#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_74
🌸#Mîss_Rõssįlã🌸
#جاسر_يحكي:
يومين مضاو بساعاتهم ودقايقهم وثوانيهم ..برشا وقت صح أما وجيعتي مزالها كيف ماهي ..كأنو يوم..كأنها نفس هذيك الثواني اللي غيرت حياتي وقلبت موازينها ..مزالني داخل بير غامق ...وعتمتو خانقتني وكابسة على نفسي ..وغصة واحلة في حلقي ...كل ذكرياتي ،صغرتي،طفولتي،مراهقتي،، حزني فرحي ، يعني كلهم كذبة يعني كنت عايش في دوامة ..مزالني مش مصدق اللي صار معايا ..شعلت سيقارو وخذيت منو نفس ..وعدتها أني نحبسو أما خلفت بعهدي ليها ..أما مايهديني كان هو ...بقيت سارح نتفرج على البحر من فوق وأمواج هايجة كيف قلبي من الداخل ..حتى حبست كرهبة ورايا ...قطعت عليا تخمامي ..تلفت حاط ايدي على سلاحي تحسبا لأي شي...نلقاه أشرف ..أما فما حد معااه ..نزلت من غير ماتخليلو وقت ..مش مصدق عينيا ..قداش متوحشها وضمآن لشهد شفافها ولريحتها اللي تهديني وترد فيا الروح..مشيت بخطوات ناحيتها ..متردد وقلبي يدق مش نورمال كأنو أول مرة ..جرات ليا وترمات في حضني مكبشة في صدري بقوة..رفعت راسي للسماء نتنفس براحة نحمد في ربي..
وعنقتها بكل جهدي ...غارس راسي في شعرها ..مش حاسس بشي غير أنها في حضني وبين إيديا نبوس فيها من كل بلاصة ..بعدتها عليا شويا ...محاوط وجهها بايديا اثنين نعدي في عينيا على كل تفصيل فيه حطيت خشمي على خشمها اللي حمار من البكى ..مركز مع شفافها..وبقيت نحكي:
أنا: اششش...علاه البكاء هذا توا..اسكت عيش حبي..سامحني لني بعدتك عليكم سامحني لني خليتكم وحدكم ...سامحني ...سامحني..
جوري: جاسر أنا ..توحشتك عاللخر...حتى بنتنا توحشتك عاللخر...والله احنا بلا بيك ولا شي ...هذاك القصر خنقني
كان سجني في غيابك وكل زاوية فيه كبست على النفس متاعي من غيرك...حياتي معتمة في غيابك...تحبني نقص على البكاء...علاه انت وين كنت ...مش وعدتني متخلنيش.. مش وعدنا بعضنا نبقاو جنب بعض في الحلوة في المرة..بصح انت اخترت تعيش وجيعتك بعيد عليا اخترت تتحرق وحدك ...
جاسر: كان قعدت فما ...ولا كان كنت بحذايا كان يمكن نأذيك من غير مانقصد...اخترت البعد على أني نضرك ولا نمس شعرة منك...تفهم فيا ...
في لحظة صغيرة ..فلتت مني ووقفت على حافة التلة ..حاطة ايدها على كرشها ...شعرها يلعب بيه الريح..شفافها ،خشمها ،خدودها ،حمر من البكاء، عينيها حمر مليانين دمووع ،ترجف بكلها ...حتى أشرف راح بعدما وصلها...غصة وحلت في حلقي ..وقلبي طاح بين ايديا من خوفي عليها...قمت مرهوج ..حاب نوصللها أما وقفتني بايديها:
جوري: آقف متقربش...حبيت تبعد منلومكش..أصلا شكون أنا بش تشاركني وجيعتك...بش تقسم معايا قهرتك...
أنا: ج....جوري....جووري...متعملهااش...بركا من لعب الولاد..عيش حبي بعد من فمااك ...علاه ترعب فيا عليك..هيا عيش مرتي...ايجا عندي ...نوعدك مش رح نخليك مرة أخرى...ايجا..
جوري: يمكن هكا ترتاح منا أنا وبنتي ...عيش بوحدك...أنت كنت أناني مخممتش فيا ...مقلتش نتصل بهذيك نطمن عليها اذا عايشة اذا ميته اذا موجوعة اذا مريضة اذا تبكي ...ولا مرة خممت فيا ...تعبت في غيابك..تعبت برشا..
أنا: ايه أنا أناني ..وكل شي تحب تسميني فيه ...ابعد من فمااك ...ابعد...لا لا ...رد بالك تخمم تعيشني وجيعة كيف هك...والله نرمي روحي ورااك ...والله مش رح نقعد بلاش بيكم ثانية وحدة...
منعرفش كيفاه وصلتلها ...بلحظة شديتها من ايدها وجبدتها ليا بكل قوتي...ضامها لصدري قريب نكسرلها ضلوعها ...وهي دازة كان على البكااء ...نطمن في روحي أنها معايا ...بعدتها عليا نتحقق اذا حقيقة ولالا :
أنا: تحب تخليني بوحدي آه...ياويلك وتعملها ..فكرك رح نعيش من بعدك ..نرمي روحي ورااك من غير مانخمم..
جوري: كان لآزم نعمل هك بش تفيق على روحك..وتعرف أنو أنا وبنتنا بحذاك ومش رح نتخلو عليك...تفهم فيا أنت كل شي في دنيتنا خليها في بالك ..
أنا: آه..يافرخة كبرت ووليت تفرك فيها عليا ...استنى نشدك ونخلص فيك الجديد والقديم...
جوري: توحشتها الكلمة هذي من فمك...متوحشتك عاللخر ..حتى بنتك متعبتني برشا..
وبوزت شفافها،تلعب بصباع ايديها بحذى بطنها..اللي بدات تظهر شويا...هذا وين انتبهت على لبستها المحزوقة على بدنها ...حاولت نهدي روحي مش حاب نفجعهاولا نعصب
أنا: حتى أنا ياروحي حتى أنا ...
(ضميتها لصدري ...وغطست راسي في شعرها ...) هيا خلينا نمشو للدار قبل لتاخذ برد...حتى لبستك مش عاجبتني ومش حاب ندقق أكثر..
جوري: والله من خوفي ووحشي ليك لبست اللي جاء قدامي ماركزتش معاهم ...جوعانة برشا امممم ...نحب ناكل من تحت إيديك ياروح قلبي ...رويجلي الغالي ..
أنا: صار يافرخة تدلل ...ربي صبرني حتى يخلاص الوحام المحنون هذا ...
جوري: 😂😂😂 سمعت أمي تقول أنو يبقى 9شهور..يعني عندك مارح تتحمل مزال طريقك طويل..
أنا: ياااااه بالحق ...ىرح نتحمل شرح نعمل كل شي يهون على خاطرك ...مهم صحتك أنتي وبنتي ..وقرصتها من خشمها ...وعنقتها نمشي بيها ...مكبشة فيا تقول رح نهرب عليها ...اليووم بالذات عارف قيمة اللي عندي ومش رح يهمني حد من غيرها هي وبنتي ...والناس اللي دمرت حياتي وكان ليها ايد في مقتل أمي وكل حد شارك في قطرة من قطرات دمها وتلطخ بيهم رح يخلص فاتورة وبالدوبل زادة ...كل شي في وقتو حلو ...رح نوريهم وجهي الثاني وندمهم على كل دقيقة بكيت وطاحت دموع أمي رح ننتقم منهم شر انتقااام وندفعهم الثمن بالغالي على قلبهم وأنا جاسر ..العين بالعين والسن بالسن والبادي أظلم😡😬😏..
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
Roman d'amourكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
