#حب_تحت_رحمة_التقاليد🔥🔫💏
#الحلقة_93
🌸#Mîss_Rõssįlã🌸
🌸فلا تخافي الحب يارفيقة قلبي🌸
🌸علينا أن نستسلم إليه🌸
🌸رغم ما فيه من الألم والحنين🌸
🌸فالحب ك #الموت يغير كل شيء🌸
.ً.........................................
🌸من وقت وصلت للمركز هي ومراد،
نجية،سي الطاهروشهد بقاات مع خديجة
في القصر بحكمها تاعبة من السفر ومن
حبالتها...أعصابها تلفت من كثرة اللي
استنات وحد ماعطاها خبر ولا طمنها...
رايحة جاية في هذااك الروااق ...تفرك
في ايديها في بعضهم من التوتر اللي
راكبها من راسها لسااسها.الخوف
داخل قلبها..تحب تراه..تحب تكلمو...
تحكيلو انها جنبو..بحذاه..ورح تساندو
في محنتو..مصدقة انو بريء..ومش رح
تشك فيه...ولا تخلي ثقتها فيه تتهز...تعرف
أنو مش هو اللي قتل بوها...ميعملهااش
وهذا اللي قلبها قاالو...فيقها من سرحتها...
صوت نجيةوقت تكلمت...
نجية:يابنتي يهديك ربي..ايجا أقعد..والله
دخت منك وانت رايحه جاية...
جوري:أمي منقدرش نقعد...نحب نراه...
حاسهروحي مربطة...
سي الطاهر: وقت يكملو تحقيق ...رح
نشوفوه.. شد بلاصتك...خير من الوقفة
هذي اللي بلا فايدة.. أصلا كل جرايرك انت
وخووك...
نجية: مش وقتو هذا الكلاام سي الطااهر..
وطفلة شنوا مدخلها في الحكاية...مدخلش
أمور في بعضها...
سي الطاهر:شايف لسانك طواال ..من ايمت
تجاوب على كلامي أنتي...
مراد: ياآغا أهدى...موش وقتو الكلاام هذا..
قطع عليه حديث وقت صااح فيه بعصب...
سي الطاهر:أنت آخر واحد تحكي معايا...شد
بلاصتك خيرلك...قطع عليهم عركهم...سيف
وأشرف اللي دخلو عليهم...راحت ليه جوري
تجري...شادة بكية بسيف...دموعها على طرف عينيها...وتكلمت معاه وهي تترجى فيه...
جوري:أشرف نحب نشوفو أعمل حااجة..
.قولهم ..محبوش يخلوني ندخل عندو
أمانك أعمل حاجة😞😟
سيف: أهدى مرت خويا...اصبر عليا دقايق
ونخليك تشوفو...وزيد انت مرت آغا
ميحبش يراك هكا..
أشرف: أيه عندو حق مداام...كن يسمع
آغا ..يعلق يعصب وتعرفيه شنوا يعمل
وقتها...هزتلو براسها.. ايه...
مراد(خو جوري): وين كنتو من قبيل نستنى
فيكم.. أشرف وصل آغا للقصر لأنو على
أعصابو..يحكي معاه بصوت واطي موش
حاب يسمعو...
أشرف: آغا هيا خليني نوصلك..وأنا ورجاال
هوني..متخاافش...
سي الطاهر: هيا قومي يالالة مش رح نقدرو
نعملو حاجة واحنا هوني ..احسن حاجة نرجعو
للقصر..
نجية: بصح ياآغا نحب نرى ولدي...تحكي
بصووت مبحوح...غالبتو غصة واحلة في
حلقة..متحبش تبكي
ولا تزيد الطين بلة وتخوف جوري أكثر
ماهي خايفة.. سكتها وقت ڨحر فيها
ڨحرة ترعب...وضرب بعكازتو
على القاااعة..بلعت ريقها بسيف...
نجية: باهي يا آغا اللي تشوف مناسب...توا
نلحقك نحكي مع كنتي ونجي...
سي الطاهر: زايد معاك الحديث...خرج
وخلاها من غير مايزيد معاها حرف..
نجية:جوري بنتي كون قوية..ورد بالك
تشك ولو لحظة انو جاسر يمكن يعملها...
حتى لو عطااوك دليل يثبت انو هو...وطمن
عيش بنتي اذا صرات حاجة..ومتخليش
قلبي مشغشب عليكم...
جوري: كون مهنية أمي...ثقتي في جاسر
أكبر من كل شي...خليك مطمنة...وعنقتها
تاخذ في طاقتها منها تستمد في القوة بش
تواجه اللي جااي...وخرجت وخلاتها
وقلبها عندها...بصح لازمها تسمع لكلام
الآغا لأنو وقت يعصب...يهد القصر فوق راسها..
.عندو االمبادئ والعادات والتقااليد فوق كل
شي...ولدو وين وهو تخمامو وين...
_راحت دورية للمزرعة...ومعاهم مراد
(صاحب سيف) دخلو ليها...بعدما وقفوهم
الرجال بصح وقت شافو قرار التفتيش...
خلاوهم على راحتهم...شنوا يعمل الميت
في يد غساالو...دخلو لداخل وانتاشرو كيف
النمل... كل حد راح لجيهة قلبو الدار وخربو
كل شي..وفسدو النظاام...ولقاو السلاح
الجريمة...في بلاصة الي خباها فيه شاهين
الكلب...حطوه في كيس...بعدما كانو حاطين قفازات ...بش تبقى جيست بصماات القاتل...
وقتها مرااد بلع ريقو بسيف...ومسح على
وجهو بعصب.. زفر بقوة يحب يصيح...حاسس
روحو مربط...اتحصرو في زاوية...كيفاااش رح
يسلكووه توا...لأنو مبين اللي عمل هذي العملة
ماخلى حتى دليل ورااه ..ماخلى حتى طرف
خيط...يقدر يوصلهم ليه...خرجو من مزرعة
حاملين معااهم دليل شنق وإعدااام جااسر..
اللي انظلم.. وتغدر في نص ظهرو...ياترى
رح يسلك منها...رح يثبت البراءة متااعو ولا رح يتسجن...هذا الكل رح نكتشفووه
في الحلقااات الجاايين 🌸
#يتبع🌸
#Mîss_Rõssįlã
أنت تقرأ
كرونيك💕 " حب تحت رحمة التقاليد " 💕
عاطفيةكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
