كرونيك💕 " حب تحت رحمة التقاليد " 💕

96

#حب_تحت_رحمة_التقاليد🔥🔫💏
#الحلقة_96
🌸#Mîss_Rõssįlã🌸
🌸وفي عينيك جنة🌸
🌸وعلى حافة ثغرك أنوي الاعتكاف🌸
🌸في عنااقك رحمة🌸
🌸وفي كفك وسم الحيااة🌸
....................................ً

🌸خرجت من عندو...رح تجنح بالفرحة
حاسة روحها طايرة...وفراشات في كرشها
ابتساامة ماليه وجهها..عينيها تلمع...لمعة
سبيسيال...لمعة الحب والهياام...العشق..
كأنو عندها جناحات...خدودها موردة..
حاطة إيدها على قلبها اللي يدق
بسرعة تحاول تهدي فيه...رح يخرج
من بلاصتو...تلقى خوها قداامها...
بصح موش شايفة قدامها... مزالها
سارحة في عالمها الوردي هي وجاسر..
تعيد في لحظة اعترافو ليها...تسترجع
في بوسة متاعو...تعدي في لسانها على
شفافها...كأنها تحب تستطعم مذاقهم
من أول وجديد...فيقها على وضعها
كان وقت كبس عليها من كتافها ...
يرج فيها..
مرااد: جوري...جوري...تسمع فيا...
وقتها فاقت على وضعها...حمارت من
حشمتها...ودخلت بعضها وبدات تخلوض
في الكلاام...
جوري: آه...ايه...شبيك...
مرااد: وين سارحة انتي...وشبيهم خدودك
حماارو...يجبد عليها بالبارد..
جوري: والو ...مكان شي...شبيني
مليحة...جيست نخمم في مصيبة
متاعنا...
مرااد:امممممم محسوب صدقتك...
رح نعمل روحي مصدقك..
جوري: مراااااااد...وڨحرت فيه على جنب..
مراد: هههههههخ...خلاص نعرفها هذيك
الخزرة...مهم شنوا صاار...جاسر قالك
حاجة...
جوري: أي...بصح خلينا نخرجو من
هوني...وبعدها نحكو...تعرف حيطان
عندها آذاان..
مرااد: ايه عندك حق...هيا ملا...احسن
حاجة نبعدو من هوني...عنقها وخرج
هو وياها من المركز...ركب في السيارة
وركبت بحذااه...وديمارا مخلي عجااج
وراه...
مراد: هيا احكي ...نستنى فيك...
جوري: باهي..هو جااسر قالي...انو
ماناثق في حتى حد...من غيرك انت
وأشرف...لأنو كلاب قيصر كثاار..
مراد:ضرب بايديه على الفولون بعصب
اكيد هو ورى كل شي...
جوري: بصح شنوا سبب عداوة اللي
بيناتهم...علاه يكرهو لهذي درجة..
مراد: حكاااية طويلة ...مش وقتها
جملة..
جوري: أماانك..احكيلي...مانعرف شي
على جاااسر..
مراد:اممم شامم ريحة حب..ولا غاالط
هبطت راسها...حشمها على روحها السخطة
وبقاات تفرك في ايديها...
مراد:خلاااص تي طلع راسك ياصغرونة..
من ايمت تحشم مني أنتي...
جوري: مرااااد...خلاااص أماانك..
مرااد: بااهي...باهي...ماتحبش تعرف..
جوري: اي ...احكي...
مراد: سبب عداوتهم آغوية...هذا الي
نقدر نحكيه توا...وقت يخرج راجلك
هو يكملك باقي...
جوري: باهي...جاسر قالي روحو للمزرعة
وفما رح تلقااو دليل البراءة متااعي..
مراد: مفهمتش وضح أكثر...شنو تقصد
من كلامك..
جوري: المقصوود...انو فما كاميرات مراقبة
داسسهم جاسر ..ولازمنا نلقااوهم...ووقتها
نعرفو شكون حط السلااح...وشكون ورى
مقتل بابا...
مراد: باهي ملا...خلينا منضيعووش وقت..
_دخل عليه عون الأمن...جاسر الغامدي
عندك زياارة...سألو بعينيه...شكون ..
رد عليه...يحكي من فوق قلبو...تقول
الحديث بالفلووس...المحامية متاعك..
استغرب...لأنو كان يستنى في محامي
مش محامية...انشاء الله ميكونش االلي
في بالو ...ولا رح يهد المركز فوق
ريوسهم...بقى رايح جاي...يخمم...حتى
قطع عليه تفكيرو...صوت طالون متاعها
اللي يقرب...خطواتها حافظهم بالقدا..
تبسم على جنب...عارفها هي شكوون من
غيرها...دخلت عليه... بهيأتها وقوة
شخصيتها اللي تعود عليها طول هذي
السنين...حتى وقت يطرد ترجع ليه..
اذا طردها من الباب ترجع من التاقة(نافذة)
وهذا اللي يخليه يكرهها ويندم لنو عطاها
وجه زيادة من الأول...زفر بفدة...ورجع
لبلاصتو...مربع ايديه في بعضهم ...ساند
ظهرو على الحيط...وبدى يحكي ببرود
كيف عادتو...وجه مايفسر شي...
جاسر: شنوا مجيبك...نبهت عليك آخر
مرة ...وقت طردتك...متذكر ولا نعااودلك
نفس مرسوم..وڨحر فيها...
منيار: جاسر اسمعني...أنا هوني موش بصفة
خطيبتك السابقة...أنا هوني بصفتي المحامية
متااعك...
جاسى:شوف كيف تحل في فمها...وتتفلسف
عليا...متركبهاليش...ارجع منين جيت خيرلك
منحبش نرى خليقتك...هيا...فيسع...
منيار: مش متحركه من هوني...تحب ولا
تكره أنا رح ندافع عليك...اعتبرو رد دين
قديم...ونظن مش رح تلقى محامي شاطر
أحسن مني...وانت وقتك ضيق😏..
جاسر: ههههههه...تحبني نصدقك...ميكونش
الكلب قيصر بعثك...انت آخر وحده ناثق
فيها توا...وراح جيهة شباااك...زنزانة...
وبدى يصيح ويضرب فيه...بكل قوة...يا حاارس....ياحارس...ايجا....
خرجها من هوني...وتلفت ليها...نظن انتهت
زيارة...هيا في لماان وسلملي على شريكك
منيار:بصح انا...سكتها وقت حكى وهو يرص
على سنيه كابس روحو بسيف...روحو طلعت
منها ...
جاسر: منياااااار...كملنا...ربي معاااك...🌸
#يتبع🌸
........................................
علقو داخل الحلقااات كيف العادة
وليلتكم زينة...بونوي😘😍
#Mîss_Rõssįlã