كرونيك💕 " حب تحت رحمة التقاليد " 💕

71

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_71
🌸#Mîss_Rõssįlã🌸
#جاسر_يحكي:
🌸مايؤلم قلبي حقا هو أنه تألمت على يد أناس تمنيت أن لا أراهم يتألمون💔😢🌸
منعرفش كيفاه وصلت للكرهبة ولا رجليا كيفاه حملتني ..ركبت وقلعت من غير مانتلفت ورايا المهم نبعد على بلاصة ..حاسس روحي في حلمة .في كابوس ونتمنى نفيق منو ونلقى كل شي كيف ماكان ...نسوق بسرعة كبيرة مش عارف وجهتي ..نضرب على الفولون بعصب يعني كنت راقد على وذنيا الفترة هذي الكل ...حتى صقر مخممش يقولي الحقيقة ...لهذي درجة حد ماسأل عليا ولا خمم فيا لمرة في حيااتو...دموعي خانتني لأول مرة في حياتي ..أنا جاسر الي ريح ماهزني ولا هدني..لقيت روحي ضعيف ..وكيف القشة ...كأني في بير غاامق وحاجة كابسة على نفسي وحجرة كبيرة محطوطة على صدري خانقتني ...بقيت نضرب على صدري بحرقة ..نار شاعلة فيا ...نصيح ونصيح..بصح حاجة مارح تهديني ...منعرفش كيفاه وصلت ..أصلا منعرفش علاه جيت هوني ..وشنوا رح نعمل هوني ..نزلت من الكرهبة وخليت الباب مفتوحه ...بقيت نمشي بين القبور ..نحوس على اسمها بينهم ...متذكر آخر مرة جيت هوني كان عمري 12سنة معرفتش علاه بابا جابني هوني وبقى يحكي كلاام غريب مفهمت منو شي وقتها ..أما اليووم عرفت شقصد في كل كلمة قالها ...لمحت اسمها على شاهد ..مشيت لعند قبرها وطحت على ركايبي ...حاط راسي على التراب ونبكي بالشهقة ...متعنق ترابها وغارس إيديا في اعماق اعماقو...نبكي كيف ما عمري بكيت .نبكي على حياتي اللي كانت  كلها كذبة ... بقيت مدةعلى هذاك الحال منعرفش  شحال بقيت ولا قداش الوقت ...طلعت راسي نمسح في دموعي ...وبديت نحكي ونمسح على قبرها :
أنا: أ....أ..أمي ..حتى هذي كلمة متردد اني نقولها ...شفت حتى هذي حرموك منها ياامي..بعدوني عليك ..وينك تجي تطفي ناري..وينك ياأمي تجي تمسح دموعي...وينك ياأمي مشتاق حضنك ..مشتاق ريحتك ..وينك ياأمي غدروك وقتلوك ...ربوني بايديهم الملطخة بدمك ..قووم ...قووم ياأمي علاه خليتني وحدي ...قووم ياأمي ...لمن خليتني ..وجعوني ياأمي ...حرقوني وماسألو عليا...كان خلوني شبعت بريحتك ..كان خلوني سمعت صوتك مرة وحدة...كسرولي ظهري ..بنفاقهم وكذبهم..غرسو سكينة في قلبي مزالو ينزف ..هوني يوجع ياأمي نضرب على قلبي يوجع برشا ...قولي ياأمي زعما يجي نهار وتطفى ناري ..يجي نهاار وتنقص وجيعتي ..مش رح نسامحهم ومش رح نغفرلهم ..ورح نحاسبهم الكل على كل شي عملووه معااك مش رح نرحم حد ولا نشفق عليه ..رح نعغسهم  تحت ساقيا  ووكبست بقوة على تراب قبرها ب ايديا ..عينيا حمر جمر ونارهم شاعلة أما ماتجي شي قدام نار قلبي الڨادية ...وقف عليا كيف عزرائيل ..ظلو المعكوس قدام خلاني نتلفت ليه ..نلقااه واقف ورايا ..راسو مهبطو في الأرض ..ضحكت بوجيعة ..وقمت على رجليا ..كبشت التراب مزالها في وسط إيدي ..وقفت مقابلو نخزرلو بعيون ثاقبة :
أنا: شتعمل هوني؟؟
أشرف: آغا من وقتااش نخليك بوحدك!
أنا: كيفاه عرفت أني هوني ..
اشرف: تبعتك من وقت ماخرجت من القصر..
أنا : من وقتاش تهبط راسك وقت تحكي معايا..
أشرف: أنا...أنا..
أنا: فاهمك من غير ماتدخل بعضك..تاعب وماعيني نحكي مع حد...ارجع من وين جيت ..حاب نقعد وحدي..
أشرف: بصح ياآغا..
أنا: مال**** متفهمش ...قتلك حاب نقعد وحدي ..اخطي جرتي ...أخطووني😬😬
أشرف: آغا..
أنا: أااااااشرفففففف...
أشرف: خلاص آغا من غير ماتعصب ..خلاص رح نروح ..اما اذا احتجت شي قوولي..
أنا: رد بالك حد يعرف  أنا وين ..
رحت وخليتو واقف في بلاصتو منعرفش اذا قسيت عليه..ولا كثرتلها ..مش حاب نرى حتى حد ...كيف ما كسروني لازمني ناقف على رجليا من جديد ..حتى جوري مش حابها تراني في الحالة هذي احسنلي نبعد جملة ..💔اليووم بالذات حسيت بوجيعتها ...اليوم بالذات عرفت شمعنى انو حياتك كلها كذب في كذب وانو الناس اللي كنت مفكرهم عيلتي وتخاف عليهم وتفديهم بروحكم ..خانوك وكذبو عليك ..وحبهم كان كلو نفااق بنفااق ...آه قداشني مقهوور خسرت كل شي في ظرف ثواتي ...صحيح ينكسر الزجاج وصوت انكساره  يروح بسرعة البرق  ،أما القطع متاعو تبقى وتجرح أي حد يمسها 😥حتى الخيبة الجارحة تروح مع الوقت أما جرحها في القلب يبقى ينخر لداخلو لمدة طويلة 💔
🌸 وكم من آهاات كسرت القلووب ..وكم من تنهيدات أوجعت الخاطر وكسرت الظنون ..🌸
#يتبع
#Mî_Rõ