كرونيك💕 " حب تحت رحمة التقاليد " 💕

45

#حب_تحت_رحمة_التقاليد🔫🔥💏
#الحلقة_45
#Mîss_Rõssįlã
_أحببتك قبل لقائك ورؤياك..
_قبل سماع صوتك ورؤية حرفك..
_أحببتك قبل مجيئي ومجيئك..
_قبل مايعرف العشاق معنى الحب...
_رأيتك في أحلامي وقرأتك في همساتي..
_أسكنتك قلبي ورسمتك بسمائي...
_عشقتك قبل أن أعرف متى وأين...
_وكيف سألقاك وتلقاني ولو يوما لم
تعيرني  اهتمامك
_يكفيني مرورك في خيالي ومرورك
بأوردتي  وشرياني..
_سأكتفي بك ولن أكتفي منك...
             ************************
_ وصلو لقدام باب القصر...توقفت السيارات
ورى بعضها نزل الطاهر من السيارة متاعو
وقت فتحلو إيهاب الباب.. ڨحر في جاسر
ڨحرة ترعب..مزالو مغشش من اللي عملو
في مجلس الشيوخ...عملو إشارة بإيدو أنو
يلحقو..دخل وخلاه مزالو في السيارة متاعو
تلفتلو أشرف مستغرب يسأل فيه متحير
أشرف: آغا شبيه سي الطاهر يڨحرلك هك..
شنوا صاير في إجتمااع...
جاسر: أخطي جد والديا انت...موش ناقصك
يحبوني نطلق مرتي ونبقى ساكتلهم...
أشرف: مرتك😐😐 من ايمت هذا الكلآم
ڨحر فيه ڨحرة ترعب...: بلع ر** فمك...راسي
رح يطرشق من صباح ربي وأنا على أعصابي
كل شي جاء على بعضو...
أشرف: تبسم بخبث وتلفتلو..لتكون حبيتها
ياآغا
جاسر: أشررررف...تبلع ولا نفرغو في راسك..
أشرف: على خاطر نشوفك مرتااح ووجهك
يضحك مستعد نضحي على خاطرك ياآغا..
تلفتلو وقعد يخزر فيه مدة
جاسر:ايه تفكرت...هذي الأيامات خلينا نهدو
اللعب شوية...خلي رجالنا يرتاحو في الحدود
بصح هذا مايعنيش أنهم يغمضو عينيهم
ويخلو قيصر وكلابو يدخلو ويخرجو السلعة
كيف ما يحبو...خصوصا لدروڨ..
أشرف: أمرك آغا
نزل من السيارة..حاط إيدو في جيوب
السروال و فتح باب القصر...وزفر بقوة...
يحب يرتاااح من كل شي ...
توجه لمكتب بوه...عارف اللي يحب يحكي
فيه...دخل عليه من غير مايدق...رمى روحو
على الكنبة..
الطاهر:  نحبك تطلق بنت عبد الله
قام بكل هدووء عكس النار اللي شعلت في
داخلو..وخبط بإيديه على المكتب ...وتركز
عليهم...شي اللي خلى بوه يتصدم منو...
متوقعش يعمل معاه هذا شي.. قطب حواجبو
في بعضهم...مستغرب ...يستنى فيه على شنوا
ناوي...بدى يحكي ويرص على سنيه.
جاسر: مرتي موووش مطلقها... وهذا آخر
كلاام عندي خرجتوني من سينتي...كلمتي
قلتها في مجلس الشيوخ ومش رح نتراجع
عليها وانت أكثر واحد تعرفني...نظن
كلامي واضح...
الطاهر: وخر لتالي...نظن بنت أحمد لحستلك
مخكولا بديت تطيح ياولد نجية..
جاسر: تبسم على جنب...نفترضو اللي تقول
فيه صحيح...موش عيب أني نحب مرتي
وغمزو...ورايح خاارج من عندو ...وقفو كلامو
الطاهر: رح تندم  وقت تعرف حقيقتهاخمم
قبل لا يوقع الفاس في الراس
جاسر:تلفتلو مستغرب يحب يفهم معنى
اللي قالو..
حقيقتها ...؟؟
الطاهر: خمم مليح ياولد نجية...
خرج من عندو مخو فيه آلآف الأسئلة...
متحير...مافهم شي من اللي يحكي فيه
خوووه...لازمو يبقى ورى الموضوع حتى
يعرف علاه بوه حكى وهو متأكد..
_قاعدة بحذاه حاطة إيدها على إيدو...وتدعي
انو يفتح عينيه الزرق كيف البحر اللي تضيع
فيهم...تتمنى يشد إيدها ويبقى بجنبها...يحاول
يفتح في عينيه جهرو الضوء ...غمضهم...يحس
في بدنو يوووجع فيه تقول واكل طريحة...تلفتتلو مفجوعة وقت سمعتو يسعل...وصاحت بأعلى صوتها....مرااااد....مراد... ضحكت في وسط
دموعها وفرحت عاللخر...نڨزت عليها...تبوس
فيه من كل بلاصة في وجهو....حمد لله
على سلامتك يارووحي...خفت...خفت...ابقى
صاحي توا نرجع...وراحت تجري...خرجت من
غرفتها تصيح بأعلى صوتها...أمي...جووري...أمي خديجة....مرااد فاق...وعاودت دخلت عندو....
قعدت بحذااه...وشدت إيدو تبوس فيها...خفت
عليك ياروحي...شبيك طولت بش فقت...وبوزت
شفافها عامله روحها متغششة.. جاوبها وصوتو
بسيف يخرج...تاعب وضعيف..
مراد:شنوا أرنوبتي شاريتلي عركة؟!..
قعدت تخزرلو مركزه مع عينيه الزرق...حست
الدنيا حبست في هذي اللحظة...ماعاد تسمع
في شي...ولا تحس باللي يدور من حولها...تخزر
في عينين الراجل اللي عشقتو من صغرتها...تحدات
الناس الكل على خاطرو ...وقفت في وجه عايلتها ...الراجل اللي غيرلها حياتها..
بو ولدها ونور حياتها...الكل يحبوه...لكنها هي
وحدها  اللي تعشق فيه...وتموت وتفنى في
حبوفيقها على وضعها...خديجة...جوري...نجية
وقت دخلو يجرو...والفرحة مش ساعيتهم...
عيونهم تلمع..وضحكتهم ماليه وجوهم..
خديجة: باستو من جبينو...حمد لله على
سلامتك..ياروحي هكا تخوفني عليك..
جوري: مرااد ياروحي حمد لله كيف قمت
بخير خفت نخسرك مره ثانية..
نجية: حمد لله على سلامتك ولدي...
تلفتتلها شهد مصدومة...من تغير أمها من جيهتو..
تبسمتلها...أمها...سامحتكم يارووحي...وربي يخليك
ياوليدي انت حميت جاسر وعرضت روحك للموت
على خاطرو..كن موش أنت...كان ولدي في
بلاصتك.. قد مانشكرك وقليل...
مراد: ماعملت غير واجبي خالتي...وجاسر قبل
مايكون نسيبي هو عشيري...نفديه بروحي
ومانقولش لالا..
نجية: ربي يخليك...ويحميك يارب
الكل مع بعض: آمين...
جوري: هيا ياجمااعة خلوه يرتاااح...
نجية وخديجة: عندك حق...خرجو مع بعض
كلهم مخليين شهد معاااه..
نجية: والله اليوم كان نهاار صعب علينا...هيا
خلينا نرووحو نرتاحو
خديجة: إيه عندك حق ...المصايب حالفة
ماتخلينا في حالنا..
جوري: مهم مراد قام بخير ...شي آخر موش
مهم..
نجية: عندك حق بنيتي...هيا رووحو ارتاحو
جوري: إيه هيا أمي خلينا نروحو نرقدو.والله
تاعبة عاللخر نحب نرقد عندك متوحشتك
عاللخر..تلفتتلها أمها مستغربة..
خديجة: وااه بنيتي روح أرقد عند راجلك...
عيب ميصيرش..شنوا رح يقول علينا...
جوري: وين عيب في هذا..بنت متوحشه أمها تحب
ترقد عندها😏😏
نجية: أمك عندها حق ...بلاصتك بحذا راجلك..
خديجة: إسمع كلامها هيا عيش بنيتي..
جوري: باهي أمي..وبوزت شفاافها( تي من وين
جاء راجلي وهو لا قربلي ولا مسني...يبخر
بريحتي....قال راجلي...محلاها كلمة راجلي
وااه جوري صاير تخمامك فاسد...)...وراحت
لغرفتها كارهة نهار اللي تزوجت فيه..
نجية وخديجة متغامزين عليها...ويضحكو على هبالها
بساكت...
★★★#Mîss_Rõssįlã★★★