كرونيك💕 " حب تحت رحمة التقاليد " 💕

68

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_68
🌸#Mîss_Rõssįlã🌸
#صقر_يحكي:
تنهدت تنهيدة من عروش قلبي ...وعديت ايدي على وجهي مسحتو بزربة ...وبديت نحكي وين خذاتني ذاكرتي ل 30سنة قبل:
كنت خديم عند بوك وجدك ...أو بأحرى إيدو اليمين ..عينيه وجنحيه نتمس أنا ولا هو..نتجرح أنا ولا تتأذى شعرة منو...خدمت وجريت وحفيت..وجاء النهاار اللي طحت فيه على راسي وحبيت بنت الآغا ..وأنا جرد خديم وكلب عند بوها ...بصح قلبي مااسمعليش ولا رد على عقلي ...حبيتها وعشقتها ...حتى هي بادلتني نفس الإحساس حبتني ..ووقت كشفنا بووك ...قرر يخلص على حياتنا ...أولهم هي بصح اكتشفو أنها حبلة ..ومن عادات العشيرة الحكم مايتنفذش في امرأة حامل ..مايقدروش يقتلوها حتى تجيب صغيرها ..وتكمل فترة ررضاعتو ..وأنا وقتها عذبوني ...وجردوني من كل شي ..حتى رجوليتي تعرف شمعنى اقضااو على كل شي ..وآخرتها خسرو عليا رصاصتين وحده جات بعدت بانشاات صغاار على قلبي ...والثانية في سااقي وبفضلها وليت عاجز نتركز غير على العصا ...ورماوني جثة بعدما حرموني من روحي وخذاو قلبي مني ...بقيت عاام غيبوبة ...هذا اللي قالوه دكاترة وقتها ...لوجت عليكم. لوجت برشا ...بصح وصلت مأخر برشا ...أمك قتلوها وشربو من دمها وقدرو يرقدو ياكلو يشربو ..من غير مايأنبهم ضميرهم ولا تحرقهم دمعتك وانت تبكي ..شذنبنا غير أننا حبينا بعض ..ولا حكمهم وعاداتهم ماتسمحش للعبد الفقير يحب ...مالازمش زوالي يخزر للعالي لنهم رح يكسرولو جنحيه ورح يقتلوه قبل مايفيق من حلمتو ..يعفسو عليه من غير مايرفلهم جفن...تعرف شكون هو الولد اللي نحكيه عليه ..(هزلي براسو لالا ..عينيه مليانة دموع ملامحو باردة ..مش حاب يصدق ...)
انت ياجاسر انت هذاك الطفل اللي فرقوك على أمك ..انت اللي رباك عبد ايديه ملطخة بدم أمك ..أنت نوارة عيني ..انت ولدي الوحيد ...آاااه وآاااه ياكبدي ..حرموني منكم ...30سنة وانا نتحرق في نار الشوق ..شذنبك ...وشذنب أمك ...غير أنو العادات والجهل هو سيد كل شي ..
جاسر: أنت تكذب...لا ...انت تكذب ميمكنش ..مش رح نصدقك ...أمي شيخرف هذا انت قولي الحقيقة..
(تبكي بقهرة بوجيعة ..يكفيها ماسكتت يكفيها ماعانت هذا السر عذبها وقهرها نخرها من الداخل ..مدت ايدها رح تحطها على وجهو)
نجية: ولدي ..أنا ...(وخر خطوة لتالي ...وحط ايديه على راسو ...وصااح بأعلى صوتو ....ياااااااربي علاااااااه؟؟ علااه أنا؟ وطاح على ركابيه على الأرض ..يبكي بقوة ..قربتلو جوري وانحنات لمستواها ...تبكي معاه ..هي الوحيدة اللي رح تحس بيه مش لنها مرتو مش لنها نصفو الثاني ...لنها عاشت نفس وجيعتو ...لنها مرت بنفس الموقف ..ترمى في حضنها وحط راسو في وسط صدرها ...يبكي بصوت بقهرة سنين ..بوجيعة ثلاثين سنة فاتت...اليوم عرف علاه هذاك البرود ...اليوم عرف علاه عمرو لا حبو ...علاه عمرو لا سألو ..علاه عمرو لحضنو.. علاه عمرو لا مسحلو على شعرو...علاه عمرو لقالو ياولدي ..علاه عمرو لطبطبلو على ظهرو ...وعلاه ...وعلاه ...صعيبة برشا تنحط في موقف كيف هك صعيبة ..انك تكشف انو حياتك كذبة ..وكل شي كان مزيف مش حقيقة ...بعد عليها ووقف على حيلو ..بقاات تخزرلو بعينين مدمعة ...ايديها معلقة في الهوى..حطت إيدها على كرشها وقامت غير بشوية ..تقدم لطاهر بعيون حمرة جمر ...مدمعة ..تلوم فيه..
الطاهر: ولدي اسمعني ..أنا ..
سكتو وقت حط صبعو على شفافو .
جاسر: اششش....اششش.اسكت منحبش نسمع صوتك ..انت آخر حد نحب نسمع صوتو ...اليووم أنا اللي نحكي وانتو رح تسمعوني ..
شهد:(بصوت مبحوح غالبتو البكية)..ج....جاسر...خ...خويا..
جاسر: انت غلطت مرة هذي ياشهد ..(دموعو نازلة تحرق على خدو) ..أنا مش خووك ...حياتي كلها كانت كذبة...هذا اللي واقف هوني ...قاتل أمي ...علااه قتلتها شذنبه..وقف رد بالك تمسني ولا تقربلي ...شذنبي أنا ...شذنبها أمي علاه حرمتني منها علاه بعدتوني عليها ...هنا (حط ايدو على قلبو) يحرق برشا...فما نار قادية في صدري..من صغرتي نفس سؤال يتعاود في مخي #بابا علاه ميحبنيش# ..ديما تصيح عليا ولا مرة كلفت خاطرك تكونلي أب ...طلع فما السبب أني مش ولدك ...ههههه(ضحك بوجيعة)...وانت يا أمي حتى الكلمة هذي خسارة فيك..(طيحت منها النص وقتلتها بالعرق) ..كنت نسألك علاه ميحبنيش ..شكنت تقول ؟؟ لا بوك يحبك جيست مقلق من خدمة...علاه مقلتش الحقيقة وقتها ..علاه خدعتوني ...علاه خبيتو عليا ...كلكم استغفلتوني ومش رح نسامحكم ...
صقر: جاسر ولدي..
جاسر: هشش اسكت حتى انت عندك يد في الحكااية ..كلكم ذنب أمي في رقبتكم مش رح نسامحكم ..(حاولت نقربلو ونحضنو ونشم ريحتو ونشبع بيها بصح دفعني بقوة ...وخرج سلاحو من خصرو وصوبو ناحيتي ..)
جاسر: رد بالك تقرب ...بعدني ...متمسنيش ..ابعد
جوري: جاسر لا ...عيشك لا ارميه من يدك ...اخزرلي عيش حبيبي والله حد مايستاهل تعمل في روحك هك ..شوف أنا هوني بحذااك وولدنا زادة ماتتهورش وتغلط خمم فينا ...
جاسر: سامحني ياروحي ...سامحني ...شفت يمكن ربي يعاقب فيا على كل شي عملتو فيك ...اليوم حسيت نفس وجيعتك ...سامحني ..ر
جوري: مسامحتك هبط سلاح من ايدك ..هيا ايجا ..نوعدك كل شي رح يتحل ...هيا ..
مراد: جاسر صاحبي ...هيا نعرف صعيبة بصح انت اقوى من كل شي ...رح تتخطاها .نزل هذاك السلااح واسمع لجوري ...هيا عيش صاحبي كلنا هوني بحذااك ..
جاسر: مرااد 😂😥💔..هنا يحرق برشا ...فكرك رح تبرد ناري وتطفى ...
#يتبع
#Mî_Rõ