كرونيك💕 " حب تحت رحمة التقاليد " 💕

81

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_81
🌸#Mîss_Rõssįlã🌸
#منصف_يحكي:
في لحظة هربت مني الحروف بش نرتب كلماتي..ولساني رزن معادش قادر نحكي..ركابيا فشلو معادوش حملوني..وقلبي خض بالقااوي في صدري...عندي مدة طويلة من اللي شفتها قدام عينيا وكانت قريبة مني لهذي الدرجة...نخزرلها بعينين مدمعين..ايه دموعي غلبوني..واتا نخزرلها ضايعة وهي واقفة عند البااب جامدة في بلاصتها شادة إيد جاسر بقوة وكابسة عليها ...والصمت سيد الموقف يمكن عينينا هي اللي قررت تحكي بدل لسانا..نرى فيه قرب يوشوشلها في وذنها أما من تحريك شفافو فهمت شحكى...سألها إذا جاهزة تقابلني ...سألها إذا جاهزة تواجهني...اليووم رح نكوون تحت أمرها ورح نجااوب على كل أسئلتها وكل نقطة إستفهاام داخل مخهها...حمحمت وبديت نحاول نخرج صوتي اللي ضااع مني :
أنا: إحم...تفضل بنتي أدخل ..
جوري: رد بالك تنطقها الكلمة هذيكا.(تنبه فيا بصبعها اللي رافعتو في وجهي) ..اليوم أنا واقفة هوني قدامك مش محبة فيك ولا في قيصر ولا في منياار زادة...اليوم جيت نعرف الحقيقة بش نغلق الماضي جملة ونفتح صفحة جديدة في حيااتي خالية من الكذب ونفاقكم ..تفهم فيا .
هزيتلها براسي فاهمها وعاذرها زادة عندها حق في كل شي قالتو وفي كل حرف خرج من فمها ...وهذا اللي توقعتو من ولادي اثنين قطعة من قلبي ..
أنا: عندك حق ..ورح تعرف الحقيقة ..بصح لازمك تقعد وتبقى هادية لنو الحكااية طويلة بش توضاح الصورة ونزيح الغشاوة على عيونكم الكل ..يمكن وقت تعرفو تسامحوني ولالا أما مش طالب شي منكم غير أني نروح ونودع الدنيا هذي وأنا زحت الثقل اللي قاعد كيف الجبل على قلبي ..
قيصر: شنوا تحكي بابا ..مفهمتش شمدخل الموت في الحقيقة ؟ انطق يهديك ربي على أعصابي راني؟؟
أنا: أهدى عيش ولدي ..مش وقتو جملة خلينا نبدى ..سعلت مرة واثنين ..واستنيتهم حتى قعدو وقعدت أنا زادة مقابلهم على يميني منيار وقيصر في النص فوق السرير..وجوري وجاسر مقابليني ..خزرتلها لوجههها تحاول تهرب في عينيها بش متحطهمش في عيني بش متخزرليش..وجاسر يهز في رجلو مبين معصب ..بصح ملامح وجهو هادية عكس عروقو المكبوسة حتى أنو ماحكى ولا نطق بحرف من وقت جااء ..معرفتش من وين نبدى الكلاام ولا من أي حقيقة نبدى ..
أنا: صحيح تخليت عليك وعطيتك لأحمد من غير مانسأل عليك ..أما مكانش يعني أني سمحت فيك وأني منحبكش لا ..لنو المظاهر تخدع في بعض المراات ...كنت مجبور أني نخليك وقتها ..حالتي وحزني وقهرتي لفرااق أمك منعتني من أني نحضنك ولا نشم ريحتك ولو مرة وحدة ..لمتك وقتها لمتك وقلت أنتي السبب في أنو أمك ماتت ...مكنتش في وعيي...😢..سكتت لحظاات هربت مني الكلماات في أني نكمل الشي اللي بديتو ...قطعت عليا تخمامي وقت نطقت بتمسخير:
منيار: عمي هو أنا شمدخلني في حكايتكم...علاه جبتني هوني ..نظن وجودي ولا عدمو كيف كيف ..
قيصر: منياااااار(نطقها وهو يرص على سنيه) ..
أنا: خليها عيش ولدي ..انتي زادة الحقيقة تهمك جيست أصبر ورح تعرف علاه استدعيتك..(زفرت بقوة ضاغطة على بطنها بيديها اثنين كأنها تهدي في روحهها،كملت نحكي ): ايه خليني نكمل ، بعد شهر حبيت نسترجعك ونعوضك وقتها فقت لروحي وقتها استوعبت حجم غلطتي يومتها :
#Flach_Back:
لبست اللي جاء قدامي وقتها وخرجت من البيت ..نزلت الدرج هذاكا زارب في خطواتي كان لقيت كنت عملت جناحين وطرت ..أما عارضني وقت لقيتو في وجههي واقف ورجالو الكل في السااحة ...واحد حاط سلاحو على مرتي ..وثاني على ولدي اللي فاحم بالبكى خايف بين ايديه كيف الفلووس ..مالقيت مانعمل ..بقيت واقف جامد في بلاصتي وخض قلبي بالقاوي وسط صدري مجرد الفكرة اني يمكن نخسرهم خلت ركابيا يفشلو ..صااح في وجههي بعصب عينيه تطاير شر حمراء جمر عاقد حواجبو في بعضهم وبخطوتين كان قدامي ...شادني من خناقي يرج فيا ...ويصيح:
منذر: ويني مرتي ياكلب وين جميلة انطق ولا رح تختار شكون يموت فيهم الآول..انطق انت اللي هربتها انت وينها..عاام وأنا نحوس عليها من بلاصة لبلاصة ..مكنتش عارف أنو صاحبي وعشيري طعني في ظهري وحط عينو على مرتي ...حط عينو على عرضي ...علاه شنوا عملتلك حتى جازيتني هك ..انطق وينها ...مش مستوعب شي من اللي يقول فيه حاس روحي في بير غاامق ..جيست نخزرلها ولصدمتها المبينة على وجهها ،دموعها المتحجرة وسط عينيها وجهها الأصفر ..وايديها المحطوطة على فمها ..دمعة غفلتني نزلت تجري على خدي ..مكنتش حاب نظلمها بطريقة هذي ولا نوجعها ونقهرها ونشربها من الكااسة المرة ...أما من الأول مكنتش نحبها ..لنو طول عمري جميلة وحدها اللي ملاات قلبي واستعمرت كيانو الكل وحدها اللي عشقتها ..أما بابا فرض عليا نزوج ببنت آغا كبير بش تزيد القوة متاعو وتعجرف متاعو بصفة شنوا قاال لازم نعمل بالعادات ونفذ تقاليدها ...
#يتبع