#حب_تحت_رحمة_التقاليد🔥🔫💏
#الحلقة_41
#جزء_1
#Mîss_Rõssįlã
_إني أقترفك،..عامدا متعمداا...
_إن كنت عارا...يالروعة عاااري...
_ماذا أخاف ومن أخاف أنا الذي...
_نام الزمان على صدى أوتاري...
_وأنا مفاتيح القصيدة في يدي..
_من قبل بشاار.... ومن مهيار....
_وأنا جعلت الشعر خبزا ساخنا..
_ وجعلته ثماااارا على الأشجار...
❤نزار القبااااني❤
........................................................
_فاق الصباااح فرحان بنهار اليوم رح
يتحقق حلم حياتو ...مقرر ميأجلش اللي
في بالو جملة...لبس حوايجو وخرج من
غرفتو يلقى بوه على طاولة الفطور...
صبح عليه...مردش عليه...مزالو مغشش
من كلامو.. زفر بقوة...كبس بونيتو...وخرج
من غير مايزيد كلمة..ركب في سيارة متاعو
وطار خلى العجااج وراه...توجه لقصر
اليوسفي...لازمو اليوم يحط النقااط على
الحروف...يكفيه ماصبر كل هذي السنين...
بعد مدة وصل للقصر...نزل من سيارة
واستوى روحو...وقفوه الرجال قدام
الباب...مادخلوه كان وقت قالهم
انو من عشيرة الغامدي...ڨحر فيهم
ڨحرة ترعب ودخل للقصر بوهرتو
القوية...وغطرستو وعجرفتو المعتادة...
_قاعد في المكتب...يخزر من بلار متااع
الناافذة خياالو سارح وعينيه ثاقبة،
نظرتها حادة كيف السيف...يخزر للشجرة
اللي في نصف القصر...مادة فروعها
للعلالي ...شهدت على كل شي في
هذا القصر....جذورها ارتوت من الدم
اللي نسفك فيه...شهدت على كل دمعة...ضحكة...حزن...فرح...قرح...
تنهد تنهيدة من عروش قلبو...شوية
ويسمع في دق على الباب...حمحم
ونطق بصوت الجهوري...
منذر:أدخل..
راجل: آغا سامحني كان قلقتك...
أما قيصر الغامدي يحب يقابلك..
منذر:خليه يدخل..
إستأذن منو وخرج...بعد درج دق
الباب ودخل قيصر..
قام ليه يرحب فيه...
منذر: أهلا بقيصر آغا..آش من شافك
قيصر: الله يسلمك تعرف الخدمة
ديما واحلين فيها..خمسو باليد مع
بعضاهم...وقعدو...
منذر: قبل مانبداو في الحديث...قهوتك
كيف تحبها تكوون..
قيصر: نحبها وسط...
كبس على زر بعد درج جاتو الخدامة
تجري..
منذر: جيبي زوج قهوة وسط...هزتلو
براسها بمعنى باهي...
منذر: إيه ياقيصر واش من طريق
رماتك عندنا
قيصر: والله ياآغا...تعرف اللي
يسكت على الحق شيطان أخرس وأنا
منجمتش نسكت على الغالط وقلت لازم
نخبرك...استغرب منذر من نبرة كلامو
غير الواضحة...ضيق عينيه وقطب
حواجبو في بعضهم وضم شفايفو لبعضهم
حب يفهم الموضوع... قطعت عليهم الخدامة
وقت دخلت في إيدها سنيوة
حطت فناجين بحذاهم ...واستأذنت منهم
وخرجت.. تكلم منذر...ببرودة أعصاب..
منذر: نسمع فيك..
قيصر:تنهد ...وملامح وجه تغيرت
لملامح كلها حزن وحيرة....تعرف
منصغرتنا تربينا أنها سيف تقطع أي
حد يتمادى عليها..والشرف موش لعبة
نلعبو بيها....جاسر عرس ببنت أخرى...
وعفس على شرفكم وهان بنتكم...من
غير ما يعمل حساب لعشيرتكم...ولعاداتنا...
أنهى الصلح منذر تصعق من اللي يسمع فيه
عروقو برزت بكلها وجه تغصور وحمار من
الغش...قام من بلاصتو وصاح فيه..
منذر: صحيح اللي تقول فيه
قيصر: إيه ياآغا وأنا منجمتش نسكت
على الغلط اللي صار بحقكم وبحق
عشيرتكم ..قلت لازم نخبركم
سحب سلاحو عليه ...كبس على زناد
رايح يقتلو....ماتحركش من بلاصتو ولا
عمل حتى ردة فعل ...لأنو كان متوقع منو
يعمل هذا الشي...هو جاي ومقرر يعمل اللي
في راسو ومارح يخاف من حتى شي...كل
شي رح يصير كيف مايحب هو تبسم على
جنب..وتكلم..
قيصر: بكل برود...شنوا اللي تعمل فيه
ياآغا موجه سلاحك على الشخص الغالط...
عدوك جاسر موش أنا هو عفس على كرامتك
وشرف بنتك...وتزوج ببنت ماتسوى شي ....
منيار أحسن منها ..ماتستاهلش الي صار فيها
جملة....عرس ببنت موش من مستوانا ولا من
طينتنا...بنت سكير فضلها على بنتك...خالف
العادات والتقاليد.... وبعملتو نظن صلحتكم
بطلت...هبط سلاحو ورجع قعد...تنهد تنهيدة
تهد جبااال...شي اللي سمعو كسر ظهرو...وقهرو
شرف في بنتو ولا على لسان اللي يسوى واللي
مايسواش ...تهانت كرامتو وتعفس على هيبتو
منذر: انت شنوا راح تربح من ورى هذا شي
قيصر: تبسم على جنب...بدينا نفهمو على بعض
نحنا عدونا واحد هو جاسر...أنا نحب نزيحو من
طريق...تهمني الآغوية...تعرف أنو هو سبب في
فشل صفقات الخدمة السوداء وغمزو...
منذر: إيه نعرف...بنتي كانت مانعتني من اني
نقتلو ونظن بعد اللي صار لازم يموت
قيصر: مصالحنا مشتركة...وعدونا واحد وكما
يقولو (عدو عدوي صديقي) وغمزو..
منذر: عندك حق.. وتوا سامحني عندي شغل
قيصر: خووذ راحتك كان احتجت رجال أنا
في الخدمة...وبلا مانوصيك جاسر مالآزموش
يعرف أنو أنا اللي خبرتك
منذر: كون مهني من هذي ناحية...
إستأذن منو وخرج فرحان من عندوً...اليوم
هو آخر يوم في حياة جاسر...رح يجنح من فرحتو
راح يتحقق حلم سنين...حلم الصغرة....قداش
عانى باش يوصل لهذي المرحلة خسر برشا...
خسر أعز الناس على قلبو...موش نادم..في
خاطر طمعو ومصالحو يعمل كل شي...وكما
قالو ناس زمان {الطــْمــَـًعْ يـْفَـــسَدٌ ٱلٌــطْبـَعٌ}...
خرج من مكتبو وطلب من إيدو يجمع الرجال
الكل ....لازمهم اليوم ياخذ بثارهم مايرجعو كان
وقت يقتلو جاسر ويخلصو عليه.ً...
............................................................
توقعااااتكم وآرائكم في ريبووووند نلقى تعليق برى الحلقات بلووووك من غير نقاش ...سبق وحذرتكم
وانتوما متسمعوش كلام اتحملو....تحبوني نكتب
جمجمو وتفاااااعلو....حبكم
#Mîss_Rõssįlã
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
