كرونيك💕 " حب تحت رحمة التقاليد " 💕

83

#حب_تحت_رحمة_التقاليد🔥🔫💏
#الحلقة_83
🌸#Mîss_Rõssįlã🌸

🌸أيتها النائمة على ضفاف نبضي...🌸
  🌸توضئي بخلاصة عطر حرفي...🌸
   🌸قد تحين صلاة الإحتواء في سطري...🌸
  🌸لو يباح لي حضنك الآن لدقيقتين...🌸
  🌸لأحتضنك بألم وأهمس بأذنك..🌸
🌸تسع مرااات أفتقادك أتعبني..🌸
🌸وفي العااااشرة أحبك..🌸
_____________________________________________
🌸على 4:00...متاع الصباح وقت اللي تتبدل فيه الحرااسة قدام باب القصر الغامدي...استغلت رجال شاهين الفرصة.. وتقدمو غير بشوية..حطو الجثة متااع أحمد اللي كانت داخل كيس اكحل من بلاستيك.. حطوها قداام الباب...وفعصو من غير مايخلو شي وراهم...ولا يلمح خيالهم حد....خرج أشرف يعمل في دورة كيف عادتو...بصح تفاجأ وقت.. رى الكيس اللي محطوط على جنب باب القصر.. تلفت من كل جوانب...عدى عينيه على كل بلاصة مالقى شي...جبد سلاحو..تحسبا لأي شي..وقدم ليه بخطواات رزان...فتحو...وقت رى وجهو ...تكبس بكلو...وعينيه تحلت صفاااحي...وخر لتالي مرهوج.. طاح السلاح من ايدو...حط ايدو على جبينو..وزفر  بقوة..
أشرف: كملت بموتك يا سكير...بففففف هيا فيسع مشطو البلاصة...وين كنتو وقت رماوه هوني...كل واحد فيهم راح من جيهة فركسو في كل بلاصة مالقاااو شي...
أشرف: شكونهم الكلااب هذو...اكيد استغفلوكم وقت بدلتو المناوبة...هيا كل واحد يشد بلاصتو...جبد تلفونو من مكتوبو...واتصل فيه لازمو يعرف...لأنو الوحيد اللي رح يلقى حل للمصيبة اللي حلت عليهم... غفى وهو يشرب...يسمع في تلفونو ينوقز..بصح موش قاادر يفتح عينيه..راسو رح يطرشق من الوجيعة...حتى هو كثرلها في شرااب...رد عليه من غير مايعرف شكون..
أشرف: آ...آغا سامحني كان قلقتك في هذا الوقت...بصح
جاسر: شبي***** شخصك..موش ناقصك.
أشرف: آغا...أحمد بو المداام لقيناه مقتوول... تقعد من بلاصتو ...موش مصدق اللي سمعو.
جاسر: مسمعتش...عاود شقلت؟!
أشرف: أحمد لقيناه مقتول ..ومرمي عند باب القصر.. جاسر: وين كانو رجاالك...اتكلم حل جلغتك..مخدم بهاايم يعسو عند الباااب...ماتخلي حد يحس من الدار مسافة طريق ونكون عندكم..وقطع عليه... كبس على شعرو قريب طيرو من بلاصتو...
جاسر: تماديت بزااف عمي...ولازمني نوقفك عند حدك...عملت عملتك وتحب تلصقها فيا...خلي نحلها ونتفااهم معاااك😠😠...راح عمل دوش خفيف...صحصح بيه...غير حوايجو بزربة...وخرج كل همو جووري...لازمو يكون حذاها وقت تسمع.. يخرج من مصيبة..يوحل في أخرى غيرها أصعب منها.. ركب في السيارة متاااعو...وديمارا مخلي العجاااج ورااااه...وهذا الكل وعيون الصقر ...تبع فيه في كل خطووة...
أشرف: هيا فيسع...حملوه ونظفو الدم اللي على الأرض..ودخلوه من جيهة الخلفية..حتى يجي آغا...منسمح حتى غلطة...ومزال حسابكم مكملش على بهامتكم ...هياااا فيسع متخلونيش نبدى بيكم مع صباااح ربي...لملمو الوضع..كل واحد فيهم يجري في شيرة...موش حابين يواجهو عصب جاسر...يعرفوه مش رح يرحمهم ... تلفت على صوت الفراان القاوي...يلقااه نزل من السيارة متاعو...رح يطرشق من العصب...مكبوس بكلو...عينيه يقدحو نااار...
جاسر: أشرف لملم الوضع...مش لازم نوحل مع الشرطة في سين وجييم...موش نقص وجيعة رااس...وحضر للجناازة...وخبر مرااد لازمو يرجع..
أشرف: بااهي آغا..كون متهني..وعظم الله أجرك..  هزلو براسو..ودخل...مش قد بعضو وهذا باين على ملامح وجهو...تنهد تنهيدة من عروش قلبو. وحاول يهدي رووحو قد ماينجم...كيفاااش يخبرها يعني رح تصبح على موت بوها...رقدت وفاقت لقات بوها مات...راح من دنيا...مش رح تراه مرة أخرى.. صحيح مكانش كيف أبهاات...بصح يبقى في نظرها الأب...طلع الدرجاات هذوك بطلووع الرووح.. قلبو يدق يدق...ايديه ترعش...موجوع عليها.. دخل لبيتو...يلقاها مظلمة...جيست فيوز شاعلة.. اصلها تخااف من ظلمة...قرب منها غير بشوية... يلقاها معنقة مخدتو...شعرها مفروت على مخدتها. شفافها منفخة...قرب منها غير بشوية..باسها من خدها بوسة خفيفة...وقرب من شفافها خطف بوسة.. فتحت عينيها بالوقت...تبسمت ...وعينيها لمعت بالفرحة...
جوري: جااسر جيت..وين كنت..خفت ..
جاسر: خدمة وحلت فيها...ارجع ارقد..
جوري: ايجا ترقد جنبي..وشاورتلو بيدها على البلاصة...نح صباطو وحطو على جنب..وطلع بحذاها...اتكسل بحذاها..ولزها ليه...حطلها راسها فووق صدرو...غارس راسو في شعرها...كأنو يحب يستقوى بيها...خذى نفس منو...رد فيه الروح... تنهد تنهيدة من عرووش قلبووو..
جوري: شبيك جااسر...احكيلي...نسمع فيك..
جاسر: تااااعب برشا ياروحي...نحب نرقد عندك...ووقت نفيق نخبرك بكل شي..نحبك تكوون قوية على خاطري...باهي
جوري: عقدت حواجبها مستغربة...بصح موش وقت أسئلة توا...خليه يرتاااح وبعدها لكل حادث حديث....لزت ليه أكثر...وحطت ايدها على ايدو كابسة عليها...تحب تبينلو انها جنب..وحذاه في كل وقت...تبسم بفرحة ...لأنها بدات تجااوب معاه..واحساسو عمرو لخيبو...فرحتو مايعطيها لحد وأخيرا جوري بداات تحبو...بصح خلي كل شي يمشي كيف مايحب هو...ويخرج من الموصيب هذي..غرس راسو في وسط شعرها... يحب يعيش لحظة بكل تفاصيلها...ووقت يفيق يخبرها...بقى مدة على هذااك الحاال...حتى غفااااو...وخذاتهم عينيهم في نوم عمييق...مهم  عندو أنها جنبو..وحذاه...وباقي ميهموووش...🌸
#يتبع🌸
شنوا تتوقعو ردة فعل جووري وقت تسمع بخبر وفااة بوها اللي هو مووش بوها... توقعاااتكم وأرائكم داخل الربوووند كيف العاادة #Mîss_Rõssįlã