كرونيك💕 " حب تحت رحمة التقاليد " 💕

101

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_101
🌸#Mîss_Rõssįlã🌸
#جاسر_يحكي:
وقت وصلنا عديت عينيا على البلاااصة الكل ...معناها أمي كانت قريبة مني السنين هذي الكل وأنا لا حس ولا خبر..عرف يخبيها علينا الكل ...نزلت ونزلت في جرتي خليتهم واقفين وعطيتهم بظهري ...نمشي ونخزر لكل تركينة ولكل زاوية ...حومة صغيرة شعبية ...ومحلاات مختلفة مقابلة بعضها ...ناس طالعة وناس نازلة كل واحد يجري على هم نهار وخبزة ولادو...صوت الصغاار معبي الدنيا وهما يلعبو بالكرة...تبسمت على برائتهم من غير مانحس .. تمنيت نرجع لطفولتي لأول نهاار وعيت فيه على الدنيا وبديت نعرف ...كنت وقتها رح نفرح ..كانت حياتي تبدلت ...أما مانحكو شي قدام المكتووب ..وربي ليه حكمة في كل شي...لفت انتبااهي المحل اللي مقابلني ...باب مفتوح ...ومكتوب لآئحة عليه ...باسم #محل_بابا_رجب🌸...تقدمت ليه بخطواات رزان منعرفش اللي مخبي ورى هذاك البااب...منعرفش اللي يستنى فيا...قلبي تزيد دقاتو مع كل خطوة نعملها...برودة غريبة سراات في بدني الكل...حتى من لحمي شوك...منعرفش اذا فرحان ولا خايف ..منعرفش إذا حاضر بش نلقااه ...داخل بعضي...وإيديا ترجف...قبل مانحط ايدي على الباااب تفتح وخرج راجل ...كبير في العمر يكون من عمر بابا ربي يرحمو...شعرو اسود غالب عليه أبيض...لحية محصورة ...وخزرة ثاقبة وتبسيمة مرسومة على شفايفو...كتااف عرااض...وسبحة في ايدو...حتى لبستو عادية...قبل ماننطق حتى حرف ...حكى هو:
رجب: مرحبا بيك جاسر الغامدي...تفضل..
لساني رزاان وماقدرت ننطق بحتى حرف...فتت من غير مانتلفت ..نخزرلو وقت باسلو إيدو وسلم عليه وضحكتو مالية وجهو:
أشرف: بابا رجب صحتك لباااس؟؟
رجب: حمد لله ولدي ...وينك ليك زماان ماطليت ..
أشرف: الله غاالب بابا تشديت في خدمة..
رجب: ايه نعرف ولدي..هيا اتفضل...وانتي بنتي من غير ماتبقى واقفة فووت ...
جوري: يعيشك😊..
رجب: هيا عيش ولادي منبعد نكملو حديثنا😊..
هما: باهي يابابا هيا بسلااامة...
وخرجو مع بعضهم ...حتى وجوههم منورة وضحكتهم مالية وجههم ناس بسيطة ومن مظهرهم مبين حاال عيشتهم ..أما مايحكو شي متقبلين مكتوبهم ومستقبلينو ببسمة منورة وجوههم ..وهذا حاال اللي يرضى بالقليل يعيش هااني...ووقت يحط راسو على مخدتو يرقد مرتاااح من غير مايخمم في شيء...قطع عليا سرحتي..وقت تكلم:
رجب: ولدي أشرف أعملنا قهااوي..ونظنك تعرف الكوزينة
هزلو براسو باهي ..وتلفتلي كمل يحكي :
رجب: وأنت ولدي ..عارفك مش مرتااح وقلبك على ناار ..ونظنك بحاجة ترى أمك وتطفي حرقتك ..(شاورلي بإيدو على الدرج اللي ورى البيرو متااعو..)..اطلع وآخر بيت موجودة أمانتك...أما من غير ماتعبها..وقفت في جرتي حابة تااقف بجنبي...أما وقفها وقت تكلم:عيش بنتي انت خليك ولا مش حاب تقعد بحذايا ...هزتلو براسها لالا..فاهمة شيقصد من كلامو ونبرة صوتو..رجعت قعدت
نكذب كاان نقول ستنيتو يكمل كلامو...قمت مش مستوعب شي ..نمشي بخطواات رزان وطلعت هذاك الدرج كأنو روحي تتسحب مني...قلبي يخض بالقاوي في صدري..وبدني يرجف بكلو...عينيا معبيا دموع ..مش حااب نبكي ..مش حابها تراني بالحالة هذي...تنهدت تنهيدة من عرووش قلبي ...نكذب كاان نقوول ارتحت ..بالعكس ناري شعلت أكثر...وإيديا ترجف...عديت عينيا على كل تركينة شدتني ...أما مش حاط بالي لشي..وصلت لبيتها اللي قاالي عليها...حطيت إيدي إلي ترجف على البواني متاع الباااب متردد...زفرت بقوة ...وغمضت عينيا بالقاااوي ...نتذكر في كلامها متااع قبيل ...اللي عطااني الضو وزرع فيا القوة«فاهمتك ياعمري ...جيست اهدى وخمم أنو أمك تستنى فيك ...خمم وقت تترمى في حضنها وتشم ريحتها خمم في حلاوة إحساسك ..خمم انك رح ترى وجهها وتملي عينيك بطلتها ..ترى ضحكتها...خمم في كل هذا ومن غير ماتخاالف أنا معااك وبحذااك»»..تبسمت من غير مانحس...ودورت كوبة الباب في ايدي..وتفتح بااب جنتي..🌸
#يتبع

#الجزء_الثاني🌸
#الحلقة_101
#جزء_2
🌸#Mîss_Rõsdįlã🌸
ودخلت بخطووات رزاان ...وقفت جامد في بلااصتي...نخزر لإمرأة عاطيتني بظهرها قاعدة على طرف السرير...قربت غير بشوية...قلبي يمشي فيا ليها..ودموعي اللي حصرتهم في عينيا ينزلو على خدي يحرقو...شعرها أسود مخلط بخصلات شيب طايح على كتاافها ..مشيت لشيرتها...رجعت بخطوات لورى ...خاايف متردد وداخل بعضي..حاط إيدي على فمي نكتم في شهقااتي..حاطة ألبووم متااع صور في إيدها ..كأنو صور متااعي ...طلعت راسي لسمااء زفرت بقوة..وعديت إيدي على وجهي مسحت دموعي بزربة ورجعت قربت منها...قعدت مقاابلها على ركبة ونص...وقربت إيدي اللي ترجف حطيتها على إيدها...متردد...وآه من احساسي وقت مسيتهم وتحسست لمستهم الحنينة...طلعت راسها مفجوعة رايحة تبعد..أما انصدمت وقت راات وجهي...وعينيها وسااعت ...وقربت إيدها بش تمس وجهي..مترددة...هزيتلها راسي بايه ..ودموعي تنزل ضببت الرؤية متاعي...ترميت في صدرها...نبوس فيها من كل بلاااصة...نبكي ونحكي: أمي...آه ياأمي...ظلمونا ياأمي...حقرونا ياأمي...حرقونا ياأمي... آه ياأمي بعدوني عليك وحرموني من ريحتك ومن جنتك ياأمي... سامحني ياأمي طولت عليك...عنقتني بقوة..تضم فيا وتبوس فيا في كل بلاااصة ...دمووعها حرقتني وزادت شعلت نااري ...اللي حطبها شوقي ليها ...اللي رمادها مشاعري واحساسي اللي عفسو عليه من غير رحمة ولا شفقة...كل دمعة وكل حرقة هما السبب فيها صحيح سامحتهم ...أما بلااصة الجرح مزالها موجودة ...وهي اللي تحكي على وجيعتها...استغربت من صوتها اللي مطلعش...بعدت غير شوية عليها ...نبوس في ايديها ...ونعاااود :ياأمي سمعني صوتك...ياأمي انطق حرف...محتاج نسمع صوتك ...احكي قوول حااجة...
طااحت دموعها بالوقت ...تجري على خدودها طبعت بوسة على ايدي...وقربت تشم في ريحتي ...وتعااود وتنهيداتها اللي طالعة وصلت شوقها ليا ...تبوس وتعااود ...جيست بقيت في حضنها نشم في ريحتها الحلوة ...مستحلي قربي منها ...ومعنق ايديها حااطهم على قلبي ...اللي فهمتو أنو أمي متقدرش تحكي ...فقدت صوتها من صدمتها وقت الحادثة...بعدت شوية عليها وطبعت بوسة على راسهااستخلصت فيها شوقي ليها وحبي ليها ...وبعدها تمديت على الفرش وحطيت راسي على حجرها ...قدااش محتااج حضنها ...وآه من احساسي ومن قلبي اللي ارتاااح وهي تمسح على شعري بحنية ولمساات ٱيدها الحنينة المتفرقة فوق شعري خلتني ننعس وتاخذني عيني ونرقد برااحة ...ويروح تعبي في تحضينة من تحضينتها ...وتبقى الجنة تحت أقداام الأمهاات تعبك يروح وقت تعنقها ...وقلبك يرتااح وقت ترقد في حجرها وتحضنك بكل حب وحنية..وتبقى الأم شمعة تضوي قلوبنا وبعدها تنير حياتنا..(بنات اللي خسرو جنتهم سامحوني كان فتحت جروحكم...واذا تسببت في دمعةوحدة فيكم ساامحوني تعيشو مش بقصدي والله😭😭💔)
#يتبع
#Mî_Rõ