كرونيك💕 " حب تحت رحمة التقاليد " 💕

39

#حب_تحت_رحمة_التقاليد🔥🔫💏
#الحلقة_39
#جزء_1
#Mîss_Rõssįlã
_مبحر في زمن الحب ولا أدري أين لأين..
_مبحر فيكي ولا أدري ولا أدري لأين..
_ما أحلى السهر في حبك وعشقك!!
_ما أرشق هاتين اليدين..
_مبحر في زمن الحب❤😍
           .................................................
فيقتو على وضع...وقت بدات تأن.،
كأنها تحاول تهرب من حاجة..تلفتلها
مفجوع..لقى وجها بكلو عارق...حمر..
عينيها مغمضين كابسة عليهم...
كابسة بإيديها على الفرش بقوة...
تقول في كلآم موش مفهوم..
عرفها تحلم..نفخ بعصب...عيطت
من فجعتها...تنطرت جات قاعدة...
تنهج..ترد في النفس..وخرت لتالي..
ضمت رجليها لصدرها ...وتفلقت
بالبكاء...شهقاتها علات...حاطة إيديها
على وجها...تبكي بهيستيريا..حاول
يقرب منها...أما بعد وقت وخرت لتالي...
نطق..
جاسر: جوري...أهدى ماصار شي...حلمة
خايبة وتعدات...اهدى..
_نطقت بصوت ضعيف...خايف...مرعوب...
جوري: ماتقربنيش أمانك...متضربنيش...
وحطت إيديها على وجها...تخبي فيه..
مسح على وجه بزربة...وزفر بقوة..
ونطق...:موش رح نضربك...أهدى
جوري:موش قصدي والله..
_سخفتو عالآخر...حس بالذنب...ندم
برشا لأنو وصلها لهذي الحالة...وعندها
الحق..وقت قالت عليه وحش...ضمت
رجليها أكثر وخبات راسها وسط يديها
تبكي بالشهقة مالقى مايعمل غير أنو
يضمها ليه...يعنقها...يحملهاويحسسها
بالأمااان...تعبير على مدى ندم...
قرب ليها وحط إيديه ورى ظهرها متردد
وجبدها ليه...بدات تضرب فيه على صدرو
تعافر فيه تحب تبعدو عليها...تدز فيه بكل
قوة...تعبر على وجيعتها وخوفها...وجعتو
في كتفو...ترهوج من ضربها حس قلبو غم
عليه...تقوى على روحو...وقاوم..منغير صوت
كابس صوت...موش حاب يفجعها...ويزيد على
حالها...غلغل صباعو في شعرها...وزاد لزها ليه
عنقها وكبس عليها عندو...بقى يهدي فيها ويمسح
على شعرها...ظهرها...حتى هدات وشهقاتها نقصت
نفسها انتظم...وخرت لتالي...حطت خصلات من
شعرها ورى وذنها...وخزرت فيه بنظرة ضايعة
كلها لوم..وقهرة...معرفتش كيفاه نجمت تهدى
وهي بين إيديه...هبطت راسها من حشمة...
فيسع ماخدودها حمارو من حشمتها..
حتى هو ماضيع شي...يخزر فيها ومبحلق
عينيه فيها يحب يطمنها ويحسسها بالأمان
عاودت طلعتو ..وخزرت فيه...بعدت عينيها
متحبش تركز معاه...شد انتباها الدم اللي على شوميزو...غمضت عينيها تحاول تهدي روحها وتنهدت...وعاودت حلتهم ونطقت: أ...أنت تنزف
جرحك فاق على وضعو...وحط إيدو على جرح
وتكلم يحاول يهدي فيها ...حطت إيدها عليه
تتحسس فيه...وسألتو بعينين مدمعين...يوجع
فيك؟!!
جاسر:شوي....متخافش رح نقوم نظفو...قاطعتو
وقت قالت..
جوري: أ.   أنا نظفوا...
تصدم متوقعش منها جملة...تحكي هك...وتحب
تعاونو...فيقتو من سرحتو وقت سألتو وين Boite_farmacy أشارلها بيدو على الخزانة
بقى مبهم فيها صدمتو..متوقعش أنها تعمل
هك...البارح كان يضرب فيهاوهي اليوم تحب
تداويلو جرح..يخزر فيها ...متحيرقبيل كانت
تبكي وخايفة منو...وتوا تحب تداويه...
بحق فرخة مهبولة...
______________________________________________
توقعااااااتكم في الريبوووووووند
#Mîss_Rõssįlã