#حب_تحت_رحمة_التقاليد💏🔥🔫
#الحلقة_37
#جزء_1
#Mîss_Rõssįlã
_أشعلي النار لمن يفكر في إيذائك..
_فمن ينتظر سقوطك..
_أجعلي من صوت ضجيج
سقوطك زلزالا يدمر حياته...
.............................................
_عمل دوش فرهد بيه روحو...وبرد أعصابو اللي تحرقت عالصباح...لبس حوايجو(فاست وسروال في noir ...وشوميز في blan)...حط سلاحو في خصرو...وخرج...نازل الدرج..بكل شموخ ووهرة...يسمع في زغاريت..نساوين تزغرت..ورجال تضرب في رصاص...فرحانين بفوطة عذرية جوري..لقاهم مجموعين...في ساحة القصر..ورجال في الصالة...راحت ليه وحدة من النسا وتكلمت معاه، ألف مبروك ياآغا..عقبال نفرحو بولآدك....ڨحر فيها...وخزرها من فوق للوطة...وخرج وخلاها..يلقى اشرف يستنى فيه..قدام باب القصر...شاورلو بيدو...بمعنى خلينا نروحو...
_قاعدة في وسط البانو..بدنها يحرقها فيها ...موش حاسة لشي لداير فيها..شاردة...سارحة...عقلها موش هوني جملة...تخمم في حياتها كيف صارت...فاقت من سرحتها...على صوت كرطوش مالي الدنيا..وزغاريت..تبسمت بوجيعة...ومسحت دموعها بزربة...وتكلمت بصوت قوي (جاسر آغا..صارت وقت اللعب الصحيح..حضر روحك)تبسمت بخبث...لفت منشفة على روحها وخرجت...راحت سكرت باب البيت بالمفتاح...رجعت حلت الفاليز متاعها...تخير شنوا تلبس..ضلت تقلب في حوايجها مدة...حتى لقات اللي تحب عليه..تبسمت..تكلمت في سرها(خلينا نشوف وجهك كيف رح يصير وقت تشوفني...البنت الطيبة...الحنينة..البريئة...العفوية...أنتو قتلتوها ودفنتوها بالحياة...لبستوها كفن الدنيا...من صغرتها...دمرتوها وعفستو عليها...حد ماسأل عليها...من ظلمكم صنعتو...جوري جديدة...قوية...جريئة...ماتخاف من حد...ومايكسر شوكتها حد...من اليوم رح نعمل القصر هذا مقبرتكم يا عايلة الغامدي...)..
_أختارت أقصر روبة عندها...روبة صفراء بروتال...ظهرها نصو عريان...مفتوحة في صدر على شكل الحرف V ...جاية فوق الركبة...مسنتره على بدنها...شدتها بين إيديها وتكلمت...(خلينا نلعبو لعبة الموت ياآغا)...
حطتها على جنب ...نشفت شعرها....حطتو على جنب...وعملت مكياج...قوي ساخب...جريئ...متاع بنات الليل...حطت روج بوردو غامق...لبست الروبة وخلات شعرها مسيب...تنهدت...تبرد في أعصابها...وتقوي في روحها...ع شي اللي رايحة تعملو...فتحت الباب وخرجت...نزلت من الدرج...وكملت تمشي وين النساوين...تمشي بخطوات ثقيلة...رزينة كيف حياتها...وقت فاطمة شافتها...طيحت السنيوة من إيديها..تلفتولها مفجوعين...ركزو معاها ...ووين تشوف...تلفتو لوين تخزر....دارولها مبهمين...وفامهم تحلت...وعيونهم تحلت صفاحي...من اللي يشوفو فيه...قعدو مبهمين فيها وفي تزعبينها....ثقبوها بخزراتهم..عراوها وهي واقفة....حشموها على روحها....تنفست تقوي في روحها...اللي تخزر فيها محتقرتها...واللي حاسدتها...واللي غايرة منها...واللي متحمصة...وغيرهم...نجية حاطة إيديها على فمها...من فجعتها...وجها لخلخ من الحشمة...فضحتها قدام الناس...رجال خرجو يشوفو...عينيهم تحلت صفاحي من الفاتنة اللي واقفة مقابيلهم...الدهشة كلاتهم...مخلوعين في جرئتها...حسدو جاسر عليها...وعلى بدنها...شهاتهم...وخلات ريوقهم تسيل...كل واحد مخو وين داه....الطاهر عيون ولات تقدح نار...من العصب اللي ركبو...فضحتو قدام اللي يسوا ومايسواش...مالقى وين يحط وجهو...وطت راسهم...وحطت من قيمتهم ومكانتهم...
_قطع عليهم الصمت جاسر وقت دخل يصفر...تلفتو الكل ليه مفجوعين...اما هبطو ريوسهم فيسع.....
#Flach_Back
_حاط الكيت في وذنيه...يسمع في الغناء..أما موش حاط معاه جملة..تخمامو بعيد..مخو هايم...نادم ...لأنو ضربها...موش هو اللي يعذب ولا يظلم حد...موش هو اللي يحڨر حد...أما هي جابتها لروحها...من لسانها الطويل...خلاتو يفقد أعصابو..قطع عليه سرحتو...أشرف وقت حط إيدو على كتفو...نح الكيت..وتلفت ليه يسأل فيه بعينيه...بمعنى اتكلم شبيك..
أشرف: فما ملف فيه كل شي يخص قيصر وأعمال المشبوهة...حضرتولك قبل...عملت طلة عليه...
جاسر:ضرب راسو...نسيتو جملة..وراح من بالي...والله مخي موش معايا جملة...كل شي جاء فوق بعضو..
أشرف:نعرف ...حملك ثقيل..
جاسر:رجعني للقصر...خليتو في مكتب متاعي..
أشرف:باهي آغا...
ودور السيارة راجعين للقصر.....
_____________________________________________
توقعاااتكم في ريبووووووند#Mîss_Rõssįlã
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
