كرونيك💕 " حب تحت رحمة التقاليد " 💕

21

#حب_تحت_رحمة_التقاليد💔😍😘
#الجزء_الثاني
#الحلقة_21
#Mîss_Rõssįlã
∞🌸دخلت عليها تبكي حالتها داخلة بعضها .أمي ...أمي
وينك ...اجري ...اجري....خرجت من البيت البانو
بثوب الحمام ...مفجوعة...
نجية: شبيك يابنتي تبكي ...خوفتيتي...
جوري: جاسر متعارك مع قيصر تحت ...اجري
اخلط عليهم ...امانك والله خايفه ...جاسر معصب
برشا...
نجية: شنوا ....رح نهبل من هذو الزوج ...ديما
وقت يتلاقاو يتعاركو....روح لبيتك انتي نلبس
حوايجي ونخرجلهم ...
جوري: بصح ازرب امانك ...
خرج الطاهر من الصالة ...مستغرب من الناس
اللي ملموة تتفرج ...حتى صياحهم ماتسمعش بحكم
ضجة الناس...راح وين واقفين يخزرو...وعمل نظرة
عينيه وساعت من المنظر اللي يرى فيه...وصاح على
طول صوتو....جاسر ....قيصر ....شنوا هذا الجنان...
نزلو سلاحكم على بعض...
جاسر: اليوم موتو ....سكتلو ياسر...وهذا طحان
كثر على ماوصاوه....
الطاهر : جاسر قتلك هبط سلاحك...بعصب..
جاسر : بصح يابابا ...
الطاهر: هبطوه الزووج ...متخلونيش نستجرم
فيكم...
هبط قيصر سلاحو وتبسملو على جنب ...كانو
يغزل فيه...مسحوفمو من الدم ...وغير ملامح
وجهو لواحد محقور ومظلوم ...وتلفت لعمو..
قيصر: شايف ياعمي ...ولدك في كل فرصة
يوجه سلاحو عليا ويهيني ويمسح بكرامتي
الأرض ...أما كل شي يهون على خاطرك...
يتبهنس تقول القط ياكل عشااه...جاسر مش
مصدووم لأنو يعرفو ويعرف تطيحين نتاعو
وين يوصل...جيست ضحك بتمقعير...
الطاهر: باهي ياقيصر ارجع لدارك. و نظف جروحك
وبعدها لكل حادث حديث...
قيصر : اللي تأمر بيه يصير ياعمي...
راح وخلااه طالع الدرج مش مستغرب من تصرف
بوه معااه ...طول عمرو ماياقفش في صفو مش
مستغرب...
الطاهر : هيا ياجماعة اتفضلو للصالة ....ونبه عليكم
تنساااو اللي شفتوه هوني...كلامي واضحو...
جيست هزولو بريوسهم ...ودخلو لدااخل ...أصلا
شكون اللي عندو الجرأة يقول لا للآغا وياقف في
وجهو...دخل للغرفة نتاعو ...جاتو تجري ...
حبت تترمى في حضنو...بصح ايدو وقفتها جامدة
في بلاصتها ...
جاسر: ابعدني جوري...ابعد قد ماتنجم ...مش حامل
روحي ...ومش حاب نخسرك معاك ولا نجرحك..
جوري: بصح أنا ...تفجعت وقت رات وجهو...
مجروح من الشفة اللو طانية...والدم نازل من خشمو
شهقت مرعوبة ...جاسر...جاسر انتي مجروح
خليني نظفلك جروحك على الأقل...
جاسر: قتلك ابعدني ودفعها بقوة ...حتى طاحت
على ركايبها...جرى ليها ...أنا...سامحني ...أنا ...آسف
ياروحي مش بقصدي ...رجعت لورى...وخزرتلو
خزرة حرقتلو روحو من الداخل ...جوري أنا
وضرب بايدو على الكوافوز طيح كل شي على
القااعة ....مش بقصدي اعصابي تلفت ...
كيفاه تحبني نبقى هادي وهو حاط كسرتو عليك
ومش حاب يسيلك ..والله ندفنو بأرضو...نقتلو
ونشرب من دمو....دمي فار وراسي غلى من الداخل
فرت ونار شعلت فيا وقتها...مانحمل حد يمسك
ولا يرميك بوردة ...
جوري: والله مش ذنبي...هو ...
جاسر : نعرف ياروحي وواثق فيك ...انتي
سامحني في حقك ...نولي منعقلش وقت
نعصب...
جوري: ايه نعرف بصح ماتبعدنيش عليك مهما
يصير حتى لوكنت غالطة ...لأني نموت بحسرتي
وقتها...
جاسر: باهي ياروحي متخافش...
حطت ايدها على وجهو...تتحسس في جروحو
يوجعو فيك ....هما
جاسر: مش انت حطيت ايدك عليهم ...خلاص
بطل توجع ..
جوري: خلي نقوم نظفهملك ...
جاسر: لا روح حضر روحك ...مش باهي نتوخرو
على خاطر شهد ومراد مبقالهمش وقت ويوصلو..
جوري: وجروحك..
جاسر : نعمل دوش ونظفهم ...مهم انتي اخترلي
شنلبس...هيا فيسع ياروحي...وباسها من جبينها
بوسة مرصوصة ...وقاام داخل لبيت البانو...
نار الغيرة عندما تضرم قااتلة كسم البطيء
الذي ينتشر في دماء الإنسان ويقتله في كل
ثانية بالبطيء ...وهذا حال جاسر ...وقت غار
وكن يعرف اللي يدور داخل مخ قيصر...يقتلو
ولا يعذبو حتى يتشهى الموت ومايتهناااش...
لأنو نار الغيرة متطفيها حتى  وديااان...
#يتبع
#Mî_Rõ