كرونيك💕 " حب تحت رحمة التقاليد " 💕

87

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_87
🌸#Mîss_Rõssįlã🌸
#سيف_يحكي:
❤الأبناء لا يعيشون من أجل آبائهم...ولكن الآبااء يعيشون من أجل ابنائهم...❤
فقت الصبااح شي واحد يدور في مخي أني نكمل الشي الي بديتو مع جاسر والعدالة تاخذ مجراها وبعدها ناخذ عايلتي ونهج من البلاد هذي ...رح نبعد ونروح وين حد مايعرفني ..وين نقدر نعيش وراسي هاني وقلبي مرتااح لنو ذكرى مراد عشيري رح تبقى تبعني وين نروح...مش قادر نتحمل أكثر..وين نروح نشوف صورتو مش قادر ننسى ومش قادر نتحمل وجيعتي أكثر...ديما نحط بقلبي ونرمي على جرحي ملح ونبقى ساكت...أما المرة هاذي الموس وصل للعظم وثقبو ...معادش عندي طاقة نتحمل أكثر...حتى جوليا مش متحملة.. صحيح ساكته أما من عينيها فاهمها مزالها عايشة في هذاك النهاار مزالها معلقة في نفس البلاصة ولازم نبعدها من هوني بش تنسى وجروحها تطيب وتشفى ...يمكن وقت نفتحو صفحة جديدة بعيد على الماضي ووجيعة...يمكن نعيشو كيف العبااد...قريت الفاتحة على قبرو ...كيف كل يوم صبااح أول بلاصة نزورها هي قبرو...رشيت المااء عليه...وودعتو رايح وين طلبني جاسر...لنو حسابو اليوم رح يتسكر وأنا رح نوقف بحذاه كيف ديما...جرحو مزالو طري ...مش ساهل تعرف انو حياتك كلها كذبة...درت راجع على طريقي ..وركبت في كرهبتي ...وقلعت من غير مانتلفت ورايا...قاطع على روحي وعد أني قد مابقيت هوني رح نبقى نطل عليه ومانغفل على قبرو ...ونشكيلو همي...أصلا مابقى قد اللي فاات...وكل شي رح يتحل مع الوقت والنقط رح تنحط على الحرووف...مسافة الطريق وكنت بحذى قصر الغامدي...ركيت الكرهبة ونزلت عدلت الفاست متاعي ..وتفقدت سلاحي على خصري...ودخلت لنو الباب مفتوحة ...نلقاهم الكل مجموعين...غير أنا كنت نااقص...
الطاهر الغامدي...صقر...هذو طرفين مهمين في الحكاية ...من غير أمو ومرتو اللي قاعدين بحذى بعضهم مافاهمين شي من الجمعة الكل...تكلمت وعينيا عليه:
أنا: سامحني صاحبي وخرت عليك...انشغلت شوية..
جاسر: لا عادي من غير ماتخمم ...وقت قدامنا ..مش مشكلة...نشاء الله حضرت اللي قتلك عليه..
أنا: مريڨل صاحبي من غير ماتخمم...كل شي كيف ماتحب..واحنا رهن اشارتك..
الكل مبهم مش فاهم شي ...نخزرلو باقي واقف في بلاصتو ...ساكت ...يحاول يبدى اللي يخمم فيه..كان مسيطر على أعصابو لأقصى درجة...راسم على وجهو ملامح البروود..كأنو مش هامو شي..جاسر عندو قدرة رهيبة في البرود..مهما كان الغش مسيطر عليه...مهما تكون الوجيعة...مهما يكون الموقف..هو سيد البرود..يعرف يخبي يعرف يسكت..يعرف يسمع ...ويهدي بالو لآخر لحظة...يغلي من الداخل أما من برا كان عينيه تشاعل ناار..وعلى هذاكا اختارو صقر بش يكون ضابط في الإستخبارات...لنو يحسب لكل خطوة يخطيها...يعرف وقتاش وايمت يدخل ...غمض عينيه وطرشق رقبتو..هذي ثاني مواجهة بيناتهم ثلاثتهم..تكون بالحدة هذي...تقلبت الموازين بعدما كان مستعد يحرق الأخضر واليابس على خاطر بوه...يوم يخزرلو بعينين حاقدة كأنو العدو متاعو..أول مرة نرى هذي النظرة في عينيه...صحيح جاسر يحب بقوة زادة أما بنفس درجة الحب يقدر يكره..هو اليوم أسد جريح...ووجيعتو كان سببها بوه اللي ربااه وبوه اللي جابو لهذي الدنيا...خلي يحكي اللي في قلبو ...هكا تبرد جمرتو وتطفى نارو...يمكن وقتها يقدر يكمل من وين حبس آخر مرة...قطع عليا سرحتي وقت نطق بكل ثقة :
جاسر:أكيد كلكم تسألو علاه جمعتكم هوني...ملا مش رح نخليها في قلوبكم...اليووم الحق وقت الحسااب ...
صقر: شتقصد بكلامك ..
جاسر: اششش...(يرص على سنيه وقطب حواجبو في بعضهم)منحب حتى حد يقاطعني وقت نحكي ...ومن غير ماتستعجل ...وتحرق بصلتك ...
الطاهر: ياولد شبيك شاعل ناسي روحك انت وين وقدام شكون تصيح ...نظن ماربيتكش بالقدا ..
جاسر: هههههههه...انت آخر واحد تحكي على التربية ...آخر واحد تسمع فيا ...ملا اسكت خيرلك ..لليوم هذا مزالني محتارمك من غير ماتخليني نطيح بقدرك ...في آخر تبقى اللي ربيتني وحقك مزالو في رقبتي ...
الطاهر: علاه ابقى فيها إحتراام...هيا وريني كيفااه طيح قدري...انطق اتكلم ..البارح واليوم ولآخر نهاار في حياتي رح تبقى ولدي...عارف روحي غالط واني ظاالم...واخطائي مغرقتني للعنكوش ...انت حكيت وحكيت بزااف ...يكفيني ماسكتت السنين هذي الكل ...أنا اللي رح نحكي...وانتو اللي رح تسمعوني كلكم...
جاسر: بصح(قاطعتو نجية وقت حكات)
نجية: جاسر خليه يحكي اللي عندو عيش ولدي..وبعدها أعمل اللي تحب عليه..(هزلها براسو باهي ...وحك راسو بزربة ...ورمى روحو على الكرسي اللي كان مقابلو)..
شرقت شمس وياترى رح تكشف المستور ...شنوا عندو الطاهر بش يحكيه ...وشمزال مخبي ...حتى أنا دخلني بعضي أكثر...قربت قعدت مقابل جاسر..وطمنتو بعينيا بش يهدى...
#يتبع
#Mî_Rõ