كرونيك💕 " حب تحت رحمة التقاليد " 💕

78

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_78
🌸#Mîss_Rõssįlã🌸
#جاسر_يحكي:
لقد خلقت لأكون إلى جانبك..سأبقى لك العوض الجميل من كل شيء سيء حدث لك في الحياة...سأبقى الكتف الذي تستند عليه...سأشد يدي بيدك وسنواجه متاعب الحياة معا بتقاليدها وعاداتها بظلمها وبفرحها ...سأبقى دائما معك ولن أجعل شيء يفرقنا ..فهذا وعدي لكي في الحياة ...
ترميت على السرير نضحك على تفوريخها ..رغم كل شي تعدى عليا غير أنو جوري هي اللي تخرجني من الغرقة وديما تهديني بصفة غريبة ..كلامها يتحط على جروحي كيف البلسم وداويهم بالواحد...لمساتها وحنانتها وتخرنينها الزايد يخلوني أسعد وااحد في الدنيا ويطيروني لسابع سمااء ..صحيح من وقت تزوجنا ماشافت يوم حلو معايا غير عرك وقتال ودم وضيعت قرايتها في جرتي ..أما رح نسكر حساباتي مع الناس الكل ...ونرمي آخر ورقة عندي ونغلق اللعبة اللي أنا رح نكون الرابح الوحيد فيها ..لنو بمنصبي وبقوتي قدرت نحركهم كيف حجر الشطرنج كيف مانحب ورح نقضي عليهم بالوااحد ومش رح نرحم حد فيهم حتى اللي كاان يتسمى بابا وكنت عاطيلو قيمة مايستهلهاش ومكانة في قلبي عمرو لا استحقها وكان قدها...أما كل شي في وقتو حلو...ورح تنحط النقااط على الحروف وكل حد رح يتحاسب على اعماالو ...لازم وقت تجي بنوتي للدنيا هذي تلقى كل شي كيف ماخططتلو حيااة هادية من غير مشاكل من غير سلااح من غير عاادات من غير تقااليد رح نبعد على كل شيء.. على خاطرهم هما اثنين اغلى شخصين على قلبي ونقطة ضعفي الوحيدة..فقت من سرحتي على صووت تلفووني يدق ...مسحت وجهي بزربة وتقعدت في بلاصتي ..خطفت تلفوني من تابل دو نوي...قريت اسمو على ايكرو نلقااه أشرف..أصلا كنت نستنى فيه يعيطلي ..رديت عليه من غير مانخليه يدق اكثر:
أنا: ألو ..وي أشرف ..وينك ..
أشرف: آغا صباح الخير سامحني كان فيقتك ..اما موضووع مايتأجلش..
أنا: غير الخير ، شفما نسمع فيك ..انطق..
أشرف: آغا قيصر فااق عندو يومين..ومن وقتها يحب على المداام...يحب يحكي معاها..
أنا: شنوا شيحب من عندها الكلب الواطي ..بعد كل شي عملو فيها ومزاال عندو وجه(قلتها بعصب وأنا نصيح)
خرجت لافة منشفة على روحها وتنشف في شعرها ..نسيت كل شي ونخزرلها نزلت تلفون من على وذني وعينيا ولات قلووب..الماء الهابط على رقبتها وشعرها المبلول زاد حلاها أكثر مافقت بروحي كان صووت صيااح أشرف وهو ينادي باسمي:
هو: ياآغا...يآغا...انت معايا..
لميت روحي فيسع ..وحاولت نبين هادي قد مانجم عكس النار اللي شعلتها فيا ...ومش حاب نعاودلها طرح مبارح عارفها تاعبه ولازم تبعد على التعب الفترة هذي لنو حبالتها سونسيبل عاللخر..
أنا: إيه...إيه.. نسمع فيك...
هو: شنوا نقول ليه ؟!...حتى الآغا منصف يحب يرااها قال فما شغلة مهمة ولازمها تعرفها ...
أنا: باهي...باهي ..توا نشوف...انت عملت اللي وصيتك عليه الكل..
هو:ايه من غير ماتخمم ...وخبرت سيف كيف ماقلتلي ..كل شي جاهز نستنو في اشارة منك..
أنا: مريڨل صاحبي...ملا نخليك توا بناتنا تلفوون ...
وقطعت عليه رميت تلفون على جنب ...ورحت ليها ..مزالها مع شعرها مش شالقة بيا جملة ولا حاطه بالها معايا ..#يتبع
#Mî_Rõ