#حب_تحت_رحمة_التقاليد💏🔫🔥
#الحلقة_49
#Mîss_Rõssįlã
_كم أشتهي لحظة عناق بيني وبينك لأحيا بأنفاسك...
_كم أشتهي لقاءا أشفي به نار شوقي إليك..
_كم أشتهي سماع صوتك لتهدأ نبضات قلبي من حنيني إليك..
*★*★*★*★*★*★*★*★*★*★*
_بعد درج من السواقة وصل قدام الدار...قابلو إيهاب يستنى فيه...بعدما وصل الروسي...جاه يجري فتح الباب..وعاونو نزل منذر آغا اللي فاقد الوعي من كثر مانزف موش جايب خبر لدنيا...دخلوه لداخل وحطوه على الفرش...بعدها دخل الطبيب اللي طمنهم انو جرحو موش خطير...ورصاصة جات خفيفة ...الجرح مش عميق...
خلوه يداوي فيه...وخرج قيصر رايح لغرفتو بعدها تذكر...
قيصر: نظن عمي معندوش خبر باللي صاير؟؟
إيهاب: لا مخبرتو بشي...تعرفني مخلص ليك..ومش رح نخونك لو على قطع رقبتي..
قيصر: تبسم على جنب...مغلطتش وقت دسيتك في وسطهم😉
إيهاب:لحم كتافي من غيرك...وأنا مستحيل نعض الإيد اللي تمدتلي😊
قيصر: أرجع للقصر...من غير ماتخليهم يشكو في غيابك
إيهاب: أمرك آغا..
_دخل لغرفة متااعو...رمى شوميز متاعو على الأرض ودخل لبيت البانو ....
.............................................
_راكه السيارة على جنب...ونزل منها رجل لقدام واخرى لورى...عندو مدة مارجعش للدار...من وقت ماتت...رجلو ماعفست أرضها...بصح لإيمت يضل هاارب...لآزمو يواجه مخاوف...ويعفس على جرحو...ويحط فوق ملح...بش يقدر ينسى ويعيش كيف العباااد...من غير حزن...ألم...قهرة...
_حط مفاتح في قفل الباب...إيدو ترعش...دمعتو على طرف عينو...فتح الباب...ودخل لدار...دور عينيه على كل زواية...من زوايا الدار...كل مكان فيها شاهد على حبهم...وعشقهم لبعض...كل تركينة منها شهدت على عركتهم...على تمعشيقهم...ضحكهم لتوا مزال يرن في وذنو...كل شي محفور في مخو...لتوا يتذكر تبسيمتها...ضحكتها...تفوريخها...كل شي راسخ في عقلو..
خيالها مزالو يتبع فيه..من وقت ماتت...دخل لصالة يكركر في رجليه...الغبرة ماليه الدنيا...كل شي مزالو في بلاصتو..
حتى بنتو ماسألش عليها...صار عمرها عاام...ماحملهاش ولا شم ريحتها...حاولت أمو معاه قداش من مرة...بصح هو رفض في كل مرة...قداش لحلحت بيه...بصح هو محملها موت مرتو...تنهد تنهيدة من عروش قلبو...تعبر على قهرتو...ووجيعتو اللي مزالت...تقول اليوم ماتت...جاز عاام على الحكاية ...مقدرش ينسى...هلك روحو بالخدمة...يلهي في روحو ...كأنو الخدمة رح تنسيه في وجيعتو...رح ترجعلو جوليا...اللي أختارت تموت بش بنتها تعيش...أختارت حياة بنتها على حياتها...وهذا اللي قهرو...أنها ماخمتش فيه...اللي رح يصير فيه..من بعدها...قتلتو بالحيااة...دفنت قلبو...وخلصت على ذرة الأمل اللي زرعتها فيه وقت دخلت لحياتو...
سيف: هكا هنت عليك ياجوليا...لمن خليتني من بعدك...غرست سكينة في قلبي...لتوا وجيعتها تحرق...وينك ياروحي توحشتك...تمنيتك تكون بحذايا...واقفة بجنبي ضحكتك مالية وجهك...علاه ماصارحتنيش من الأول...أنت قررت تتحمل كل شي وحدك...أنت عمرك لا وثقت فيا...والله نعرف غالط..نعرف تالين معندها حتى ذنب...في اللي صاير...بصح وقت شفتها...كأنها نسخة مصغره عليك...مقدرتش نزيد نرى وجها...هي تذكرني فيك...تذكرني في وجيعتي...قهرتي...تقسم ظهري في غيابك...قداش رح نعااني...تعبت...تعبت...تعبت...وحتى حد مايحس فيا من غيرك...
★أيتها النائمة على ضفاف نبضي...
★توضئي بخلاصة عطر حرفي...
★قد تحين صلاة الإحتواء في سطري...
★لو يباح لي حضنك الآن لدقيقتين...
★لأحتضنك بألم وأهمس بأذنك..
★تسع مرااات أفتقادك أتعبني..
★ وفي العااااشرة أحبك..
طاحت دمعة سخونة على خدووو تحرق..قام راح لمني بار
جاب دبوسة شرااب...حطها قدام صورتها...وشاورلها على الكاس...شايفة هذي خذات بلاصتك في غيااابك...هي اللي تنسيني في غيابك...في وجيعتي...قهرتي...غلي منك...وشرب الكااس فرد مرة...
★*★*★*★*★*★*★*★*★*★*★*★*★*★*
ماااكس جاااام...توقعاااتكم وأرااائكم في الريبوووند من غير مانبدى نبلوووكي
#Mîss_Rõssįlã
أنت تقرأ
كرونيك💕 " حب تحت رحمة التقاليد " 💕
عاطفيةكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
