كرونيك💕 " حب تحت رحمة التقاليد " 💕

26

#حب_تحت_رحمة_التقاليد💏🔥🔫
#الحلقة_26#Mîss_Rõssįlã
حين تغيب شمس أحلآمكم لآ تنتظروا شروق شمس جديدة...فقد تتأخر عليكم كثيرا...حاولوا أنتم أن تبحثوا عنها خلف غيوم الأيام...كي لآ تضيع سنواتكم في ظلمة الإنتظار..💔
جوري تحكي:
وقت عرفت أنو مراد سلم فيا..من أول مشكل وقع فيه..سلم فيا على خاطر حبيبتو وولدو..خلآها بيا بكل أنانية...سمح فيا..مالمتوش على عملتو ولا تغششت منو ...لأنو الكل يلوج على مصلحتو...ويخمم في روحو أول واحد....نسيت انو نعيشو في وسط ناس أنانيين .....ولا واحد فيهم خمم فيا...ولا شنيا مصيري وموقفي من الحكاية...حتى أمي مسكينة ماعندها حتى دخل فلي صاير..وأنا شعلت فيها...وفرغت غشي فيها...قرايتي هي ملجئي وقت يضربني بابا..نعدي وقتي فيها..هي دوايا...تنسيني في واقعي الي نعيشو..والي كرهت منو...تعذبت وحد ماحس فيا...من صغرتي نعاني...بابا ديما ينبزني ولا يضربني...وأي شي يصير نكون أنا السبب وفي وجه المدفع ديما...مش رح نسلم في قرايتي...ولآ نسمح في تعب سنين...اللي سمعتو اليوم كانت دوزتو أقوى...علاه مكتوب عليا العذاب...قداش رح نعاني..أكثر من هذا الكل شنيا رح يصير فيا...أما خلآص من اليوم مش رح نخمم في اللي جاي...وانت ياجاسر آغا..إلآ ماندمك ونعمل فيك العمايل...استنى وشوف اللي رح يصير فيك وقت نكون عندك...تبسمت بخبث وسط دموعها...رح نوريك نجوم الليل في النهار...كل دمعة نزلت من عيني وعيون أمي رح نخليك...تعيش دوبل اللي عشتو...نكرهك...والعرس بالنسبة ليا..مش جرد ارتباط على الورق..ولآ علاقة بدن بين امرأة وراجل...هو مسؤولية بين إثنين..مبنية على التفاهم والثقة...والحب أما مستحيل يكون فما حب كيف حب مراد وشهد...هوما عفسو على برائتي وحبوني نلبس ثوب العروس...وأنا رح نعتبرو كفن...والقصر الغامدي رح يكون مقبرتي...
______________
شهد تحكي:
وقت دخلت أمي عليا...الدم جمد في عروقي..ورجليا معادش حملوني...رعشت وتفجعت...فكرت إنو لحقت ساعتي...وجايه تودع فيا..أما شفت ابتسامتها المرسومة على وجها...وعيونها اللي تتملى دموع وقت تفرح..ولآ تعصب...تفائلت ودعيت إنو يصير خير..ماعملت حتى حركة..قعدت على أعصابي متوترة من غير مانطقت كلمة..نستنى فيها تحكي...خبرتني...ماصدقتش اللي سمعتو وطلبت منها تعاود اللي قالتو قداش من مرة...من فرحتي نقزت عليها حضنتها وكبست عليها خنقتها ...من فرحتي بكيت..ودموعي نزلت وديان...حبيت نعمل جناحات ونطير عند مراد..نفرح أنا وياه ونقلو "شفت ربي فرحنا ...محرمناش من بعضنا، رح نصير مرتك...ياحبيبي ، وولدنا يتربى بيناتنا...رح نعيشوا كل شي حلمنا فيه...رح نكملو من وقت حبسنا..نحبك ياروووحي نحبك" رجعلي شاهد العقل..وقت تفكرت ..جاسر واللي عملو على خاطري...هو ضحى بروحو على خاطري...تخلى على حريتو..وقرر يعرس ويتخلى على منيار على خاطر يمنعني من الموت...قداش كبر في عيني وعز بيا..مخلآهاش بيا وقت إلتجأت ليه..ووثقت فيه...مخيبنيش وقت عملت عليه...عرفت انو مش رح يسلم فيا ويسمح فيا بالساهل......تمنيت كان جاء هوني...تمنيت كان يغفرلي خطيئتي...ويسامحني ويحضني..أما يمكن مع الوقت كل شي يتصلح ..ويرجع كيف قبل...فيقتني من سرحتي أمي اللي تزغرت...وعيونها المدمعة اللي هي سر زينها...قداشها حنينة وقلبها طيب.حتى هي تشوات في جرتي....حمد لله صحتها ماتنكستش بسبتي....خفت تموت بقلبها من فجعتها وقت بابا خبرها....صحيح مش تحكي معايا كيف قبل...أما المهم شفت ضحكتها اللي نورتلها وجها...نعرف تعبتهم وغششتهم مني...أما موش بإيدي...هذا القلب ماينبض كان ليه..ومايحب كان عليه..ومش رح نسلم فيه مهما صار..هو نور عينيا...نتخنق وقت نبعد عليه...دوايا في مرضي ....ونفديه بروحي كان لزم...وسبب كل فرحة ولحظة حلوة صرات في حياتي...
____________________________________________
توقعااااااتكم في ريبوووووند#Mîss_Rõssįlã#حب_تحت_رحمة_التقاليد
أبدو قوية من الخارج كقلعة محصنة...وضعيفة من
الداخل كبيت من القش...شجاعة لدرجة الإستعداد للركض بكل الشوارع...وجبانة تهاب نور الشمس...جريئة حد التمرد وخائفة من إنعكاس ظلي..شامخة كجبل مكسورة كجناح عصفور سقط من أعلى قمة...جميلة حد الفتنة...وبشعة بعيون متورمة...أنف أحمر...هالآت سوداء...عيون مهوقة...ووجه ذابل كزهرة لم تسقى منذ زمن...فرحة حد الرقص بجنون هستيري...وحزينة حد تشييع نفسي وإقامة الحداد عليها...طيبة لدرجة البكاء...على قطة صغيرة...جرحت رجلها ...وسيئة حد إهمال نفسي...أ أنا ميتة؟؟؟..أم مازلت على قيد الحياة؟!..ومن أنا...أصبحت كل شي ولآ شيء !!!...أنا ماعدت أعرف من أنا......سكرت كراستها...وتنهدت بقهرة...#جوري......#Mîss_Rõssįlã