#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_69
🌸#Mîss_Rõssįlã🌸
#الطاهر_يحكي:
🌸رمى السلاح على القاعة ..وتلفت خارج عاطينا بظهرو ..يدهشر ..مش قادر يوقف على رجليه ..وصل عند الباب خزرلها بعينين ذابلة ضايعة قالت برشا كلام ..طاحت دمعة على خدو تجري ..حرقتني وكوات قلبي لداخل ..وعندو حق حتى أنا مذنب كيفهم ثلاثة اليوم شهدنا على انهيارو ..وكسرنا قلبو ...وجاسر هو الضحية الوحيدة في حكايتنا وفي انتقامي من الطاهر ..عينيا عماتهم الكراهية ونار الحقد ونسيت ولدي في النص ...حرقتو من غير مانقصد وقضيت عليه بايديا هذو ...ركب في كرهبتو وقلع عجاجة مخلي الغبار ورااه ...حاولت تلحقو ..شدها مراد من ايدها :
مراد: خليه يروح عيش اختي ...لازمو يبقى وحدو..
جوري: 😭😭😭😭جاسر...جاسر...
نجية: نشاء الله ارتحت ..وطفاات نارك دمرتنا وحرقت كبدتي ربي وكيلك ...الله لا تربحك ..
شهد: أنت آخر وحده تحكي على وجيعة ياااا أمي ...قداش كرهتكم انتي ...انتي وبابا قداش مفيش في قلوبكم رحمة ...حرام عليكم ...والله حرااام ...شذنبنا احنا في كل هذا ...لإيمت رح تتحكم فينا عادات وتقاليد هذي ...لإيمت رح يبقى جهلهم معشش في قلوبكم قبل عقولكم ...شكون مزال ماحرقتوهش بنار ظلمكم ...شكون مزال ماكسرتوهش وعفستو عليه ...ماهمكم لا الكبير لا الصغير لا رضيع لا أمهات ...شحال من قلب حرقتو وشحال من عايلة دمرتو ...ايمت رح توقفو على ظلمكم ..
الطاهر: شهههههد سكر فمك ..
شهد: واذا مسكرتوش شرح تعمل يا الطاهر آغا رح تقتلني كيف ما قتلت عمتي ...اصلا مش صعيبة عليك سبق وحاولت ولا نسيت ...سكتها وقت عطاها كف دورللها خلقيتها بيه ...حطت إيدها على خدها وخزرتلو بعينين تطاير شر ،اشمئزاز ،قرف،كره...
نجية: الطاهر (هاااا حطت ايدها على فمها )..
شهد: قداش كرهتك ...نكرهك...نكرهك ..وطلعت تجري في درج ودموعها لقات طريق على خدها..
كان مراد رح يدخل بصح شدتو خديجة من ايدو ..هزتلو براسها بمعنى من غير ماتدخل ..
مراد: بصح يا أمي(رح يطرطق من العصب ..كبس بونية متاعو بقوة )
خديجة: قتلك مش وقتو ولدي ..رد بالك تغلط ..الحق مرتك وبعدها ربي يعمل دليل ...تلفتت لجوري: هيا بنتي خلي نعاونك تروح لبيتك ..
جوري:أمي منحبش اخطاني ..رح نروح لعند جاسر ..امانك خليني نروح لعندو...امي مش في وعيو ..خايفة يعمل حاجة في روحو 😭😭
خديجة : هدي روحك ياروحي على خاطر صغيرك ..وأكيد أشرف رح يلحقو مش رح يخليه وحدو ..انتي خمم في صغيرك توا ...
حطت ايدها على كرشها وضمتها بقوة ...تسمد في قوتها وصبرها من صغيرها ..عاونتها أمها تطلع لبيتها ..
خرج يدهشر. ومتركز على عصاتو واحد من رجالو يعاون فيه ...عاطيني بظهرو ..جرحنا واحد ووجيعتنا وحده نفس الإحساس يجمعنا رغم عداوتنا ل 30 سنة..خرج من غير مايحكي كلمة بعدما شعل النار في داري وخلى عاصفة تدمر كل شي بنيتو في السنين هذي اليوم خذى انتقامو مني وقت شاف ضعفي وقهرتي وخلاني نخسر ولدي ايه ولدي صحيح مش بوه الحقيقي أما أنا اللي ربيتو أنا اللي سهرت على راحتو أنا اللي صلحت اللي كسرو صحيح ماظهرتش أما ديما كنت كيف ظلو وماخليتو ولا مرة يغيب على عيني ...تلفتت لنجية اللي تبكي بحرقة موجوعة برشا وهذا مبين على وجهها حتى أنا حالتي مايعلم بيها غير ربي العالي ..طلعت راسي للسماء ..وحكيت في نفسي لداخل نلوم في روحي:
زعما كون نرجع للماضي كنت حكيت ..كنت زحت الحمل اللي على كتافي ..كنت فكيت أفكاري..كنت تخليت على ظلمي ولؤمي ...كنت خممت في عايلتي قبل كل شي ...كنت غيرت العادات اللي عششت على قلوبنا ...ياترى كان صرا كل من هذا ..كنت خسرت ولدي ...شكون قال محبيتوش وشكون قاال منخافش عليه ...اليوم وقت ريت ضعفو ..وقت ريت الحزن اللي داخل عينين ..وقت شفت دموعو قلبي تفتت لداخل وكل قطعة فيه تحرقت وتكوات ..شكون رح يسكت صوت ضميري اللي قتلو احساس بالذنب ...رح يجي يووم ويقدر كل حد قهرتو يغفرلي ...رح يسامحوني ..جاسر..شهد. ..نجية ...اذا هما عفاو عليا أنا عمري مارح نغفر لروحي أصلا بأي وجه رح نقابلهم طول عمري وقاسي وظالم وحد مارح يغفرلي...
🌸الاحساس بالذنب قاتل كرصاصة داخل عقل انسان يحيا بها 🌸
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
Lãng mạnكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
