#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_52
🌸#Mîss_Rõssįlã
قطع علينا الدكتور اللي خرج من غرفة العمليات...يتنفس بجهد.....وجههو مايتفسرش ويصب بالعرق...نزع الماسك متاعو ....ويمسح في ايديه...جرالو جاسر ...يخزرلو بعينين ضايعة...تنطرت واقف وقربت ليه.. بخطوتين كنت قدامو ...وسألتو متلهف حاب نطمن عليها ...
أنا: دكتور طمنا عليها ...هي رح تكون لباس ...احكي ...قول حاجة يا**** متبقاااش ساكت...
الطبيب: علاه شتقربلها انت؟؟؟وحسن ألفاظك من فضلك متنساااش انت وين😡...
بقيت ساكت مبكم الحروف هربت مني مقدرتش نجاوب ولا نرد عليه ونصيح بأعلى صوتي أنها أختي ...أختي اللي معنديش سااعات عرفتها...ڨحرلي جاسر ڨحرة مووت ...خلتني نفيق على روحي... تلفت ليه يحكي:
جاسر : اتكلم ربي يخليك ...طمني وطفي ناري ...هي مرتي بخير...مليحة هي ؟؟؟انطق ربي يشدلك في اللي يعز عليك...
طبيب: للأسف الرصاصة تموضعت في الكبد ...والنصف متاعو تضرر...واضطرينا نستأصلوه ...والمريضة حالتها خطيرة بزااف ....واللي زاد الوضع بلة وعقدو أكثر ..أنها حبلة...واذا صارت مضاعفاات أخرى ...رح نضطرو نختارو بين الجنين وأمو ....لنو اثنينهم في حالة حرجة...ولازمكم تحضرو رواحكم لكل احتمالات ...لنو الساعات الجاية رح تكون حاسمة ولازمكم تكونو قوياء...وتصبرو ..
وقت سمعت كلامو تصعقت في بلاصتي ...وبقيت جامد لا قادر نحكي لا قادر نبكي ...لا نقدم ولا نوخر ..جيست واقف عينيا مفتحة من غير مايرمشو ...أختي طلعت حبلة ...يعني انا السبب انها رح تموت وفي داخلها رووح ....تنهدت تنهيدة من عروش قلبي ...غصة واحلة في حلقي ....نادم والندم ينخر فيا ويقتل فيا بالعرق ...آه ياربي خليها تعيش...مش حاب نخسرها بعدما لقيتها ..وأنا اللي طول عمري ...حرقة تاكل في قلبي على أخت ...صغيورة تدلل عليل...تتبهلل عليا...تشكيلي اذا كانت مهمومة....تتسند عليا وقت تتكسر...تلعب معايا...نضحكو ...نبكو ...نفرحو....حلمت وحلمت ويافرحة ماتمت ...أمنيتي ولات ناقصة ...لنها لداخل تصارع في المووت ...وتحارب على خاطر الحياة...رجعهالنا ياربي...فقت على وضعي على صيحة أمها ...وقت ضربت فخاذها ...وباقي تبكي عليها ...وتضرب في صدرها ....مسحت دموعي اللي خانوني أول مرة بكيت ....من وقت ماماتت امي مانزلت دمعة من عيوني لني حلفت ...بصح اليووم كبيت كيف عمري مابكيت...مسحت وجهي بزربة...وعديت عيني على البلاصة الكل لاتي ومش حاط معايا جملة.. منتبه عليا...رجعت لتالي ...من غير مانخلي حد ينتبهلي.. وبالع غصتي...خزرت لبيت العمليات نودع فيها ...ومخليها في رعاية الرحمان : ( جوري ..اختي سامحني سامحني...وارجع على خاطر عيلتك متخليهمش ونوعدك رح ناخذلك حقك من اللي ظلموك الكل ولو كان هذا آخر شي نعملو في حياتي...نتمنى تغفرلي ...تسامحني وتعفي عليا ...كنت مجبور ومش في عقلي ..ومنعرفش الحقيقة ..كرهي. وحقدي عماوني وخلوني نظلمك وننتقم منك ...سامحني) ..عطيتهم بظهري ورحت جار اذيال الخيبة ورايا ...مش رح نضعف...مش رح نتلفت...خرجت من المشفى ...كابس روحي بسيف ..وركبت في السيارة متاعي ...قلعت مخلي عجااج وراياا...بصح مخي مش معايا جملة.كل شي يتعاود قدامي كأنو صار في هذي اللحظة...قلبي مزال عندها ونار عليها يغلي كيف البركان ...فقت على صوت الرصاص اللي ورايا...اشرف ورجالو لاحقين بيا...حاولت نسرع قد مانجم بش مايشدونيش قبل لا ناخذ بتاري ويخلصو فيا وفي اختي ..زدت في الفيتااس ...وعيطت لرجالي الكل بش يلحقوني ويشتتو انتباه اشرف وجماعتو ..
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
