...خلآه جثة هامدة...من غير مايرفلو جفن...وصاح في رجالو . الي مفجوعين..مذعورين..خايفين على رواحهم....من هول الي شافوه..منظر صاحبهم ملوح على الأرض غارق في دمو....(حملوه...واخفو الجثة متاعو...ولملمو الحالة قبل لآ يجي جاسر...هيا بسرعة..)...قطع عليه تلفونو الي ينوقز...رد
قيصر: ألو...نعم بابا
منصف: شصار في موضوعنا...
قيصر: ماصار شي بابا...كل شي طاح في الماء...جاسر فسد كل شي خططتلو ...كيف العادة...
منصف: شنوا (قالها ببهتة)...باهي أرجع لدار ولكل حادث حديث
قيصر : مسافة الطريق ونكون عندك...
ركب في سيارة...وقلع باكبر سرعة ...متوجه لدارهم..
______________________________
توقعاتكم في ريبوووووند#Mîss_Rõssįlã