#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_54
🌸#Mîss_Rõssįlã🌸
#منيار_تحكي:💕
🌸التحفت الليل كيف العجوز الثكلى...نندب في زهري وأفعالي ..ماغمضت ولا خليت نوم يسكن جفوني ولا لحظة...باقية على هذي الحالة من وقت ماوصلني خبر انو جاسر لقى جوري...مرة نكلم نفسي..مرة نسكت ونبقى نرعش من العصب ...خايفة ...متوترة ناكل في ظفاري :الحبال الكل تقطعت وفرطت السبحة من ايديا ، وخرجت امور على سيطرتي من جديد خسرت كل شي في لحظة غفلة...لازمني نهج من هذا البلاااد...وننفذ بريشي قبل لا يوصلي قيصر ولا جاسر ... وقتها رح تكون نهايتي وموتي...مش حابة نموت ولا نخسر ولدي اللي مزال ماشافش نور الحيااة...حتى بابا تحبس ومااقدرت نعملو شي..واذا عمومي كشفو حملي رح يعدمووني...ويطبقو عليا حكم العشيرة ويغسلو شرفهم ..جرد جاهلين ...لازمني نهرب لازمني..قبل لا يطيح الفاس في الرااس...جريت فتحت الخزانة...وحطيت الفاليزة فوق السرير وبقيت نلم في حوايجي بزربة...بصح صوت الرصااص اللي يقرب من القصر ثقبلي وذني..خلاني نخااف ونموت من رعبتي ...مش عارفه وين نتخبى ولا وين نرووح:
منيار: جاء...جاء...رح يقتلنا...وين نروح وين نهرب ...شنعمل ...وينك يابابا وينك...
جريت سكرت الباب بالمفتااح ..وبقيت رايحه جايه..محاوطه بطني بايديا زوج. ..حابه نحمي ولدي قبل روحي...مش رح يرحمني...جريت تحت السرير...تخبيت ...وكابسة على ايديا بسنيا نفرغ في خوفي ...مابقاتش مدة حتى بات الحس ...والهدوء ساد القصر الكل.. نسمع غير في خطوات رجلين تقرب من الباب...صحت من رعبتي ...وقت ضربو بكرطوشة تفتح ...شديت فمي بايديا كاتمة في شهقاتي ودموعي ..بش مايسمعنيش ...حتى شدني من شعري بقوة ...وخرجني من تحت السرير...صحت بقوة من وجيعتي...وبديت نتكلم وسط دموعي...شادة بايدي على ايدو اللي على شعري:
أنا: آه...ياقيصر خليني ...ابعد عليا متقربنيش...ابعد ...
قيصر: آه ياكلبة تحبني نفكك ...مش رح نرحمك ...شكون قالك واجهني والعب معايا ...مش قتلك رد بالك تلعب معايا ولا تفيق الشيطان اللي بداخلي ..
أنا: وجعتني ياهم ....مالعبتش معاك .. شعملتلك أنا .. فكني ...اطلقني ...
قيصر: كنت تعرف انها أختي ...انت خدعتني .. وحبيتني نغتصب اختي ياكلبة ...وحابني نرحمك...انت من أنو طينة مصنوعة تكلم ...تفي عليك عمري لا شفت مثلك ...
أنا: كان خممت قبل لا تحط عينك على مرت خوك بتربية ...انت مش احسن مني ...اطلقني ...اذا مش شافق عليا...اشفق على ولدك اللي لداخل احشائي ...
اطلقني وقتها ودفعني بقوة...طحت على السرير...
قيصر: مش رح تعديها عليا ...ونوعدك رح تخلص دوبل افعالك ...امشي معايا يا "**** ....امشي ...
أنا: رح ندمك عليها ....والله رح ندمك وكان تصير لولدي حاجة...
شدني من ايدي وسحبني وراه ...نازل هذاك الدرج ويسب فيا ...حالتو مبهدلة وحوايجو كلها دم ...وجيعة قوية في حزامي ...خلتني نئن من الوجيعة...نرى في الرجال الكل منتشرين في ساحة القصر غارقين في دمهم .. شهقت من رعبتي....
أنا: انت عملت هذا الكل يا قاتل ...اطلقني ...ياناس عاونوني ...(حاولت نفك ايدي منو بصح توقفت وقت حط سلاحو في نص بطني ...هزيتلو براسي لالا ..ودموعي نازلة ...كل شي غير ولدي ...لا...مشيت وراه من غير كلمة ...ودموعي نازلة .. ندمت على كل شي عملتو ...وندامتي جات متأخره ...حتى حد مش رح يسأل عليا ...ولا رح يخمم يفكني منو ...فتحلي الباب ..ورماني بقوة لداخل...وربطلي يدي في كوبة الباب بمنوت ...وقفلو ..وركب بحذايا ...وقلع مخلي عجااج وراه ...زايد في فيتااس رح يطير ...لفت وجهي عليه وبقيت نخزر من البلار ...حاطة ايدي اخرى على بطني ...مزلت موجوعة ...بصح فجعني وقت صاح وباقي يسب ..خزرت لتروفيزور...فما سيارات يلحقو فينا ...دخل أمل لقلبي اني يمكن نخلص منو ...بصح بقيت ساكته ندعي في ربي ...باقيين ورااه ...ويزمرو عليه...عاودت خزرت ...من متريكول متاع سيارات عرفت انها متاع أشرف ورجالو..
أنا: من غير ماتعب روحك هما كثاار عليك ...سلم روحك ..وارحمني معادش فيا...اذا مش على خاطري على خاطر ولدك ...
قيصر: اسكتي يا *** ولا حابتني نفرغو فيك ...
لزيت للبلار أكثر ...وسكتت ...خرج سلاحو وباقي يقوص عليهم ...باقيين يلاحقو فينا ...اذا راح هو على اليمين يحاولويقطعو عليه من اليسار ...باقي في النص ..ويقطع عليهم الطريق كل ما حاولو يقربو منو ويلحقووه ...مركز معااه منغير مايرى الشاحنة اللي جايه في اتجاهنا ...صحت باعلى صوتي ....
أنا: قيصر....شووووف قداامك ...
تزمير ....وصياااح ...بصح فاات الفووت ودخلت فينا ..ماحسيت كان بحاجة اخترقت جسمي ...ووجيعة قوية في حزامي ....وغرقت في دمي وبعدها غيبت على وعي مش حاسة بشي من حولي ...💕
💕🌸هذه نهاية كل واحد عمل الشر ...ومامشااش في الطريق الصحيح وخدم بالحيلة ...لنو عمرو لا رح يربح ورح يوقع في شر أعمالو اذا طول ولا قصر ...وهذا اللي صار لقيصر ومنيار ...هما واجهو شر أعمالهم وأفعالهم ...ياترى رح يموتو وياخذو ذنوبهم ليوم الحساب ولا رح يعيشو ويتعذبو في الدنيا قبل الآخرة ويخلصو فاتورة افعالهم ...نظن هذا الكل رح تعرفوه في الحلقاات الجاية ...💕🌸
#يتبع
#Mî_Rõ
أنت تقرأ
كرونيك💕 " حب تحت رحمة التقاليد " 💕
Storie d'amoreكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
