كرونيك💕 " حب تحت رحمة التقاليد " 💕

43

#حب_تحت_رحمة_التقاليد💏🔫🔥
#الحلقة_43
#Mîss_Rõssįlã
_بكل لغات العالم البعد أضناني...
_بكل حروف المعاجم الفراق أدماني...
_بكل لهجات البدو والحضر..الشوق أشجاني..
_بكل موجة في البحر..القلب أشقاني...
_بكل قطرة من غيث...الوجد أبكاني...
_بكل شعاع للشمس..العشق أحرقني وأنهاني...
             ...........................................
__وجهو أصفر، شفايفو زرق، عينيه ذابلين
بدنو يبان ضعيف...راقد كيف الميت موش
حاس بشي...هزت إيدو حطتها على كرشها
ولدك وأنا نحتاجوك...مسحتلو على إيدو
وقعدت بحذاه...مراد عيشك ماتمشيش انا
وولدك نحتاجوك...زادت قوات في البكاء...
ماتخلينيش...نحب نربوه مع بعضنا...لتوا ما
شبعت منك ياروحي..ماصدقت ولينا مع بعض
تحت سقف واحد...رد بالك تخليني والله نلحقك
احنا تحدينا الناس الكل ...بش نكونو مع بعضنا.
تجاوزنا برشا عقباات...هيا عيش حبيبي قوم
وشد إ يدي كيف ديما..وقلي انك جنبي...قوم
أمااانك يارووحي...خايفة برشا...
اللي يحب بصدق ومن قلبو..مايقدر يتصور
يعيش حياتو بلا نصفو الثاني...دنيا تولي جحيم
في غيابو...صحيح يتنفس...لكن كل نفس ياخذو
يكون يخنقو في كل ثانية ودقيقة تفوت بلا بيه
يعيش جهامة بلاش رووح...ماتسوى دنيتو شي
من غير وجود توأم روحو فيها...
_فيقها على وضعها وقت حط إيدو على كتفها
تلفتتلو عيونها مليانه دموع ...منفخه من البكاء
وجها تااعب...تكلم وهو يخزر في عينيها
جاسر: متخافش مراد قوي رح يعيش وتربو
ولدكم مع بعض...عينيها وساعت من الصدمة
خافت ...ترعبت...تصدمت...من وين عرف
جاسر: خبرني وقت تقوص قبل مايغمض
عينيه...وصاني عليكم...كوني قوية عيش
أختي..كل شي رح يكون بخير...رح نرجعو
كيف قبل...نوعدك..هزتلو براسها بمعنى باهي
صوتها هرب من حشمتها...ووجيعتها...
دخلت عليهم جوري في إيدها سنيوة متاع
ماكلة...وجها ملامحو باردة ماتفسر شي..
تقول موش خوها اللي ملقح على الفرش..
حطتها في حجر شهد...ونطقت بمعنى تأمر
فيها..
جوري: كول من الصباح ماكليت شي..ورد بالك
ترجعو..وڨحرت فيها...الشي اللي خلى جاسر
باهت فيها...عينيه وساعت من البهته...
شدها من زندها...وكركرها وراه خارجين
من الغرفة...دخلها لغرفتهم..ونطر الباب وراه
قريب كسرو..وخرت لتالي خايفة منو..
جاسر: شبيك
جوري: مابيا شي خليني نروح نشوف أمي
جاسر: اترص في بلاصتك موش خارجه من هوني
انت قدامي توا من غير ماتسطنع القوة...ابكي
صيح...كسر..مهم ماتبقاااش هك...
جوري: بعدني خليني نخرج...بعد..
تعافر فيه وتضرب فيه على صدرو...بعد
نحب نخرج...نحب نرووح...حتى يسمع في
شهقاتها...بفلقت بالبكاء...تبكي بقوة على
خوها...مكبشة في شوميز متاعو...تبكي
بهيستيريا...يمسح على شعرها...وظهرها مع بعض
يهدي فيها...ويحكي بصوت حنين عالآخر..
ابكي...خرج كل شي في داخلك...بقات تبكي
مدة...بعدها وخرت عليه...مهبطة راسها جيست
دموعها تنزل...جاسر: ارتحت موش هكا ...
جوري: س...سامحني كان قلقتك...
جاسر: موش قتلك ماتعاودش تطلب مني
السمااح..ومد ايدو ليها...من اليوم احنا صحاب
ترددت بالأول ...بعدها مدت إيدها ترجف..
وخمست معااه ...باهي مواافقة...ومغسي
على كل شي...
جاسر: وقت يقوم مراد لباس..اشكرني
كيفما تحب...وغمزها...
جوري: زايد ماتحشمش..
جاسر: وين راح عقلك يافرخة...ماقصدت شي
احمارت ...صفارت...كل ألوان جات لوجها..
كون لقات تنشق الأرض وتبلعها..على مخها الفاسد
وين خذاها...
جاسر: لازمني نروح...نحبك تكون قوية..ماتخاف
من شي وأنا موجود...وإذا مارجعتش رد بالك
على شهد وأمي..توا لآزمني نروح..
جوري: مافهمتش...على شنوا تحكي..
جاسر: من أحسن أنك ماتسألش..فما أمور
مالآزمش تعرفها لسلامتك..هزتلو براسها
بمعنى باهي...قرب منها حتى ولات مايفصل
بينهم شي...ومن غير سابق إنذار...قربلها وحط
شفافو على جبينها...باسها بوسة مرصوصة..
بوسة لخص فيها كل شي...معزة ...خوف..ودااع
وحش...شهوة...عينيها وساعت...ترهوجت من
قربو...متوقعتش منو يعمل هذا شي...شبيه
هذا اليووم...صاير حنين عالآخر...تقول هو اللي
تقوص مش مرااد...متغير جملة...بصح موش على
جوري...الآ مانعرف شنوا السبب...إذا شافق عليا
..إلا مانربيك ياآغااا...وخر لتالي...مرهوج مايحبش
يبعد عليها...يبرد...في بعدها...يدفى ويضعف في
قربها...يحس بالآمان بجنبها....شبيه حاس هكا..
لتكون تحبها ياجاسر...رد بالك تعملها...انت موش
متاع هذا الشي...حياتك معقدة موش ناقصك
تعشق ...خليها بعيدة...مزالها فرخة...احميها
حافظ عليها من غير ماتظلمها معااك...نفض راسو
من الآفكار اللي جاتو...وحمحم:لآزمني نروح..واعمل
اللي وصيتك عليه بالحرف..وعطاها بالظهر وخرج
من غير مايعطيها حتى تفسير...خلاها مصدومة
مرهوجة...سارحة في عاالم آخر...وخرت لتالي
ورمات روحها على الفرش...موش هوني جملة..
قعدت مدة من الزمان وهي سارحة...بعدها تذكرت
أمها...قامت بزربة...ضربت راسها بإيدها: اففففف
نسيت أمي جملة...تي هذا جاسر الهم...مايخلي
حد في عقلو...ديما يعمل العمايل وأنا تحصل
في راسي...وخرجت تجري من غرفتها رايحة
تطمن على أمها..لقاتها فايقة...تبكي على مراد
ونجية تسكت وتصبر فيها..
خديج : ياريتني أنا ولا هو..
نجية:استهدى بالله ياخديجة خيتي..وادعيلو
يقوم لبااس...
خديجة: كان تصيرلو حاجة نموت من قهرتي
انت أم وتحس بوجيعة...والله تشويت
نجية: نعرف والله نعرف...ادعيلو يقوم بخير
خديجة: آمين يارب آمين..
دخلت عليهم...وراحت تجري ترمات في حضن
أمها...أمي حمد لله كي فقت ...خفت عليك
خديجة: متخافش ياروحي...هاني بخير..بصح
قلبي مشوي على خووك..
جوري: أهدى أمي رح يقوم لباس ..رح ينڨزها
ماتخافش..
نجية: جوري بنتي قوم جيب حاجة لأمك
تاكلها...وتشرب دواء..وساعت عينيها..رح
تتجلط..من هذا تغيير المفاجئ اللي صار اليوم
جاء ورى بعضو...الأول جاسر وتوا أمو...والله
هالعايلة رح تجيب آخرتي...باهي خالتي..
نجية: شنوا خالتي...تحبني نتغشش منك
جوري:😐😐
نجية: شبيك نتمسخر معااك...من اليوم نحبك
تقلي أمي...انت بمقااام بنتي شهد ومرت الغالي
جوري: باهي خالتي...آه قصدي أمي..
نجية: عيش بنيتي...وطبست عليها باستها...
هيا قوم جيب اللي قتلك عليه..وخلي فاطمة
تعاونك....هزتلها براسها بمعنى باهي وخرجت
من عندهم...تمشي وتحكي مع روحها: والله
هالعايلة مهبولة...تكون عملت هك قداام أمي
إيه أكيد...تي البارح كانت حابة تطردني..ورافده
خشمها عليا واليوم صرت مرت الغالي غريبة والله
...الله يجيب العواقب سليمة...
          .............................................
توقعااااتكم في ريبوووند وعلقو في الحلقااااات
حبكم #Mîss_Rõssįlã