كرونيك💕 " حب تحت رحمة التقاليد " 💕

30

#حب_تحت_رحمة_التقاليد🔥🔫💏
#الحلقة_30
#Mîss_Rõssįlã
تعداو الأيامات فيسع...تجري من غير ماتستنى حد...لحق النهار الموعود...اللي رح يغير حياة برشا عباد...قاعدة سارحة في غرفتها...جيست دموعها تنزل...اليوم عرسها...حلمت كيف أي بنية بروبة البيضاء والورد...وفارس على حصان أبيض...وهي بش تجنح من فرحة...أما حالتها عكس اللي حلمت فيه...مش عرسها...جنازتها ...فاقت من سرحتها على أمها وقت دخلت وقعدت بحذاها...تمسح على شعرها أصفر...خديجة: يكفي بنتي ...هلكتي روحك...امسحي دموعك ياروحي...قهرتني عليك ياميمتي...وعلاه قبلتي ...علاه ماقلتيش لالا...قطعت عليها كلامها...وقت تنهدت من عروش قلبها...
جوري: آه ياأمي...شنوا يعمل الميت في يد غسالو..هما حطو مراد وشهد في كفة وأنا في  كفة أخرى..والقدر قال كلمتو...هذا مكتوبي...وأنا راضية بيه...
خديجة: الحجامة وصلت...بعثتها لاله نجية...نخليها تدخل..
جوري: مش رح يتغير شي...أما خليها تدخل...ماعندي حيل نقوم بيه..خليك معايا أمي خايفة برشا ...خايفة....عنقتها ...وبقات تتكلم..
خديجة: مش رح نخليك ياقلب أمك أنت ...خليك قوية وريح ماتهزك قدام عايلة الغامدي...راسك ديما مرفوع...وقد حالك...لآزمك تبينيلهم  إنك قاسية وحد مايكسرك. ...وقوتك تخوف أي حد يقرب منك..صحيح.نجية إنسانة طيبة ...اشكي همك ليها وقت تضيق بيك..رح تسمعك..وتنهدت.آه شيصبرني عليك ياروووحي...تبوس فيها من شعرها...وكابسة عليها في حضنها.(.تحكي في سرها: نوعدك يا أمي ..رح ندمو ندامة عمرو وقت خمم يتزوج بيا،واختارني ....)....دخلت عليهم حجامة...حمحت خديجة وقامت مسحت دموعها ودموع بنتها...
حجامة: اذا حاضرة خلينا نبداو...
جوري: إيه ..
مكيجتلها....وخلاتلها شعرها مسيب...لأنها هي طلبت تخليه هك....وعملتلها حرقوس في رجليها....بسيط. ....جوري مسلمة أمرها ماحكات شي...مهم تخلص وترتحها...وقت كملتلها تنهدت بفدة...وقامت لبست الروبة...اللي بعثها جاسر...كانت كلها دونتال...مكبوسة عند الخصر ومسيبة من تحت...لبست خلخال من ذهب في رجلها..خرجت  تفتق...جوري طلعت حورية.. من غير شي هي فاتنه...دخلت خديجة تصلي على نبي وتزغرت على بنتها...اللي طالعة كيف الأميرة....خديجة: ماشاء الله تبارك الله...طالعة تهبل...ياروحي..جاوبتها : عيشك عيونك زينة ياحنينة...فيقهم من سرحتهم....وقت دخل مراد..وبدى يصفر( لابس كوستيم #bleu_nuit وشميز بيضاء...بابيون في عنق...وقت دخل مراد..وبدى يصفر( لابس كوستيم #bleu_nuit وشميز بيضاء...بابيون في عنق...طالع قنبلة عضلآتو مكبوسة..) ....مراد: قعد يخزر فيها مبهم من غير مايحكي...صغرونتو كبرت وولات عروسة...أميرة تفتق بزين خلآتو يسرح في جمالها..فاق من سرحتو على أمو تسأل فيه (حاجتك بشي)
مراد: حاضرة...جوري: أ..أيه حاضرة وعيونها معبية دموع( رجعت تحكي معاه أما مش كيف قبل...علآقتهم ولات باردة بينهم غير كلمة وقص)..مد إيدو و.شبكت ايديها في ايديه ...وخرجو...من غرفتها..
...........وصل جاسر وهبط من سيارة متاعو...ورجالو محاوطينو...لآبس كوستيم بلونوي...وشميز بيضاء...من غير ربطة...ميحبهمش جملة يتخنق منهم....حاط البرنوس فوق ظهرو...هبط ورصاص  محبسش....طبابلة وغناء عامل حالة....حس تزمير ...دخل للدار...بكل وهرة وشموخ...لقاهم في الصالة...مدو يدو ليها..معرفت جوري تقدم ولا توخر...ترعش..معرفت تشدلو يدو ولا تروح وتخليه...تهرب وتخلي كل شي وراها...تفكرت مصير خوها ...وشنوا رح يصير لو تنفذ اللي في راسها...تمنات لو كانت تحبو....ماد يدو ليها..وهي مسمرة في بلاصتها...الكل يشوف فيهم...حس انو دقيقة اللي مد يدو فيها طولت برشا...أول مرة حد يعمل معاه هذا شي...تنرفز حاول يهدي أعصابو قد مايقدر...رفد راسو وغزر فيها تلآقات العيون لأول مرة...قلوب دقت لا شعوريا ومن دون سابق إنذار...مشات جيهتو وشدت يدو...رعشة سرات في بدنها وقت شدت يدو...وهو قعد مبهم فيها...في زينها..برائتها...كل شي فيها فلآه فليان...بعينيه من راسها لرجليها...تبسم على جنب..ليو العرق...وسخانة سرات في بدنو...حورية بحالها واقفة قدامو وشادة يدو....خرجوا مع بعض اليد في اليد ...قبل ماتحط رجليها برى الدار رمى عليها برنوس متاعو...وفتحلها الباب متاع السيارة ...ركبت وراح ركب بحذاها...ضلو ساكتين طول الطريق من غير مايحكو كلمة كل حد فيهم...سارح يخمم ...لحقهم مراد وخديحة مع أشرف...ورجالهم...وصلوا للقصر...وتطبيل وتزمير  وزغاريت عامل جو...قصر معبي...بالناس...ورجال العشيرة...استقبلوهم...بالبارود...وزغاريت ...نزلت تكركر في روبتها...شدها من إيدها ودخلو...مع بعض قدام الناس الكل...راح قعدو على طاولتهم...يستنو في شهد تنزل...مع مراد ويجي العدل ...يكتبو صداقهم...
راح ليها لغرفتها...دخل ...ركايبو فشلو...ولبو العرق...بدنو تكبس...وسخانة سرات فيه...