كرونيك💕 " حب تحت رحمة التقاليد " 💕

97

#الجزء_الثاني😍🌸
#الحلقة_97
#جزء_1❤
🌸#Mîss_Rõssįlã🌸
#قيصر_يحكي:
تعدات أياام فيسع ...مرت اربع شهور من وقت الحاادثة..بعد اللي صار الكل كنت نحضر في روحي أني نفووت للحبس ونتحااسب على اخطائي الكل...أما منعرفش اللي صار ولا علاه جاسر غير راي متااعو وبطل يفوتني للحبس...بعد اللي وصلتو الفرصة بين ايديه بعد تعب وجهد سنين وهو يدورلي على غلطة صغيرة بش يكشفني ويحطني للداخل ويرتاااح مني...أما كل شي تغير في اللحظة...يمكن جوري اختي ليها إيد في الحكااية...بصح خذيت وعد على نفسي أني نغير من روحي ونولي عبد آخر...مش قيصر لقديم ...مداام كل حد فيهم عطااني فرصة ثاانية مش رح نضيعها ولا نخسر ثقتهم فيا،رجعت للدارنا مع بابا،وريت فرحتو بوجودي معااه،ريت عبد آخر،كلو حنية وطيبة،زعما حياتنا بداات تتصلح وقت جوري دخلتها،زعما الفجوة اللي كانت بيني وبين بابا رح تتغلق مع الوقت،فرحاان لنها دخلت النوور لحياتنا،وعطاتها أمل وسعاادة وقت دخلت عليها،حتى منياار تغيرت وصارت أحسن من قبل،راحت البنت المتكبرة والمتسلطة المغرورة والي ماتحب كاان روحها،ولى في بلاصتها بنت دافية،طيبة،حنينة،قلبها أبيض،لنو طول الفترة اللي عديتها في السبيطاار شفت الجانب الحلو منها وكشفت شخصيتها أكثر،كل يووم نحب نراها ونحب تخرنينها وعصبيتها وقت منسمعش الكلاام،ضحكتها اللي ماتفارق وجهها،وقلبي اللي يخض بالقااوي وقت تقرب مني وتكون بحذايا،خزرتها اللي تذبحني وتشلني في بلاصتي،ههه كأنو قيصر الغامض والبارد والي مايهمو حد ولى يعشق،عمري لا حسيت كيف هك،زعما هذا اللي يقولو عليه الحب؟؟.والله كأني طحت على راسي،نحب نراها كل يووم وكل دقيقة،وقفت معايا في أياامي الصعيبة،شجعتني وقت جلساات العلااج،وقت نفشل تعطيني قوة،وتحمسني أكثر،أياام حلوة عديتها معااها ،منعرفش اللي رح نعملو صحيح ولالا أما حاببها تكون معايا وبحذايا،وماتفارقني ولا ثانية،تكون شريكتي على الحلوة والمرة،نكونو دواء لبعضنا،علاج ومرهم لجروحنا،تسندو بعضنا وقت الشدة،نحطو روسنا على نفس المخدة،تجمعنا بيت وحده،ويتسكر علينا البااب مع بعضنا ،نعيشو الحيااة هذي بحلوها وبمرها لآخر لحظة،زعمارح توافق،زعما رح تقبلني بعد كل شي عملتو فيها،منعرفش داخل بعضي وايديا ترجف وقلبي يدق بالقاااوي،تنهدت تنهيدة من عروش قلبي،ناخذ في الطااقة بش نتقوى أكثر،...
#يتبع
#Mî_Rõ#الجزء_الثاني😍🌸

#الحلقة_97
#جزء_2❤
🌸#Mîss_Rõssįlã🌸
قطعت عليا سرحتي وقت سمعت صوتها وهي تنااادي عليا لبرى في ساحة القصر،حكيت مع رووحي:
أنا: هيا قيصر آغا اتشجع،واعملها ،جاتك بساقيها
افففف....افففففف،وضربت راسي بعصب،متوتر برشا،مديت ايدي جبت عكازاتي،وقمت تسندت عليهم ووقفت ،ايه بعد عذااب شهوور وجلساات علاااج وليت نمشي،أما مش كيف قبل،نمشي بمساعدة عكازات،تنفست بقوة،وخزرت لروحي في مرايا،عملت آخر نظرة نشجع في رووحي ،وخرجت من بيتي،تقول قاادم على حرب،عمري لا صرالي هك ولا توترت ودخلت بعضي كيف اليووم ،نلقاها واقفة،تلعب بخصلة من خصلاات شعرها تهز في رجلها،مبينة معصبة ،غلقت الباب ،ووقفت نستنى فيها تحكي،وبأحرى تبهدلني لني تأخرت عليها،تبسمت على جنب😏وقت ريتها شاورت بايدها على سااعة وهزتلي بحاجبها بمعنى شنوا هذا 😂شخت على فازتها أما ماظهرت شي ،وجاوبتها ببرود: شبيك مقلقة لالة منياار ،وتعرفني عادتي منغيرهااش لو بعد دهر،وغمزتها😉زفرت بقوة حتى شعرة من شعراتها خذاها هوى وقت تنفست🐸
منيار: صاار يا سي قيصر ،مفيبالكش أنو عندنا جلسة علااج ...وبعدها تعمل كونترول عند الطبيب وبعدها معروضين عند جاسر للعشاء(عاقدة في حواجبها ..وتهز في رجلها..وختمتها وقت حطت إيدها على حزامها )..
وقت كانت تحكي وتعد بأصابعها كنت نقربلها غير بشوية نسايس في روحي ...وقفت مقابلها بالظبط ...سكتت وبكشت في بلاصتها ...قربت وجهي من وجهها ...وحطيت خشمي على خشمها ...وبقيت نغزرلها في عينيها نستنى في ردة فعلها 😂😂...دخلت بعضها أكثر...وفتحت فمها من البهته ...وفيسع ماحماارت ...وخشمها زادة😂😂..بقيت نغطس في شفافها ومانسيبهم كان مانفرغ طاقتي ووحشي الكل ...أما مش وقتو توا ...بعدت عليها شوية ...تنهدت ونفسها سخون ضرب في وجههي رهوجني ودخلني بعضي أكثر ...وتكبست في بلاصتي ..شديت روحي مش حااب نغلط ..وقربت لوذنها وشوشتلها : هيا مش وخرنا برشا ...وسكر فمك خير ماتدخلك شي ذبانة فيه..وتبسمت على جنب ...ومشيت وخليتها ...بقاات جامدة في بلاااصتها ...تلفتلها لقيتها تمروح على وجهها 😂..
أنا: منياااار هيااا..
هي: ب....باهي....جاية...(نطقتها متلبكه داخلها بعضها) ..
وجاتني تجري حطت إيدها على زندي تعاون فيا كيف عادتها ...منعرفش كيفااه نوافيها حقها ...ظلمتها برشا ..كنت أناني معاها وطردتها من بابي وقت احتاجتني وقت طلبت نسندها ونوقف في كتافها ...استغفرت ربي ندعي فيه مايحرمنيش منها ويخليها بجنبي وفي حيااتي ...عا ونتني ركبت وركبت بحذايا ...وقلعت ديراكسيو لسبيطاار ...مسافة الطريق الكل ساكته ماحكاات شي من غير عادتها وقت تشد الحديث ماتسكت ...يمكن لني دخلتها بعضها أكثر حتى وقت نخزرلها تهرب بعينيها مني ...فيقني على وضعي وقت نطقت: وصلنا ..
هزيتلها براسي ...وفكيت الحزاام وفتحت الباب ..حتى سبقتني ...عطاتني العكازات وقربت مني تسند وتعااون فيا ...قربها مني لهذي الدرجة يفرحني ويطيرني لسابع السمااء ...حتى لحظاات وهي قريبة مني كأني نسرق فيهم ...وناخذ نفس نعبي رواريا بريحة شعرها وريحتها الحلوة ...دخلنا لداخل ...نلقاااهم يستنو فيا كيف العاادة ...غمزت الطبيب ... جاني بالوقت :
أنا: نشاء الله كل شي حاااضر كما تمنيت ..
هو: ايه مسيو ...  نستنو فيكم..
أنا: بااهي ملا خلينا بوحدنا ...
هو: بتوفيق مسيو ..
أنا: يعيشك ...
وخرجو وخلونا مع بعضنا ...جاتني مستغربة عاقدة في حواجبها تسأل فيا: قيصر وين راحت الجمااعة ولا مفمااش علااج اليووم ..
أنا: امشي قدامي قاال بدلو الصاال مش هوني نعمل العلاج في الصاال الي في آخر الروااق..نلبس ونلحقك ..
هي: نعاونك كان تحب ...
أنا: لا من غير ماتعب روحك ..نكمل ونلحقك من غير ماتخااف ...هزتلي براسها باهي وراحت  عطاتني بظهرها وسكرت الباااب ...تنهدت برااحة ...وجبدت علبة خاتم من جيبي فتحتها نخزرلها وعديت إيدي عليها نحكي: كان قبلت رح تعانق اصبع صاحبتك ...كان لا رح تطيش في زوايا خزنة وتتنسى كيف مارح نتنسى أنا ...غلقتها ورجعتو لمكتوبي ...ومشيت. لوين عاملهها سربرايز منعرفش إذا تعجبها ولالا ...
#يتبع
#Mî_Rõ