كرونيك💕 " حب تحت رحمة التقاليد " 💕

65

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_65
🌸#Mîss_Rõssįlã🌸
#صقر_يحكي:
مانتمنى لحتى واحد ينحط في موقفي ولا يعيش اللي عشتو ويجرب مرارتو ..اليوم واقف قدام ولدي ..بعد غياب 30 سنة..وقفت مقابلو نخزرلو ضايع رغم قوتو الكل اليوم أنا كنت السبب بش نراه ضعيف ضايع مش عارف كيفاه يتصرف ...يمشي كيف الجثة بلاش روح..مرتو بجنبو ..قعدت الناس الكل وهو آخرهم ..مهبط راسو للرض ويلعب بساقو ..يطرطق في صبااعو ..وهذي حالتو وقت يدخل بعضو ..واعصابو الظاهر تلفت ..نزل الطاهر يجر في أذياال الخيبة ومستسلم للواقع ..مش هامني بشنوا حاسس اللي يهمني وشاغل بالي جاسر ولدي ...ايه ولدي وقطعة من قلبي وروحي ...خليتو مغصووب ومغلوب على أمري ..باقي واقف في بلاصتي جامد نخزرلهم الناس الكل بالواحد ..عينيا تركزت عليه هو وحدو ..وقهرتني دموعو اللي متحجرة وسط عينيه خلات قلبي ياقع بين ايديا ..كيفااه رح نخبرو بالحقيقة ..كيفااه رح ندمرو ونقضي عليه بضربة وحدة..مش رح يتحمل وجيعة كيف هك مش رح يتحمل ..طلعت راسي للسمااء ياااربي...ياااربي عاوني ..عاوني نزيح هذا الحمل على كتافي ..ياربي رجعلي ولدي لحضني ...خليه يغفرلي ..خليه يفهمني ...ياااربي ...تنهدت تنهيدة من عروش قلبي تهد الجبال وماتخليهم يتلاقاو...وقربت وين قاعدين وقعدت مقابلو ..خزرلي بعينين ثاقبة ...حمرااء جمر..وتكلم وقطع عليا تخمامي:
جاسر: مطول برشا ..مش رح تتكلم وتريحنا ياسي وخزرلي من فوق لتحت ...صقر😑
أنا: رح نتكلم..رح نحكي ..من غير ماتقاطعني يرضى عليك ..
جيست هزلي براسو ..شدني ليهم مرتو اللي شدت على ايدو وعدت ايدها على كتفو تهدي فيه..يمكن هي اللي رح تداويه ورح تغلق جراحو وتكون بلسم ليهم وهذا طمني أكثر وخلاني نتذكر علاقتي بكهينة كيفاه كانت ..كيفهم بالظبط ...نسخة مصغرة علينا ...دموعي المحصورة وسط عينيا خلتني نفيق على وضعي ...مش لازم نضعف حمحت نسترجع في صوتي اللي بحاح وضاع مني وبديت نحكي:
أنا: قبل 30سنة  ، كان فما بنية اقل ماينقاال عليها آية في الجمال..شعر أصفر شهل كيف اشعة الشمس يشع منو الضوء، وعيون زرقاء كيف البحر تخلي اي حد يضيع فيهم وقت يخزرلهم، ووجه قمر يضويلك عتمتك في  نص الليل ..بدر على حالو اسمها كهينة ..قطع عليا كلامي وقت قربلي وشدني من خناقي ، وبدي يصيح فيا ،يرص على سنيه، عروقو برزت الكل :
جاسر: ***جاي تتغرم في عرضي وقدام بابا ، رح ننسى انك معلمي ونرتكب فيك جريمة ..على شنوا ناوي انت ؟؟
الطاهر:(صاح فيه بعصب) شد بلاصتك وخليه يكمل مش حاب تعرف الحقيقة ملا اصبر وهدي اعصابك ...
جاسر: يابابا طرطور أنا ،رجل كرسي، كيفاه يحكي على عمتي بوجودي ونسكتلو ، انطق ...رح تجهلوني وتخرجوني من رحمة ربي ...اففففففف
جوري: ج...جاسر ...اهدى ...ارجع لبلاصتك عمي عندو حق خلي نسمعو اللي عندو وبعدها اعمل اللي تحب عليه..
مراد: ايه عيش خويا جوري عندها حق ...
ماقال حتى كلمة ...زفر بقوة ورخف ايديه على رقبتي ودفعني بقوة طحت على الكرسي ...ورجع لبلاصتو ..مش معصب منو بالعكس عاذرو وفاهم حالتو ..ومش رح نحرق اعصابو أكثر ...شدتني سعلة قوية ..جبدت منديلها من جيبي ومسحت فيه قبل لا حد يشلق بالدم اللي طلع من فمي ...جاء واحد من رجالي رح يقرب حبستو بايدي بش يوقف ...وغمضتلو عينيا أني مليح ...واستويت حالتي..ورجعت بيا ذاكرتي لسنين قبل ..للماضي المدفوون بصح لازم ننبشوه بش ترتاح وتهدى قلوب الناس الكل ولازم تتكشف الأسرار وتنحط النقط على الحرووف .
#يتبع
#Mî_Rõ