كرونيك💕 " حب تحت رحمة التقاليد " 💕

39

حب_تحت_رحمة_التقاليد🔥🔫💏
#الجزء_الثاني😍🌸
#الحلقة_39
🌸#Mîss_Rõssįlã🌸
#قيصر_يحكي:
بعد كل شي عملتو فيهم وناري مزالت مابردت...
وقلبي مزالو يغلي من جيهتو ...ومش رح نتوقف
حتى يخلصو حق اللي عملوه فيا دوبل...أصلا
هذا وين بدى اللعب الصحيح..رح نحط ساق على
سااق ونتفرج على عذابهم من بعيد ..مع الحورية
اللي ربحتها من حربي...رح نذوقهم من نفس الكاس..
حتى ايدي مزالها توجع الكلب متااع أشرف...رح
تخلصها غاليه حتى انت استنى دورك...رح يلحقك
سلام مني خااص...والله نسيتها جملة (ضرب
راسو معصب)..اف...اف...(تبسمت على جنب)
رجع بيا مخي ...
#قبل_ساعات
تلفوني ينوقز في جيبي...وقت ريت اسمها
على ايكرون محبيتش نرد ...بصح مبينة
مش حابه تحل عليا ...نعرفها وقت تشد
صحيح وتكبش...ملا رديت عليها ...من فوق
قلبي...عارفها رح تعاود حكايتها متااع قبل...
وأنا مش ناقصني وجيعة راس واني نوحل
معاها :
منيار: ألو قيصر حتى أنا مش ميته اني نحكي
معااك ملا اسمعني ...ومن غير ماتقاطعني..
قيصر: ملا يالالة عارفه روحك بالقدا..وتعرفني
منحبش اللي يخنقني ملا ااحكي شعندك...
منيار: كان تعرف أنا مع شكون مش رح
تصدق..
(كبست على بونية متاعي...ورصيت على سنيا
نحب نهدي روحي )
قيصر: شوف مش ناقص نجيب وناخذ معاك
الحديث ملا اتكلم خيرلك ولا خليني نسكر
انت اختاار ..
منيار: باهي ...باهي...بعد نصف ساعة..ايجا
خوذ أمانتك جوري..رح نبعثلك أدريسة...
قيصر: مش تتمسخر كيف عوايدك...تعرفني
منحبش اللعب...(لمعت عينيا بفرحة وقتها..
وفيسع مادخل الخبث لعقلي ..)
منيار : وقتاااش لعبت معااك أنا ...هذي
هدية سبيسيال مني ليك...وخليها في
باالك رد بالك تنسااها ...
قيصر: مش رح ننسااها انت عطيتني كنز
يا منياار اطلب اللي تحب عليه...
منيار: منحب حتى شي منك غير تبعد على
جاسر وتبقى متذكر اني سلمتك جوري..
ونفذ كل شي قلتلي عليه...
قيصر: وهذي عندك فيها شك...
وقطعت عليها رح نطير بالفرحة كأنو الدنيا
ضحكتلي من جديد ..رح نقدم على صفقة
تتقدر بالملايير ...وانتقامي من جاسر ماشي
كيف مانحب...وجوري رح تصير ملكي...
شكون كيفي...ههههههه ..وصلني مساج من
عندها ...خرجت من المصنع بعدما وصيت
ايهاب يجهز كل شي ...مسافة الطريق كنت
فما ...ركنت السيارة على جنب...وبقيت نخزرلها
من بعيد...حالتها داخلة بعضها...طايحة على
ركايبها وتبكي بحرقة...شعرها هايج كيف
قلبها ...حتى منياار مقصرتش فيها ...شعملت
حتى وصلتها للحالة هذي ...لثانية شفقت
عليها وغاضني حالها بصح فيسع ماجاتني
حالتي وتذكرت كل دقيقة تهنت فيها وتعفست
على كرامتي...قربت منها غير بشوية بش
متحسش عليا ...نعرفها مش رح تجي معايا
برضايتها ملا عملت حسابي ...خرجت المخدر
وحضرت منديل ...فرغت فيه الجرعة اللآزمة
وهبطت على مستواها...حطيتهالها على خشمها
وبقيت ضامها لصدري...غاطس خشمي في
وسط شعرها نستحلى في قربها ..بقااات تفاارع
فيا بصح فيسع ماركحت ...وداخت بين ايديا...
شعرها مغطي وجهها اللي أسرني وحرم عليا
نووم من أول يوم راتها عيني...بعدت خصلاات
كانو مغطيينها وبقيت نمسح على خدها ونعدي
في يدي ...شدوني شفاافها الحمر المنفخة
شهاوني وخلاو الأفكاار الكل تجي لمخي حبيت
نغطس فيهم بصح فيسع مارجعلي شاهد العقل...
حملتها ومشيت بيها للسياارة حطيتها من ورى
تذكرت الكاميراات اللي حاطهم جاسر...دخلت من
الباب الوراني للقصر ...متستغربووش نعرف
القصر زاوية زاوية كيف كف إيدي...دخلت لبيت
كلبو أشرف...ومسحت كل المشااهد اللي أنا
فيهم ... وخرجت من غير مايراني حد ...مش
حاب حتى حد يعرف أنو جوري عندي غير لما
أنا نحب ووالوقت اللي نقررو أنا ...بدينا الحسااب
والعد التنازلي بدى ...تيك توك...تيك تاك ..
هههههههههههه.....
#يتبع
#Mî_Rõ