كرونيك💕 " حب تحت رحمة التقاليد " 💕

54

#حب_تحت_رحمة_التقاليد💏🔥🔫 #الحلقة_54 #Mîss_Rõssįlã _علمتك الوفاء فخنتني ووفيت به لغيري... _علمتك الحب فكرهتني وقدمته لغيري.. _علمتك الوفاء ولكنك لم تغدر وتخن أحدا غيري.. _ليس الحب أن تملك من تحب...بل الحب أن تتمنى السعادة لمن تحب؟!❤           *★*★*★*★*★*★*★*★* _★★:شنوا تحب تقتلني..مش رح نموت وحدي رح نقتلها معايا...قومها جاء وراها صدرو في ظهرها.. وإيد على رقبتها والثانية رافد بيها السلاح موجهو  على راسها... جاسر:شنوا تحب...تحبني نهبط سلاحي وتقتلها.. اطلقها وأنا نجي في بلاصتها...خزر فيها يحب يطمنها بعينيه أنو معاها...جوري متخافيش كل شي رح يوفى...ردي بالك تبكي خليك هادية.. أنا هنا ياروحي متخافيش...رح نسلكك منو.. هزتلو براسها...موش قادرة توقف على رجلها وجيعتها غير تزيد تقوى ...كاتمة شهقتها..تخزر فيه بعينين مدمعين...مليانين خوف...قلبها يدق بالقاوي... ★★:نهبط سلاحي وأنت هبط سلاحك.. جاسر:نهبط سلاحي بصح العدل مزال مشفتوش هبط سلاحو..قرب منو جاسر بالزربة ...عطاه  بونية على الوجه..وخر لتالي مرهوج..وبداو يضاربو مع بعضهم...فشخو بعضهم بالضرب... جاسر يحاول يجمع قوتو...ضربو ضربة قوية جابو لرض..وطاح عليه...يحاول ينحي القنااع من على وجهو...معرفش واش يعمل غير أنو..يخرج الموس من تحت رجل السروال..رايح يضرب فيه وقتها شافتو جوري...صاحت ونبهت جاسر وقت تكلمت:جاااااسر عندو مووس رد بالك.. انتبه جاسر ليه وبدى متعافر هو وياه...يحب  يفكلو الموس...جوري مالقات ماتعمل ..إيديها ترعش من الخوف...رفدت السلاح كان قدامها وصوباتو جيهتو...غمضت عينيها وزفرت بقوة.. وضغطت على الزناد...خرجت الرصاصة..ضربت فخذو..طاح في الأرض..رماتو من إيدها وقت شافتو ينازع يتصكك من الوجيعة...إيديها مزالهم يرعشو...دموعها نازلين يحرقو...حطت إيدها على وجها...وناض جاسر بلا مايحس رفد سلآحو  ووجهو ليه وبدى يحكي.. جاسر:نوعدك نخليك تروح إذا قتلي شكون بعثك.. وتلفت ليها...جوري ياروحي أنت بخير..شهقاتها وجعوه قهروه... ★★:مانقولش..مش رح نخون معلمي..اعمل اللي تحب عليه...أنا أصلا ميت.. جاسر: شكون معلمك وعلاه مرتي بالذات؟؟ يحكي ويرص على سنيه.. ★★: عن قريب رح تعرفو يا جاسر آغا..توا أنسى أني نخبرك.. جاسر: جوري غمضي عينيك...هي غمضت عينيها ضغط على الزناد...خرجت رصاصة استقرت في نص راسو ....بين عينيه..طاح على القاعة.. ينازع...روحو طلعت لمولاها.. فتحت عينيها...تشوف اللي صاير...ياريتها  مافتحتهمش...بدات تصيح من اللي تشوف فيه جثة قدامها...غارق في دمو...عينيه مفتوحين والدم يسيل بينهم..وقت سمعها تصيح...قام يجري ليها يعنق فيها...عصرها بين إيديه...خنقها...وهي تفرفط بين إيديه...تضرب فيه على صدرو...وهي تصيح.. جاسر: اششششششش..علاه ماسمعتيش كلامي وقت قتلك سكري عينيك؟! جوري:ب..ع..د..ن..ي...سي..بن...ي..إنت قتلتو..أنا خايفة منك...ماكان يحس بحتى شي ..يحس غير بيها وهي بين إيديه..قريبة ليه...راكحة في صدرو.. متحاميه فيه...قوصت على ملثم بش تحميه.. تبكي وتشهق...وتزيد فوقها تتقبح وطول لسانها عليه..رفدلها راسها...وقعد يخزر فيها..في عينيها الخضر المدمعيين...لونهم الصافي سحرو...تبحر في وسطهم...شفافها اللي يرعشو..خدودها ونيفها الحمرين من البكاء..اششششش منحبش نرى دموعك منحبكش تخاف من شي وأنت معاايا...جيست خاف مني...أنا وحدي...بوزت شفافها...:شكون قالك نخاف منك...تبسملها تبسيمتو كانت تهبل...نسحرت فيها... :اممممم هذا وين كنتي تقولي عليا وحش! جوري:عينيها تحلت صفاحي..😓😓كنت تسمع فيا..إنت..كنت هوني؟؟ جاسر:إيه...أنا كيف ظلك ..ديما وراك وين تروحي تلقايني معااك...نوعدك حتى في الظلمة...مش رح نخليك...مزالها شادة في صدرو...مكبشة في شوميز متااعو...فيقهم على وضعهم ...أشرف وقت جاء. أشرف:حمحم...آغا المدام بخير؟؟جاسر: ڨحر فيه ڨحرة ترعب...مبكر برشا سي الشباب.. أشرف: هبط راسو...سامحني آغا.. جاسر: نظف المنطقة مليح...وحاول تعرف شكونهم وشكون اللي بعثهم نحب تقرير مفصل على الموضوع.. أشرف كان واقف قدام جثة متاع الملثم..هبط على مستواه...ونزعلو القنااع...وخر لتاالي مرهوج..شايفو في بلاصة...بصح ياترى وين...وجهو مألوف ... جاسر: شبيك...تعرفو؟؟ أشرف: موش عارف وين شفتو...بصح رح نعرف شكون هو...نوعدك يا آغا رح يخلصوها... تلفتلها يسأل فيها...تقدري تقومي ولا نحملك.. جوري: رجلي توجع برشا... جاسر: بااهي يالآاالة ...أدللي أنا تحت أمرك.. جوري:😑😑😖 قرب ليها حط إيد ورى ظهرها...وإيد عند رجليها.. وحملها ...تعنكشت فيه...ولزت ليه أكثر...حطت  راسها على صدرو...مستمتعة في قربو...تسمع في دقاات قلبو اللي علات وهي قريبة منو.. حاط خشمو في شعرها ...يشم فيه...يحب يطمن إنها قريبة منو...مزالها جنبو..يحكي في سرو (آاااه!! قدااش خفت عليك...منعرفش شنوا كان صار لو مالحقتش في الوقت المناسب...موش عارف اللي صاير معاايا...نعرف أني رح نغلط إذا خليت هذا الإحساس يكبر...حمد لله اللي رجعتلي بخير...كأني...لالا جاسر مش لازمك تحس هكا...رد بالك تغلط) فيقتو على وضعو جوري: أحم...نحب نسألك ؟؟ جاسر:إيه...وهو شادها ومزير عليها تقول رح تهرب جوري: كفاه عرفت بلآصتي؟؟ جاسر:تبعت آثار رجليكم جوري: امممم...وهو علاه كان حاب يقتلني..شنوا ذنبي أنا في اللي صاير الكل؟؟ جاسر: ذنبك أنك مرتي...وصرت من عايلتي... أنتي في نظرهم نقطة ضعفي وإيد اللي توجعني.. جوري: نقطة ضعفك؟؟ جاسر: إيه...أي حد من عيلتي هو نقطة ضعفي جوري: سامحني لني ماسمعتش كلامك.. جاسر: منحبش تعاودي هذي الكلمة..تعصبني.. شوفي كيفاه تعوضيني وغمزها بخبث...ولا حضري روحك لعقوبة لنو غلطاتك كثرت اليووم.. جوري:ضربتو على صدرو..منك صح تحب تضربني تي قريب مت اليوم وأنت مزالك رافع خشمك عليا😕😏 جاسر: أركحي يافرخة...موش منبه على طولة اللسان.. وسبق ووعدتك أني مش رح نحك إيدي عليك..ولا نمس شعرة منك.. ڨحرتلو ...اوووف منك ....أوووووف جاسر:  شبيك يافرخة؟؟ جوري: مابيني شي...أنت خفت عليا..تترجى فيه بعينيها جاسر: أنا راجلك ومن واجبي نحميك ونصونك...ومانحب أي حد يقرب لملكيتي الخاصة...ياوين كانت مرتي.. نقطع الإيد إللي تتمد ليها.. جوري: 😑😑 جاسر: أنتي كلمتك مسموعة في العشيرة...ومقامك من مقاامي...إنت مرتي...إللي ليا هو ملكك وتحت أمرك.. مفاقوش على طريق وهما يحكو مع بعض...أول مرة يحكو مع بعض من غير مايتعاااركو...وصلو قدام المزرعة عطاه أشرف مفاتح الفيلا وأستأذن منو...بعدما وزع الرجال على زوايا الفيلا يحرسو فيها...فتح الباب...ودخلها الداخل قابلتهم الصالة ...حطها على أقرب كرسي قابلو... جاسر: أقعد هوني...نروح نجيب مكعبات ثلج...رح تتحسن رجلك عليهم...رد بالك تنحرك من بلاصتك..هزتلو براسها بمعنى باااهي..وقعدت تخزر في الفيلا...تتأمل فيها...واسعة ينشرح فيها القلب...عجبتها عاللخر...مرتبة...ديكورها بسيط حتى الأثااث موش مضخم...طاغي عليه اللون الرمادي.. دخل عليها وفي إيدو كيس متاع الثلج...قعد على ركابيه وحطلها رجلها على ركبتو...وحط عليه كيس متااع الثلج.. صاحت من وجيعتها...قلبو نخزو عليها...يحاول يعملها مساج يخفف بيه الوجيعة.. جاسر:أتحمل شوية وتخف الوجيعة..موش معاه جملة ولا مركزة في اللي يحكي عليه...هو صحيح خايب...وحش شيطان...بلا قلب...بصح اليوم متخلاش عليها...مسلمش فيها...عمل حاجة على خاطرها...لو حد في بلاصتو كان اختار نفسو...حتى بوها سلم فيها في أول فرصة جات ليه سمح فيها من غير مايوجعو قلبو عليها...جاسر اللي كانت تبخر بريحتو...تعتبرو عدوها...أرخس خلق ربي بالنسبة ليها...وأوحشهم في الدنيا...اليوم حماها ...وفداها بحياتو خيرها على عشيرتو وعلى نفسو...لو جاء حد وقالها أنو جاسر الغامدي اللي تكرهيه ...رح يجي يووم وتبدلي نظرتك ليه...وتحسب بيه...كانت كذبت...ومستحيل أنها تصدق... جاسر: يافرخة وييينك...وين سرحت...من الصباح نعيط علييك..فيقها على وضعها وقت حط إيدو على كتفها.. جوري: إيه...شنوا قلت؟؟ جاسر:خفت الوجيعة...أنت مليحة.. جوري: امممم مليحة..موش كيف قبل😊 جاسر: نروح نعملك حاجة تاكليها...تكوني جعتي.. تلفتت ليه مستغربة...شنوا أنت ...تدخل للكوزينة وتصنفلي أنا😏😖 جاسر: شبيك مستغربة...أنت متعرفنيش😏 جوري: اممممم رح نشوف😉 جاسر: باهي يا لالة...وراح للكوزينة وخلاها سارحة فيه.. ................................................................... رايكم في أحدااث الجديدة...وتوقعاااتكم في الأحدااث الجديدة...جمجمو على الحلقااات...علقو في ريبوووووند#Mîss_Rõssįlã