كرونيك💕 " حب تحت رحمة التقاليد " 💕

62

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_62
🌸#Mîss_Rõssįlã🌸
واقف مقابل البحر وينفخ في الدخان ، حتى الأموااج هايجة كيف قلبو من الدااخل ، خسر خوه اللي جابتولو الدنيا بسبب نزوة ،وطيش ولاد صغاار بسبب حب التملك والسيطرة ،حط عينو على حاجة غيرو، ومش حد غريب عليه ،حط عينو على مرت خوه ،صاحبو وعشير عمرو ، ماخممش في العشرة اللي جمعتهم هذي سنين مخممش في الخبز والملح اللي بينهم ، غلط وبرشا ومش رح تتصلح غلطتو،خمم يقابلو بعثلو مساج حابو يجي بش يحاول يرجع صاحبو اللي ضيعو ببهامتو ...فاق من سرحتوعلى صوت الفران وباب الكرهبة اللي تفتحت وتسكر بقوة ...يلقااه جااي ناحيتو وجهو مايبشرش بالخبر حمر من العصب وعروق رقبتو بارزين كابس على بونيتو ..حواحب مقطبة وقف مقابلو بالظبط وعطاه بونية لوجهو خلاه يوخر مرهوج فاقد توازنو، شفتو ونيفو تفلقو بالدم ...مسحو بالزربة ...وخزرلو بعينين كلها ندم وحصرة وحزن ،صاح فيه بعصب:
سيف: شمزالك تحب عندي ،ميكفيش كل شي عملتو فينا ،مزالك في جرتي، ياريتني قتلتك نهارتها بش نرتاح منك بالمرة، أما اليوم حد مارح يمنعك مني مش رح نرحمك(خرج سلاحو من خصرو ووجهو ناحيتو).
مراد: سامحني عيش خويا ،الندامة تنخر فيا من الداخل وضميري يأنب فيا مش قادر نرقد ولا تغمضلي عين ،اغفرلي وارحمني غلطت ومنك السمااح ،رح نعمل كل شي تحب عليه ،اعطيني فرصة وحدة كهو ورح نكفر على اغلاطي،...عماني شيطان... وقتها مكنتش في وعي صدقني😢😭
سيف: اسكت،اسكت ،سكر فمك انت آخر حد يحكي على الصحبة وعلى الرحمة، علاه مارحمتهاش وقت لحلحت بيك،وقت توسلتلك،وقت نذلتلك ،علاه؟علاه؟انطق حل فمك؟ علاه غدرتني؟علاه أنا بالذاات ؟عطيتك كل شي حبيت عليه؟(يصيح من قهرتو) لو عرفت قبل انك تحبها كنت خليتها على خاطرك من غير مانتلفت ورايا؟ بصح مكنتش نعرف!وهي اختارت مع شكوون تبقى،قووم على رجليك ماتبقاااش تبكي كيف الولية؟قوووم نتكلم معااك ،قوووم(طايح على ركابيه يبكي مهبط راسو،كيفاه رح يجاوب ويخزرلو في عينيه،بأنا وجه يقابلو،أصلا كل شي قالو صحيح وماغلطش بولا كلمة،كان ليه الأب اللي تخلى عليه من صغرتو،كان ليه الأخ والسند والحامي، ولحم كتافو من خيرو،مسح دموعو وتركز بايديه على الرمل وقاام ،وقف مقابلو بصح مش حاب يخزرلو في عينيه، يتهرب فيهم)
مراد:نعرف غالط، ومش رح تغفرلي ،أما أسمعني وبعدها تقدر تعمل اللي تحب عليه ،رح نكون رهن تصرفك ،ومن غير ماتقاطعني لنو اللي رح نقولو مهم بزااف😑اليوم جبتك لهوني مش بصفتي صاحبك،بصفتي مساعدك في التحقيق، وانت تعرف أنو  عندي واحد داخل جماعة منذر ،قدرت نجمع أدلة عليهم الكل،قيصر الغامدي،منذر اليوسفي،الروسي،..وكل حد عندو علاقة معاهم ، تفضل هذا الظرف فيه كل شي تحب عليه ....شد خوذ من ايدي يمكن هذا رح يكفر ولو شوي....
سيف: منسحقش ولا شي من عندك ،تفهم فيا ،بلهم واشرب ماهم ونظنك تعرفني بالقدا ملا خلي مزيتك عندك ، وابعد من طريقي وعلى عايلتي متخلنيش نعمل شي مش حاب نعملو متخرجنيش من سينتي 😠
#يتبع
#Mî_Rõ