#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_24
🌸#Mîss_Rõssįlã🌸
∞🌸قاعدة في جنينة القصر اللي وراه ...تستنى
فيها وقلبها ماقايلها خير ...صحيح وقت وصلها
المسااج محبتش تجي بصح فضولها خلاها توافق
على عرضها وتعرف السبب من ورى هذا المسااج..
وخصوصا وقت نبهت عليها ماتخبر حد وخاصة
جاسر .. تروح وتجي على أعصابها تفرك في ايديها
في بعضهم ...حتى سمعت صوت اللي تتقزز منو
وتكرهو وتبخر بالريحة نتاعو ...تلفتتلها ..مزبطة
وجهها وراسمه ملامح الجدية ...شعرها هايج
كيف قلبها من الدااخل ...نظراتها كلها قوة ...
جوري: شنوا تحب مني ادخل في الموضوع
معنديش وقت ليك ولا لمسخرتك .. علاه طلبتني
بالسرقة ...شتحب مني..
منياار : يا بنتي اتنفس ...وشبيك مغششة مني يا
قطوسة ...هدي رووحك وبرد أعصابك قد ماتنجم
لنو اللي رح تسمعو رح يشعل ناار رح تحرق داخلك
برشا ...تبسمت على جنب...وكملت تحكي...لنو اللي
رح تسمعو منضنش رح يسمعك ...تحكي وتدور عليها
توقفت عند وذنها تزن كيف الشيطاانة ...
جوري : ههه مصدقة روحك برشا ...أصلا شكونك
انتي بش تقرر في بلاصتي ...احكي اللي عندك
ولا خليني نمشي على روحي ...تبسمت بشر
ووقفت مقابلتها ...وعينيها تطاير شر وخبث..
قلبها ملياان كره ...مش شايفة قدامها ..حقدها
عاميها..حابة تحرقلها أعصابها وتجبد عليها بالبارد
المستريح
منياار : أوك على راحتك ...اسمعني بالقدا وحل
وذنيك مليح ياقطة...وضحكت بتمسخير..
قبل 19 سنة ...انولدت بنية حلوة عاللخر
امممم وجاات لهذي الدنيا ...رايحة جاية
قداامها...تتلفها في أعصاابها...عيون فيهم
مزيج بين الأخضر والعسلي ...بشرة بيضااء
ناعمة...فم أحمر...صغيرة قد الإيد..لافينها
بقطعة قمااش باالية ...
جوري: شتقصد بكلامك ...وشيهمني أنا فيها
وشمدخلني في الحكاااية ...
منياار : علاه متسكتيش وتخليني نكمل وبعدها
تفهمي ...علااه مستعجلة...مزال النهاار بطولو
قداامنا ... امممم وين كنت....في رايك وين
لقااو هذا الملاااك ...أكيد مش رح تعرفي ...
مسكينة لقاااوها مطيشة عند النفاياات ...
علااه الصغاار يتحملو غلطة الكباااار ...
جوري: لتوا مافهمت اللي تقصد فيه ...هذا
كلاامك المهم واللي رح يغير حيااتي ...علاه
نضيع في وقتي معاااك ...ملا مهبولة متااع
وذني ....وجاات رايحة ومخليتها ...بصح
وقفت بكلاامها المسموووم ...وحديثها المر
كيف العلقم ...
منيااار : تعرف شكون لقااها ...لآ متعرفش..
لقااها أحمد عبد الله ...وعلى آخر كلمة حبست
في بلاصتها جامدة ...حست كأنو سطل مااء
بارد وتكب عليها ...تلفتتلها وجهها أصفر كيف
الليمونة... وضحكت بوجيعة ...عينيها معبية
دمووع حمرااء جمر....
جوري: هههه أكيد تكذب ...تحبني نصدقك..
لا لا مستحيل انتي تكذب يامسخة ...تهز
براسها بلا لا نافية اللي سمعتو ...مش مصدقة
حطت إيدها الي ترجف على خدها ...تمسح على
وجهها ...لا لا أنت تكذب مش رح نصدقك يا
كلبة ...تحب تفهمني اني مقدرتش حتى تنطق
الكلمة ولا ترتب حروفها على لساانها ...كيفاااه تصدق
كيفااه تعترف بهذا الكلااام اللي ولا عقل يستوعبو
ولا قلب يتحمل وجيعتو وقهرتو...تبسمت بشر
وقت شافت حالتها اللي وصلت ليها وهذا اللي
حبت عليه ...وتكلمت عامله روحها حزينة وشافقة
عليها ...
أنت تقرأ
كرونيك💕 " حب تحت رحمة التقاليد " 💕
Storie d'amoreكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
