كرونيك💕 " حب تحت رحمة التقاليد " 💕

49

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_49
🌸#Mîss_Rõssįlã
#جوري_تحكي::
*لاتبكي ياقلبي فإنه لم يتحقق حبك...صدقني لاتبكي...فإنه دائما في النهاية يندم من ترك وهجر... دون أن يجرب ويعيش ماعانيته منه...اعلم أن يغادر هذه الدنيا..*
باقية نتبع فيه كيف الجثة الهامدة ...لنو روحي طلعت هذا زمان ...رغم كل شي مر عليا  مزالني واقفة ...حتى صدمتي ماغيرت شي ...ماتبدل شي ...كلهم كذبو وكلهم من نفس الطينة حتى الراجل اللي حبيتو وسلمتلو كل شي عندي ... الوحش اللي كان  حاب يغتاصب طهارتي ويسلب برائتي وعيشني العذاب هذا الكل طلع خويا ...هههه ههههه
وطلقت ضحكتي ... نضحك بقوة ...حتى تلفتلي مفجووع وقاطب حواجبو....
جاسر: جوري شبيك ...يابنتي مالك.(دفعتو بايديا..وخر مرهوج لتالي حاط ايدو على كتفو ..راسم ڨريماس على وجهو موجوع..)
جوري: انت آخر واحد يسألني شبيني...أصلا انت سبب في اللي انا فيه...تحب تعرف مالي...أنا وليت هشة كيف ندفة الثلج...من صدمة لصدمة ومن وجيعة لوجيعة...مكسورة كيف جناح الطير،بصح حد ماسأل عليا حتى انت ...
جاسر: هش..اسكتي..اسكتي...
جوري : مش رح نسكت ، اليوم انا اللي نحكي وانت اللي تسمع يا جاسر الغامدي...دفنت قلبي في هذاك اليووم وفي نفس البلاصة اللي عرفت فيها الحقيقة...يكفيني ماذرفت دموع من دم..لنو دموعي طاحت الكل من عينيك انت..لنو دموعي جفت وشلالها نشف..ياجاسر انت قهرتني...ظلمتني وكذبت علياوانت تخزر لعينيا من غير خجل ولا حشمة..
(قربلي حاب يمسني ويشد ايدي ..حبستو بايديا )
: رد بالك تمسني وليت منعرفكش....تعرف رغم كل شي عملتو فيا هذا مزال يحبك وماينبض كان باسمك..رد بالك تقرب أكثر..لنو كلما نقربك نزيد نتحرق أكثر..
جاسر: سامحني مش قصدي...والله..
جوري: اسسشس...خليني نكمل..لنو كلما نخضعلك تذلني أكثر ...متخليش هذا الجرح ينزف أكثر...هو قلبك محروق كقلبي؟؟...أنا خبيتك هنا(حطيت ايدي على قلبي)..على عيون الناس الكل...وعمري لاحبيت ولا عشقت ولا خزرت لحد غيرك...بصح انت بواش جازيتني...انطق..ولا خلي انا نقول...انت تلاعبت بيا كيف ماتحب ووقت ترغب...عفست على مشاعري..وكذبت عليا...حتى لو صعيب عليك تسمع وتستوعب اللي قلتو...يمكن يكون ثقيل عليك...بصح أكبر خطأ كان لياا...هو أنت...ووقت حبيتك...ووقت سامحتك..وخليتك تملك قلبي...
دموعو نازلة تحرق على خدو حرقتني...باقي في بلاصتو مهدود حيلو...وعينيه ضايعة قدرت نقرى مدى كبر وجيعتو ...جيت نمسحلو فيهم...لمحتو جاي ناحيتنا يدهشر وموجه سلاحو على جاسر...ضغط على الزنااد..بلحظتها ماخممت في حتى شي غير أني نرمي روحي قدام جاسر...يمكن وقتها نرتااح وروحي تريح من كل هذا العذاب اللي ريت منو الويل من وقت ماوعيت على الدنيا...شديتو من ايدو ..ودفعتو بقوة...فقد التوازن متاعو..باقي باهت ومصدوم...وطاح على القاعة يخزرلي وعينيه مفتوحة على وسعها... كل شي صار بسرعة وقتها ماحسيت كان بحاجة سخونة وقوية كيف السهم اخترقت بدني...تحرق فيه كيف الجمر ..توجعت وطلع صوتي من المي ..وخرت لتالي ..خطوتين لورى وخزرت لبلاصة الرصاصة...حطيت ايدي عليها...راسمة على وجههي تبسيمة فيها مزيج من الوجيعة ، القهرة...يمكن فرحة لنو وأخيرا رح نخلص من كل شي..نرى في خيال يقرب مني...ويضحكلي..امرأة تشبهلي برشا فيكم تقولو نسخة عليا...مدت ايدها ليا ...كأنها تقولي جيت ناخذك معاايا...نسمع في صوت صياحو ...بعيد...شادني من وجههي ويبكي كيف الولية ...ويتلمس في تفاصيل الكل...
جاسر: لا لا....لا جوري متعملهااش ...متخلنيش....رد بالك تعملها...متخليهاااش بيا ...عيش حبي..علاه حميتني علاه...كان خليتو قتلني....علاه جيت في وجه الرصااصة...
.باقي مركزة عليه..رمى السلاح من ايدو...وطاح على ركاابيه ..وجههو بارد مايفسر شي.يضرب في ايديه على القاعة...ويتمتم في كلاام مش مفهووم...
وفجأة هدو الرجال الكل.....وحاوطو البلاصة وقبضو على رجال قيصر...وأشرف باقي موجه سلاحو ليه...وطلب منو يسلم نفسو بتهديد...بصح هو مش سامع بيه...قرب ليه عطاه ببونية لوجهو...وهجم عليه بالضرب ماخلى فيه عظم صحيح....باقي جامد ماتهزت فيه ولا شعرة ولا حاول. يدافع على نفسو. تلفت لجاسر لروح قلبي اللي رح نخليه ورايا.....حاولت نقرب ايدي ليه...شدها بالوقت وحطها على خدو..يمرر فيها ويبوس في قفااها
جوري: م....متب...كيش....أنا....ن.....نحب....ك...متلو...مش روحك...(بديت نسعل...وخرج من فمي دم...)..أ...أمي...و...مرا..د ....أما.. .نة.....عن...دك...اوع..دني
...اوع..دني...تخر..ج من...هذا ...الو...سخ...
جاسر :اذا تحبني متخلنيش... وبرحمة الغالي عندك متحكيش هك...رح تعيش...ورح نربو ولادنا مع بعض..ورح نسيك في اللي عشتو الكل...انت جيست ابقى ..معايا..انا بحاجتك...ياربكم عيطو للاسعاااف...علااه واقفين ...عاونوني...رح تروح مني..
أشرف: آغا هيلوكبتر قربت توصل....شد هذوما واضغطلها على الجرح...بش ماتنزفش أكثر...
جاسر: جوري ياروحي تسمع فيا...ابقى فايقة...ماتغمضش عينيك...خليك معايا...شوف جات المروحية ورح تعيش...هيا اتحمل اتحمل عيشك...قاوم على خاطرنا...
مش قادرة نتحمل أكثر...نعساانة برشا...وتاعبة حابة نرتااح
نسمع في صوتو بعييد...وجوجمة المروحية اللي حطت..واصوات الرجلين اللي تقرب مني..
غمضت عينيا  ماحسيت كان بحضنو الدافي وقت حملني ولزني ليه...وجاري بيا....استسلمت للظلااام...اللي اسرني ويمكن خذاني للجهة مجهولة...*اخبريني كيف لي أن أبحث عن غيرك ..وأنا معك وجدت لذة الإكتفاء عن باقي البشر*
#يتبع
#Mî_Rõ